Rom 8:9 - Matu Chin New Testament 2006

⁹ Tede nangmi tah thlaanghing pumsa ngaihna ah na awm u nawh, Pathen Muithla nangmi khuiah ataktangla a awm atah Muithla kawngaih angla na awm u. A-u khaw Khrih Muithla aka khueh nawh tah Khrih amah koe la awm nawh.

Matu Bible

⁹ Tedae nangmih tah pumsa ah pawt tih Mueihla ah na om uh atah nangmih khuiah Pathen kah Mueihla kol ta. Tedae khat khat long ni Khrih Mueihla a khueh pawt atah anih te Khrih kah hut om pawh.

Rom 8:9 Iomraidhean Croise

Luka 11:13

Thlaangthe la na awm u de ta, na ca thli te thaihu theen peek ham na ming u. Te atah vaan ah aka awm Pa lawng atah Ciim Muithla te aka bih boeih tengah a peek tare ai ta!” a tina.

Johan 14:17

Pathen kawng awltak aka tueng sak Muithla te m'peek ai. Dilai lawng ahih te hu thai nawh, ming thai nawh vetih ahih te do manawh. Tede ahih tah nangmi tengah awm tih na khuiah a awm dawngah nangmi lawngtah na ming u.

Johan 14:23

Jesuh lawng, “A-u khaw kai aka lungna tah kan cang puei he a vai ham awm. Ahih te a Pa lawng a lungna ai, kai oen a Pa te a tengla ka law vetih ahih tengah te ka awm hih ai.

Johan 3:34

Pathen lawng a tuih thlaang te tah Pathen amah Muithla te betoetla a peek dawngah Pathen awl te a thui.

Johan 3:6

Thlaang he nu oen pa kah pumsa ben ah aka thang tah pumsa la awm, tede muithla ben ah aka thang tah Muithla la awm.

Caeltueih 16:7

Misia ramri a pha u veng atah Bitinia ram khuila ceh ham a yawm u, tede Jesuh kah Muithla lawng ahimi te ceh taak u nawh.

Rom 7:5

Thlaanghing pumsa ngaihna oen n'hing u vengah Phungawl lawng a bawnghorh dawngah thawlh sai ngaihna lawng mami pum khuiah bii a bi tih mami te n'duek sak.

Rom 8:1

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Rom 8:11

Jesuh te duekna kalawng aka thawh sak Pathen Muithla te nangmi khuiah a awm atah, Khrih te duekna kalawng aka thawh sak Pathen Muithla nangmi khuiah a awm dawngah nangmi kah aka duek ham koei pum te hingna a peek van ai.

Rom 8:2

Metihtiah Khrih Jesuh oen pumkhatla hingna ah mami aka ceh puei Muithla kah phungawl lawng duekna oen thawlhna phungawl khui kalawng mami te n'loeih sak poen.

1Korin 15:23

Tede thlaang boeih he amah kah aitleng lawng a pha vengah tho rip ai; lamhacuek ah Khrih he tho poen, tecoengah amah a law vengah amah kah thlaang thli te tho ai.

1Korin 3:16

Nangmi tah Pathen tempal bok-im la na awm u tih Pathen Muithla nangmi kaw khuiah a awm te ataktang la na ming u!

1Korin 6:17

Tede Bawipa oen aka tuhkai u thlaang tah muithla ben ah Bawipa oen pumkhatla awm.

1Korin 6:19

Nangmi kah pum te tah namami kaw khuiah aka awm Pathen kah peek Ciim Muithla a awmna tempal bok-im ni tite na ming u nawh aw? Nangmi tah namami kah koe la na awm u nawh tih Pathen kah koe la ni na awm u;

2Korin 10:7

Nangmi lawngtah thaihu boeih te asaw ahan ah ni na dan u. Te ah te pakhat khat lawng amah oen amah te Khrih kah thlaang la ka awm tila aka thui awm aw? Theen, a awm atah amah kawng te poek koep de lah seh, metihtiah ahih te Khrih thlaang la a awm van angla kaimi khaw ka awm van.

2Korin 6:16

Metila Pathen kah tempal bok-im te aka oeng nawh kutsai mueime oen a roep hih thai ai? Metihtiah mami tah aka hing Pathen kah tempal bok-im ni! Pathen amah lawngah, “Kai lawngah ka awmna im te ka thlaang thli oen ka sak vetih ahimi tim ah ka awm ai; Kai tah ahimi kah Pathen la ka awm vetih ahimi te kai kah thlaang la awm u ai,” ti.

Galati 4:6

Amah kah a ca-anau la awmna te a tuengna ham Pathen lawng a Capa kah Muithla te mami kah thinkaw lungbui khuiah avan tuih tih te Muithla lawngah, “Apa, Apa” tila paang.

Galati 5:24

Tecoengah Khrih Jesuh kah thlaang la aka awm lawngtah amami kah thlaanghing coenggna dawngkah athe ngaihsoehna oen pumsa hue-ngaihna boeih te thinglam dawngah a ngawn poen.

Ephesa 1:13

Te tila te nangmi khaw thlawnna avan khuenkung Awlthang Theen awltak awlthang te na yaak u vengah Pathen thlaang la na awm u poen. Nangmi lawngah Khrih te na oeng u tih amah thlaang la na awmna miknoekna te Pathen lawng nangmi sawah thawhcang a heen poen; te tah amah lawng awl a kam tangte Ciim Muithla te nangmi m'peekna rang oen ni.

Ephesa 2:22

Amah oen pumkhatla awmna rang oen ah nangmi khaw thlaangtloe hue boeih oen a sak haih Pathen lawng amah Muithla oen a awmna im la na coengg u poen.

Ephesa 3:17

oengna rang oen ah nangmi kah thinkaw lungbui ah Khrih lawng a im te sa seh tila ka thangthui. Nangmi lawng lungna dawngah akung na liing tih thlengyung na thlaakna ham khaw ka thangthui,

Philipi 1:19

Metihtiah nangmi kah thangthuina rang oen Jesuh Khrih kah Muithla dawng kalawng aka law bawmna oen ka loeih ngai ai tila ka ming dawngah ni.

2Timothy 1:14

Mami khuiah aka hing Ciim Muithla kah tharana rang oen ah nang tengah avan tloeng thaihu theen te anepla kuem-akawl.

1Peter 1:11

Ahimi lawngah, te kutdo te meveng tue ah a awm vetih metuek tue ah a law ai tite ming hamla a yawm u tih tahe veng atue he ahimi kaw khuiah aka awm Khrih Muithla lawngah a khi pe. Muithla lawngtah Khrih lawng patang khang ham koei oen ah, te tila patang a khang dawngah dang ham koei ruep-awmna te a thui oepsoeh poen.

1Johan 3:24

A-u khaw Pathen kah awlpeek te aka vai tah Pathen oen pumkhatla awm tih Pathen khaw ahih oen ah pumkhatla awm. Te tila mami tengah Pathen kah peek Muithla rang oen ah Pathen tah mami oen pumkhatla awm tite m'ming u.

1Johan 4:13

A Muithla te mami m'peek poen dawngah mami tah Pathen oen pumkhatla ng'awm u tih amah khaw mami oen pumkhatla awm tite aciimphanla m'ming u.

1Johan 4:4

Tede ka ca ka nau thli nangmi tah Pathen thlaang la na awm u tih tawngha rawlrap thli te na taa u poen, metihtiah nangmi khuiah aka awm Muithla tah dilai koeva la aka awm thlaang thli kah muithla lak ah ahu-aham a awm ngaai dawngah ni.

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.

Olphong 20:15

Hingna cabu dawngah a miing a thut nawh thlaang boeih te tah haituilii khuila a voeih u.