16 ᐁᐗᑯ ᐅᒋ ᑭ ᓇᑕᐌᓕᒥᑎᓇᐗᐤ, ᓄᔅᐱᓇᔒᒃ᙮
ᐃᔑ ᓄᔅᐱᓇᔑᒃ, ᒬᒋ ᐁ ᐃᔑ ᓄᔅᐱᓇᑕᒃ ᙭᙮
ᓂᒋᔖᓂᑐᒃ, ᒫᒪᐎ ᓄᔅᐱᓇᔒᒃ, ᓀᔥᑕ ᑭᔅᑭᓄᐙᐸᒥᑯᒃ ᐊᓂᑭ ᑳ ᐱᒧᑌᒋᒃ ᐁ ᐃᔑ ᐋᐸᑎᓕᐌᔮᒃ ᐁ ᐱᒧᑌᔮᒃ ᓂᓚᓈᓐ᙮
ᐊᓂᐃ, ᑳ ᑮ ᑭᔅᑭᓄᐊᒫᑲᐎᔦᒃ, ᓀᔥᑕ ᑳ ᑮ ᐅᑎᓇᒣᒃ, ᓀᔥᑕ ᑳ ᑮ ᐯᑕᒣᒃ ᓀᔥᑕ ᑳ ᑮ ᐙᐸᒥᔦᒃ ᐁ ᐊᔨᑎᔮᓐ, ᐁᐗᑾᓂᐃ ᑐᑕᒧᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮
ᓀᔥᑕ ᒫᑲ ᑭ ᑮ ᓄᔅᐱᓇᔑᓈᓐ, ᓀᔥᑕ ᐅᑎᐯᓕᒋᑫᐤ, ᐁ ᑮ ᐅᑎᓇᒣᒃ ᐋᔭᒥᐎᓐ ᒥᔅᑕᐃ ᑲᑾᑕᑭᓯᐎᓂᒃ, ᐁ ᒥᓚᐙᑕᔦᒃ ᐯᓓᑭᓯᑦ ᐊᒑᒃ:
ᓇᒪᐎᓚ ᐁᑳ ᐁ ᐋᔮᔮᒃ ᑲᔥᑭᐅᐎᓐ; ᒫᑲ ᑭᒋ ᐃᔑᐃᑎᓱᔮᒃ ᐁ ᑭᔅᑭᓄᐗᐸᒥᔮᒃ ᑭᒋ ᓄᔅᐱᓇᔑᔮᒃ᙮
ᑭᔅᑭᓯᑐᑖᑯᒃ ᐊᓂᑭ ᑳ ᑎᐯᓕᒥᑖᒀᒃ, ᑳ ᑮ ᐋᓕᒧᑕᒫᑖᑾᒃ ᑭᒋᒪᓂᑐ ᐅᑦ ᐋᔭᒥᐎᓐ: ᐅ ᑖᐺᔦᓕᑕᒧᐎᓂᐗᐤ ᓄᔅᐱᓈᑕᒸᒃ, ᐁ ᒫᒥᑐᓀᓕᑕᒣᒃ ᐁ ᐃᔑ ᐳᓂᐸᓕᓕᒃ ᐅᑦ ᐃᔑᐱᒫᑎᓯᐎᓂᐗᐤ᙮
ᐁᑳ ᓀᔥᑕ ᑖᐱᔅᑯᒡ ᐁ ᐅᑭᒫᐎ ᑎᐯᓕᑕᒬᒃ ᑭᒋᒪᓂᑐ ᐅ ᑎᐯᓕᒋᑲᓐ, ᒫᑲ ᐁ ᑭᔅᑭᓄᐙᐸᒥᑖᑾᒃ ᒫᓂᔥᒑᓂᔕᒃ᙮
