Rom 8:36 - Matu Chin New Testament 2006

³⁶ Caciim lawngah, “Nangmi kawngah kaimi tah mueirihtamyiin duekna oen ah saringrupla khawyungkhun ka awm u; Ngawn ham a teeng mangkhak tuu angla kaimi he ka awm u” tila a thui angla awm tangtang.

Matu Bible

³⁶ A daek vanbangla, nang kongah hnin at puet n'duek sak uh tih tu bangla maeh la m'hmoel uh.

Rom 8:36 Iomraidhean Croise

Johan 16:2

Nangmi te sinakok bok-im khui kalawng n'hek u vetih nangmi te aka ngawn thlaang thli lawng Pathen bii ni ka bi u tila a poekna atue te law ai.

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Caeltueih 8:32

Ahih lawngah caciim awl a tae te tah: “Ngawn hamla a khuen tuuca angla a mawt u tih, a mul te a vawkk pe vengah awl kaa aka law nawh tuucano angla awm, ahih tah awl kam at khaw thui nawh.

1Korin 15:30

Te atah, mami lawng ta, n'tu ham khawhin roekk ah rih awm patang raina he n'khang khiing u?

1Korin 15:31

Maya manau thli, kai tah khawhin roekk ah pacil pahaai duek thlipit la ka awm poepa! Nangmi he tah mami kah Bawipa Khrih Jesuh oen pum khat la awmna ah ka pawmsangna la na awm u dawngah he tila ka thui ni.

1Korin 4:9

Metihtiah kaimi celtuih thli he rangpui haiah ngawn ham koei thlaang, dilai oen vaan kah vanthlaang thli oen thlaangphun boeih lawng dan mailai ham a hukhueng koek la Pathen lawng n'khueh tila ni ka poek poen.

2Korin 1:9

Kaimi he duek sak hamla awl a tloek u poen tila ni ka poek u. Tede he tila a awm he tah mami lawng mah oen mah te uepna ohla, thlaangduek aka thawh sak Pathen te uepna ham ni.

2Korin 11:23

Ahimi te Khrih kah tuihyoeihthlaang aw? tede kai tah ahimi lak ah atheen ngaai tuihyoeihthlaang la ka awm tite thlaangngau angla ka thui! Kai tah bii rai yahawh ngaai ka bi; thong ah ka tla poepa, cungpoelh oen voei yahawh hlang la m'bawh u, alak avai atah duek dalh la ka awm.

2Korin 6:9

a-u lawngkhaw a ming nawh thlaang angla n'sai u de, thlaang boeih lawng m'ming u; thlaang duek angla n'poek u de, nan huh u angla ka hing u hun. Dan tah n'tat u de n'ngawn u nawh;

Philipi 3:10

Kai lawng ka ngaih tah Khrih te ming ham oen ah amah thawhkoepna huham tharana te ming van ham amah kah patang khang te khang van ham oen ah amah angla duek van ham ni.