Rom 8:3 - Matu Chin New Testament 2006

³ Thlaanghing pumsa a tha ayoek dawngah Phungawl lawng a sai thai nawh te Pathen lawng a sai. Thlaanghing pumsa ah aka awm thawlhna te a Capa avan tuihna rang oen a phe poen. Thawlhna taa hamla thlaanghing kah thawlhna pumsa angla va law.

Matu Bible

³ Pumsa neh a vawtthoek vaengah ni olkhueng ham a lolh pueng te. Pathen loh a capa te tholhnah pumsa kah mueisa la han tueih tih aka tholh bangla pumsa dongkah tholh ah a boe sak.

Rom 8:3 Iomraidhean Croise

Marku 15:27

Ahih oen thlaanghuuen pahih khaw a bantang ben ah pakhat, a banvoei ben ah pakhat a tai haih u.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 9:24

Ahimi lawngah mikpum la aka thang thlaang te apabela a khue koep u tih, “Awltak na thuina ham Pathen haiah awl kam lah! Nang kah mik aka hoeih sak te thlaangthawlh ni tila ka ming u.” a tina u.

Rom 3:20

Phungawl vaina rang oen Pathen haiah a-u khat khaw thlaangdoeng la awm nawh. Phungawl kah bii sai tah thlaang lawng thawlhna a sai te ming sak ham mai ni.

Rom 6:6

Mami kah hing ruem te Jesuh Khrih oen thinglam dawngah khiing haih la awm poen tite m'ming u. Te tila a khiing haih he tah thawlhna oen aka be pumsa hing ruem te phe boeih tih thawlhna sal la awm tlaih nawh ham ni.

Rom 7:18

Ka khuiah he thlaanghing la ka coenggna ah atheen awm nawh tila ka ming. Ka khuiah atheen sai ngaihna awm mai cakhaw atheen te ka sai thai nawh.

Rom 8:32

Pathen lawng a Capa khueh duen pateng haih ohla mami ham m'peek! Mami hamla a Capa pekung lawng soeprep boeih he ayoela mami peek muehla awm ai aw?

Rom 9:3

Ahimi hamla atheen koei atah kai lawng Pathen kawsi yawkk tih Khrih oen pek u ham pateng ka ngaih ngaai.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Galati 3:13

Caciim lawng, “Thing dawngah a tai thlaang te tah Pathen kah tapvoepna huiah awm,” tila a thui angla Khrih tah mami hamla tapvoepna kawsi aka yawkk thaang la va coengg tih Phungawl lawng avan thoeng puei tapvoepna dawng kalawng mami he n'tlang poen.

Galati 3:21

Tetih atah Phungawl lawngah he Pathen awlkam te a oelh a taih ti ngaihna aw? Nawh ni, oelhtaih nawh! Metihtiah hingna aka pe thai phungawl te thlaanghing lawng dang kawinih te phungawl te vaina rang oen ah Pathen oen thlaanghing boeih he roeproeina awm ai.

Philipi 2:7

He lak atah a khueh boeih te amah kawthawhna oen a hoett tih tuihyoeihthlaang la awmna te a lawh Ahih tah thlaanghing angla coengg tih thlaanghing muei-asam la va tueng.

Hebrew 10:12

Tede Khrih lawngtah thawlh-thlamna ham luciik thawthuengna vai at a nawn tih te tah dungyan ham khoek poen. Tecoeng atah Pathen kah bantang ben ah te ahih tah ngawl poen.

Hebrew 10:14

Te tila te vai at thawthuengna oen thawlhna aka ciim thlaang thli te dungyan ham thlaangsoep la a sai poen.

Hebrew 2:14

Te tila ca-anau a tina thlaang thli te tah thi-asa oen aka awm thlaang thli ni. Jesuh amah khaw ahimi angla thi-asa oen awm tih ahimi kah thlaanghing pumsa coenggna angla awm van. Te tila a awm te tah amah kah duekna rang oen duekna sawah huham tharana khuehkung Raaibawi te phe ham tih,

Hebrew 2:17

Tedawngah soeprep boeih ah maya manau angla awm ham roe la angoe tih te tila a awm te tah thlaang boeih kah thawlhna te khawdawp ngaai hamla Pathen bii a bina ah uep-awmna oen reenna aka khueh Khawsoeih Bawi la awm ham ni.

Hebrew 4:15

Mami kah Khawsoeih Bawi he mami kah tharana nawh dawngah reenna aka khueh thai nawh khawsoeih aih moenih ta. Mami kah khawsoeih Bawi he mami angla suekna phun soeprep aka tawng van ni, tede thawlhna tehca khaw sai nawh.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.