Titus 3:3 - Matu Chin New Testament 2006

³ Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

Matu Bible

³ Hnukbuet ah mamih khaw hlangang altha la ng'om uh tih n'rhaithi uh. Hoehhamnah neh omthenbawnnah rhoepsaep dongah sal m'bi uh. Phayoenah neh uethnetnah dongah kho n'sak uh. Khat neh khat rhalawt la hmuhuet uh thae.

Titus 3:3 Iomraidhean Croise

Mathai 21:29

A capa ahaamca lawng, ‘Ka ngaih nawh, ka cet manawh’ a tina tih a thana de a kaw a poek koep tih dum la cet.

Luka 21:8

Jesuh lawng, “Ngaithuen uh; a-u lawngkhaw n'thaina boel seh. Thlaang broe lawngah ka miing oen law ai, ‘Kai tah ahih poen ni! Atue a pha poen!’ ti ai. Tede ahimi hu ah te bang u boel.

Johan 8:34

Jesuh lawng ahimi nala te, “Awltak kavan thui u: a-u khaw thawlhna aka sai boeih tah thawlhna sal la awm.

Rom 11:30

Nangmi Gental thli lawng anoekbuet atah Pathen awl te na ngaai u nawh, tede tahe ah Judah thlaang thli lawng a awl a ngaai pe u nawh dawngah nangmi lawng Pathen reenna te na dang u.

Rom 6:12

Nangmi lawng na pumsa ngaihna te vai hamla aka duek thai nangmi pum te thawlhna lawng uk tlaih boel seh.

Rom 6:17

Tede Pathen te uem u lah! Anoekbuet atah nangmi he thawlhna sal la na awm u de, tahe tah cangpueina dawngah na huh awltak na dang u te na thinkaw lungbui tak oen na vai u poen.

Rom 6:22

Tede tahe tah nangmi he thawlhna kalawng na loeih u poen tih Pathen kah sal la ni na awm u poen, Nang kah hoeikhangna tah na hingna te amah tengah na peek biit tih aphu tah dungyan hingna te ni.

Rom 6:6

Mami kah hing ruem te Jesuh Khrih oen thinglam dawngah khiing haih la awm poen tite m'ming u. Te tila a khiing haih he tah thawlhna oen aka be pumsa hing ruem te phe boeih tih thawlhna sal la awm tlaih nawh ham ni.

2Korin 12:20

Tede nangmi teng kavan pha vengah te nangmi huh hamla ka ngaih tih ka ngaiuepna angla te kan hu u nawh hau vetih, nangmi lawngkhaw kai he huh na ngaih ngaiuepna angla te nan hu u nawh hau ai tite ka lakueng. Tawhsina oen uett-eena, thintoina oen mah ham bueng ngaihna, thlaang sal-aphaamna oen theetna, oekthloenna oen awlpuung kaacaanna thli te ka huh hau ai tila ka lakueng.

Galati 6:3

A-u khaw, me tih khaw a ti aih tang nawh maiah amah oen amah te asangluepla aka poek u tah amah oen amah ni athailat u khoeng mai.

Kolosa 1:21

N'cuiveng atah nangmi lawng athe thaihu thli na sai u tih, na poek u dawngah Pathen oen na thla u.

Kolosa 3:7

Anoekbuet ah nangmi kah hingna khaw pumsa ngaihna lawng uktem la a awm vengah namami khaw he ang pumsa ngaihna angla khaw na sak u.

2Timothy 3:13

tede thlaang the thli oen thlaangthaipalat thli kah the-arana tah khuet la khuet ai; thlaangtloe te athai alatna vetih amah te khaw a thai alatna u van ai.

2Timothy 3:6

Ahimi khatsut lawngah thlaang im thlaang lo ah kuun u tih a kaw aka cak nawh hutaa-tumphai, amami kah thawlhna thalrih lawng a namm tih pumsa ngaihna phun soeprep lawng a mawt hutaa hue te tah doelh a thloeih tih a tuuk u thai,

Titus 1:16

Amami lawngtah Pathen ka ming ti u de a saina oen a hoett u, thaihu theen khat khaw sai ham aka koeih tlaih nawh thlaang thli poen ni.

Titus 2:12

Te lungvatna lawngtah Pathen tula sak ohla hingna, dilai thaihu ngaihmoekna te hoett ham, mah oen mah kuemsuemna, doengna oen he dilai dawngah Pathen kawngaih la hingna oen awm ham mami te n'thuituen.

James 1:26

Bokna ben ah ka tlungmu tangkiik mai tila aka poek thlaang awm aw? Ahih lawng a laai te a khoem thai nawh atah ahih kah bokna te aphu awm nawh tih amah oen amah te ni athai-alat u khoeng mai.

1Peter 1:14

Pathen awl te ngaai uh, nangmi lawng n'tu khaw na ming u nawh vengah namami kawngaih la na hing u angla te hing u tlaih boel.

Olphong 12:9

Dilai pum thailatnakung Seitan, tihnawhtah Raaibawi aka miingna suenyan kah ruultluung bohlang te a vanthlaang thli oen dilai la avan thlaak haih.

Olphong 13:14

Ahih lawngah lamhacuek kah satluung haiah sai sak ham a peek kawpoekraina te a saina rang oen dilai han thlaang boeih te athai alatna. Samsen oen tloek la awm tih boengha a caak de aka hing lamhacuek satluung te hinyah peekna la ahih kah kutsaimuei pakhat dilai thlaang thli te a sai sak.

Olphong 18:2

Ahih lawng angaihhlangla paang tih: “Hutaa te tlim poen! Babilon khawpui tah tlim poen! Te khawpui tah raaithe thli oen muithla ciimcaih nawh thli awmna ahuen la tahe tah coeng poen; tuiilehkap oen thina koei va phun soeprep a khuiah awm u.