Titus 1:4 - Matu Chin New Testament 2006

⁴ Mami cuutna u oengna dawngah ka ca taktakla aka awm Titas, nang tengah ca kavan pat. Pa Pathen oen mami thlawnkung Jesuh Khrih lawngah lungvatna, ngaimawngna te m'pe hawn seh.

Matu Bible

⁴ A cui la tangnah dongah ka ca tak Titu taengah, Pa Pathen neh mamih khangkung Jesuh Khrih kah lungvatnah neh ngaimongnah te soep saeh.

Titus 1:4 Iomraidhean Croise

Luka 2:11

Tihin ah Devid khawpui khuiah nangmi kah thlawnkung Khrih Bawipa tah thang poen!

Johan 4:42

ahimi lawng te kah hutaa nala te, “Nang lawng na thui dawngah nawh tih, kamami roe lawng amah awl thui ka yaak u poen dawngah ahih tah he dilai thlawnkung ni tila ka ming u tih tahe ah ka tangna u poen.” a tina.

Rom 1:12

Ka thuingaihna tah kai kah oengna lawng nangmi te bawm ham tih nangmi kah oengna lawng kai he bawm patoeng ham ni.

Rom 1:7

Tedawngah Pathen lawng a lungna tih a thlaang la coengg ham a ceel Rom khawpui ah aka awm nangmi boeih tengah he ca he kavan pat. Pathen oen Bawipa Jesuh Khrih kah lungvatna oen ngaimawngna tah nangmi tengah awm hawn seh.

2Korin 12:18

Titas te nangmi tengah ceh hamla ka ceel tih ahih oen haih atloe khrihca maya manau te kavan tuih. Titas lawngah nangmi tengkah apueh alawila a lawh na ti u ai aw? Ahih oen kai tah mengtengna kawpoek thik at oen moeiboe thik at oen ah bii ka bi hih nawh aw?

2Korin 2:13

Tede mami kah manau Titas te ka huh nawh dawngah ka lakueng tangkiik. Tedawngah te kah aka awm thlaang thli te sadingla ne ka tina tih Macidonia la poe ka cet.

2Korin 4:13

Caciim lawngah, “Ka tangna tih ka thui” ti. Te ang oengna thinkaw oen ah te kaimi lawng ka tangna u dawngah ka thui van.

2Korin 7:6

Tede kawmoetkawma la aka awm thlaang thli te thathlue thakaw la aka awm sak Pathen lawngah kaimi tengah aka law Titas rang oen tha avan thlue sak.

2Korin 8:16

Nangmi te bawmcem hamla kaimi lawng thinkaw thluembuek van angla Titas kah thinkaw aka thawh sak Pathen tengah ka awmngaih u tangkiik!

2Korin 8:23

Titas tah kaimi oen biibipuei haih la awm tih nangmi bawm ham kaimi oen bii aka bi haih ni; ahih oen haih aka law atloe maya manau hue te tah khrihcabu thli kah laipai la awm u tih Khrih te a thaang aka theen sak ni.

2Korin 8:6

Tedawngah he bii he tongnankung Titas te he bii he bi poe hamla, lungna awlpui bii he a coeng toe ah nangmi te bawm ham ahih te ka ceel u.

Galati 2:3

Kai oen bii bi haih Titas he Krik thlaangphun la a awm dawngah thlaang khatsut lawngtah yahhuivuen reet sak ham a ngaih u de, a-u lawngkhaw amangkhakla kuek nawh.

Galati 3:26

Khrih Jesuh ah pumkhatla awmna dawngah nangmi boeih lawng Pathen kah ca-anau la na awm u he tah oengna rang oen ni.

Galati 3:28

Tedawngah Judah oen Gental laklaw ah khaw, saltamnaa oen thlaangcuem laklaw ah khaw, hutaa oen tawngpa laklaw ah khaw pekbona awm tlaih nawh; nangmi boeih tah Khrih Jesuh oen pumkhatla awmna dawngah pakhatla na awm u poen.

Ephesa 1:2

Mami kah Pa Pathen oen Bawipa Jesuh Khrih lawngah nangmi te lungvatna, ngaimawngna te m'pe hawn seh.

Kolosa 1:2

Khrih oen pumkhatla awmna ah uep-awm maya manau Kolosa khaw kah Pathen thlaang thli tengah ca kavan pat: Mami kah Pa Pathen lawng lungvatna ngaimawngna te nangmi m'pe hawn seh.

1Timothy 1:12

Bii ka bina dawngah tharana pekung Khrih Jesuh mami kah Bawipa tengah awmngaih ciil ka thui. Kai he amah kah bii bi hamla tueng aleng tila a poek tih bii m'peek dawngah ka uem tangkiik.

2Timothy 1:1

Khrih Jesuh oen pumkhatla awmna rang oen awl avan kam hingna mami lawng n'khueh te phawng hamla tuih la aka awm, Pathen kah kawngaihna oen Khrih Jesuh kah celtuih la aka awm kai Pawl lawngah,

2Timothy 1:2

Ka lungna ka capa Timote nang tengah ca kavan pat: Pa Pathen oen mami Bawipa Khrih Jesuh lawngah nang te lungvatna, reenna, oen ngaimawngna te m'pe hawn seh.

2Timothy 4:10

Dema lawngtah dilai he a thintlawhna dawngah kai he n'ceh taak tih Tesalon khaw la cet poen. Kresen tah Galati ram la cet tih Titas tah Dalmatia ram la cet.

Titus 1:3

atue akhoek tluep vengah te dungyan hingna te amah lawng awlthang dawngah avan tueng sak. Kai he ng'uepna dawngah bii he m'peek tih mami thlawnkung Pathen kah awlpeek angla kai lawng ka phawng.

Titus 2:13

Te tila te mami kah bawilen Pathen oen thlawnkung Jesuh Khrih kah ruep-awmna va tueng ngai ai tila n'ngaiuep awmngaihna Khawhin te n'ring u.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

2Peter 1:11

He tila te mami kah Bawipa oen Thlawnkung Jesuh Khrih kah dungyan ram ah nangmi kuun thaina te m'peek u ai.

2Peter 2:20

Thlaang he mami Bawipa oen thlawnkung Jesuh Khrih a mingna rang oen dilai tuiilehkap kalawng a loeih u coengah te dilai tuiilehna lawng a tuuk koep tih a taa atah te thlaang te lamhacuek kah lak ah ahukhueng ah the-eep ngai.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.

2Peter 3:2

Yan vengkah tawngha thlaangciim thli lawng a thui awl te oen nangmi kah celtuih hue teng kalawng nangmi teng peek la aka awm Bawipa oen thlawnkung tengkah awlpeek te na ming khuep u ham ka ngaih.

1Johan 5:14

Mami lawng amah kawngaih angla me ang thaihu khaw m'bih u atah a hutung tite aciimphanla m'ming u dawngah Pathen haiah raltheenna mami lawng n'khueh u.

Jude 1:3

Ka lungna ka paya thli, mami lawng n'dang rip thlawnna kawng he nangmi tengah ca oen thut hamla ka yawm. Pathen lawng a thlaang thli tengah vaikhatla khoekkoeng ham a peek oengna dawngah acakla pai ham nangmi tengah ca thut pahoei tih thaphawh ham ka poek.