16 ᐌᓴ ᑮᔥᐱᓐ ᐁᑳ ᐌᓂᔥᑳᑡᐎ ᐊᓂᑭ ᑳ ᓂᐱᒋᒃ, ᐁᑯ ᐁᑳᐌᓂᔥᑳᓈᑲᓂᐎᑦ ᙭:
ᒫᑲ ᑮᔥᐱᓐ ᐅᑦ ᐊᒑᑾ ᐊᓇ ᑳ ᑮ ᐗᓂᔥᑳᓈᑦ ᒋᓴᓴ ᐅᓂᐱᐗ ᐅᒋ ᐱᐃᑭᔅᑳᒥᑖᑴ, ᐊᓇ ᑳ ᑮ ᐗᓂᔥᑳᓈᑦ ᙭ᑕ ᐅᓂᐱᐗ ᐅᒋ ᐊᓯᒋ ᓀᔥᑕ ᑲᑕ ᐗᓂᔥᑲᓇᒻ ᑭ ᓂᐱᐎ ᑭᔭᐙᐗ ᐅᑦ ᐊᒑᑾ ᐅᒋ ᑳ ᐃᒋᔅᑳᒥᑕᒃ᙮
ᐁᐁ, ᓂᓚᓈᓐ ᓂ ᑮ ᒥᔅᑲᐙᑎᑲᐎᓋᓐ ᐁ ᑮ ᑭᓛᔅᑭ ᑎᐹᒋᒪᑭᑦ ᑭᒋᒪᓂᑐ; ᐌᓴ ᓂ ᑮ ᑎᐹᒋᒫᓈᓐ ᑭᒋᒪᓂᑐ ᐁ ᑮ ᐗᓂᔥᑳᓈᑦ ᙭ᑕ: ᓇᒪ ᒫᑲ ᑮ ᐅᒋ ᐗᓂᔥᑳᓀᐤ, ᑮᔥᐱᓐ ᐅᑎ ᐁᑳ ᐌᓂᔥᑳᑡᐎ ᐊᓂᑭ ᑳ ᓂᐱᒋᒃ᙮
ᑮᔥᐱᓐ ᒫᑲ ᐁᑳ ᐌᓂᔥᑳᓈᑲᓂᐎᑴ ᙭, ᑭ ᑖᐺᔦᓕᑕᒧᐎᓂᐗᐤ ᐸᑾᓐᑕᐤ ᐃᑌᓕᑖᑾᓐ; ᑫᔮᐸᒡ ᑭᑦ ᐃᑖᓈᐊᐤ ᑭ ᒪᒋᑣᐎᓂᐙᒃ᙮
ᑖᓂ ᒫᑲ ᑫ ᑐᑕᑭᒃ ᐊᓂᑭ ᑳ ᓯᑲᐋᑕᐙᑲᓂᐎᒋᒃ ᐅᓂᐱᐗ ᐅᒋ, ᑮᔥᐱᓐ ᐁᑳ ᐗᓂᔥᑳᓂᑡᐌ ᐅᓂᐱᐗ? ᑖᓂᑭ ᒫᑲ ᐌᒋ ᓯᑲᐋᑕᐙᑲᓂᐎᒋᒃ ᐅᓂᐱᐗ ᐅᒋ?
ᓀᔥᑕ ᐁ ᑮ ᓇᐃᑲᐙᑲᓂᐎᑦ, ᓀᔥᑕ ᐁ ᑮ ᐗᓂᔥᑳᑦ ᑳ ᓂᔅᑐ ᑭᔑᑳᓕᒃ ᐁ ᐃᔑ ᐃᑗᒪᑲᑭ ᑭᒋ ᒪᓯᓇᐃᑫᐎᓇ;
