Titus 3:2 - Matu Chin New Testament 2006

² Ahimi lawng a-u kah athe-arana khaw thui nawh ham, tede adingsuekla roeproeicala awm tih thlaang boeih tengah kawdawna te tueng sak poepa ham thui peh.

Matu Bible

² Soehsal uh boel saeh. Kodo neh oldip kadip la om ham, hlang boeih taengah muelhtuetnah boeih tueng sak.

Titus 3:2 Iomraidhean Croise

Mathai 11:29

Kai kah hawphueih he lo lang phuei u lah, kai tah kawdaw oen boe-ngaaina thinkaw ka khueh dawngah kai tengah cang u lah; ngaimawngna kan pe ai.

Caeltueih 23:5

Pawl lawng, “Ka puei, Israel thlaang thli, ahih he Khawsoeih Bawi ni tite ka ming nawh dawngah ni. Caciim lawngah, ‘Na thlaang phun ukkung te athela thui boel,’ tila a thui ta” a tina.

1Korin 6:10

thlaang kah thaihu aka rot thli, apueh asawm aka ngaih moek thlaang thli, yuu aka ruui thlaang thli, thlaang aka theet thli, thlaanghuen thli tah a-u khaw Pathen Ram te pang manawh.

1Korin 9:19

Kai tah a-u kah saltamnaa la khaw ka awm nawh, kai tah thlaangcuem ni; tede thlaang yahawh te ka doek thaina ham kamah oen kamah thlaang boeih kah sal la ka awm.

2Korin 10:1

Mami oen ng'awm haih veng atah awl kaa khaw thui nawh, athlathloei la a awm atah tluung-athang mai na ti u kai Pawl lawngah Khrih kah boe-ngaaina, kawdawna thinkaw oen ah reenna kavan bih u.

2Korin 12:20

Tede nangmi teng kavan pha vengah te nangmi huh hamla ka ngaih tih ka ngaiuepna angla te kan hu u nawh hau vetih, nangmi lawngkhaw kai he huh na ngaih ngaiuepna angla te nan hu u nawh hau ai tite ka lakueng. Tawhsina oen uett-eena, thintoina oen mah ham bueng ngaihna, thlaang sal-aphaamna oen theetna, oekthloenna oen awlpuung kaacaanna thli te ka huh hau ai tila ka lakueng.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Galati 6:1

Maya manau thli, thlaang pakhat lawngah thawlhpalhna pakhat te a sai hau atah, nangmi Muithla ah aka awm thlaang thli lawng lawngpui doeng ah na khueh koep ham awm; te tila na sai vengah te kawdaw thinsan oen na sai u ham awm. Namami khaw suek-halhna ah na thuum u van nawh ham ngaithuen uh.

Galati 6:10

Tedawngah atue theen n'dang veng roekk ah thlaang boeih tengah theenna te sai u silang tah awlpui ngaaila oengna ben ah mami kah imkhuikaw la aka awm tengah sai u sih.

Ephesa 4:2

Boe ngaai yoeyah uh, amueltuett la awm uh, na kaw daw sak uh. Nangmi lawng lungna te khat oen khat reenna oen tueng sak uh.

Ephesa 4:31

Thunkha-thunthlimna, thinso-kawsana, thinsana te hoett u loeih. Pakhat oen khat tlungna oen sal-aphaamna, khat oen khat thina thinkaw awm tlaih boel seh.

Philipi 4:5

Thlaang boeih tengah nangmi kah kawdawna te tueng sak uh. Bawipa tah law yue poen ai.

1Thessalonika 2:7

Khrih kah celtuih la ka awm u dawngah te ang te nangmi tengah ka thoehtham thai ngoen ta, tede nangmi tengah ka awm u vengah te a manu lawng a ca a nau thli a dawm athlai angla nangmi te kawdaw boe-ngaaina oen kan dawm u.

1Timothy 3:11

A yu thli khaw khawboe ramlang aka theen, thlaang theet awl aka thui nawh, mah oen mah aka uk u thai, soeprep ah thlaangdoeng la aka awm thlaang seh.

1Timothy 3:3

Ahih tah yuu aka ruui nawh tih boethe halang nawh thlaang, boe-ngaai kawdaw thlaang, tangka aka ngaih soeh nawh thlaang seh,

James 3:17

Tede saw benkah cuihna tah atloe boeih lak ah ciim, te tah ngaimawngna, boe-ngaaina oen beroepna la awm, te tah reenna oen betoet tih atheen saina athaih theen te a thaih sak; te lawngtah thlaang pekthlena khueh nawh tih thlaang theen la khaw sa u nawh.

James 4:11

Maya manau thli, nangmi pakhat oen khat thuitheet u boel. A-u khaw khrihca maya manau te a thuitheet tih awl aka cek tah Phungawl te a thuitheet tih awl a cek poen ni. Nang lawngah Phungawl te awl na cek atah, nang tah Phungawl te aka vai thlaang pakhat la na awm tlaih nawh tih awlcekkung la ni na awm poen.

1Peter 2:1

Tedawngah namami kah the-arana boeih, hoem awl thuina, thai-alatna, uett-eena, awlthe awlkha te hoett u loeih.

1Peter 3:10

Caciim dawngah, “A-u khaw hing khuiah awmngaih hamla a ngaih tih atue theen huh ham aka ngaih tah, awlthe thui te kuemsuem selang hoem awl thui te toeng loeih seh.

1Peter 3:8

Hukhueng ah awl uen hamla ka ngaih tah; Nangmi boeih lawng thinkaw lungbui poekna te khat la kang khueh uh, maya manau angla khat oen khat lung u langtah reenna oen boe-ngaaina oen ah awm uh.

1Peter 4:4

Tahe atah nangmi lawng Pathen aka ming nawh thlaang thli kah khawpaw rang-au la a hingna dawngah te na thuum pe u tlaih nawh dawngah a kawpoek rai u tih tedawngah nangmi te n'thui theet u.

2Peter 2:10

awlpui la tah amami kah tuiilehkap pumsa cuk-halhna oen Pathen kah aana n'tu la aka sak nawh hue te ni. He kah asoeng nawh cangpueikung thli he a thin cak u tih halang u, sawben vaan ah aka awm ruep-awm te khaw hinyah u nawh, ahimi lawng te thli te asal aphaam dai.

Jude 1:10

Tede he kah thlaang thli lawngtah amami kah yaakming nawh pakhat khat te the a phoei thil u; ramsa angla amami kah thang puei cuihna oen a ming u thaihu thli lawngah ahimi te a phe u poen.

Jude 1:8

Tetih toengtoengla, tahe kah thlaang thli lawngkhaw mang ka man ti u tih amami pum dawngah thawlhna a sai u; ahimi lawng Pathen kah aana te a hadalhna tih vaan asawsang kah ruep-awm thli te a thuitheet u.