Rom 8:27 - Matu Chin New Testament 2006

²⁷ Mami kah thinkaw aka ming Pathen lawng Muithla kah kawpoek te khaw a ming; metihtiah Muithla lawngtah Pathen amah kah kawngaih angla a thlaang thli yuengah a bih pe dawngah ni.

Matu Bible

²⁷ Thinko aka khe loh mueihla kah poeknah te a ming. Pathen kah ninglam la hlangcim rhoek ham a huithui pah.

Rom 8:27 Iomraidhean Croise

Mathai 6:8

Ahimi angla sai u boel; Nangmi lawng na ngoe boeih te na bih thlan ah na Pa lawng a ming boeih poen.

Luka 16:15

Jesuh lawng ahimi nala te, “Nangmi lawng thlaangtloe kah mik huh atah thlaangdoeng la na sa u, tede nangmi kah thinkaw lungbui te Pathen lawng a ming. Metihtiah thlaang lawngah phutlo tangkiik la a poek thaihu thli he Pathen mik huh atah a phu awm nawh.

Johan 14:13

Capa rang oen ah Pa kah ruep-awmna te a tuengna ham ka miing oen na bih boeih te kavan sai ai.

Johan 21:17

Apathum na ah Jesuh lawng, “Johan capa, Simon, kai he nan lungna aw?” tila a doet. Jesuh lawng voei thum toe ah nan lungna aw tila a doet dawngah Piter tah a kaw the malcal tih, “Bawipa soeprep he na ming; kai lawng kan lungna te na ming!” a tina. Jesuh lawngah, “Ka tuu thli he van doen.

Caeltueih 1:24

Tecoengah ahimi lawng thangthui u tih, “Bawipa, nang lawng thlaang boeih kah kawpoek te na ming.

Caeltueih 15:8

Thlaang boeih kah poekna mingkung Pathen lawngah Ciim Muithla te mami m'peek van angla Gental thlaang thli khaw a peek van tih ahimi te a do poen tite a tueng sak.

Rom 8:34

Tedawngah ahimi te a-u lawng thawlh a peel thai ai? Khrih Jesuh lawngkhaw thawlh peel manawh; Ahih tah duek, tede tho koep, Pathen bantang ben ah ngawl tih mami hamla reenna avan bih.

Rom 8:6

Pumsa ngaihna ah khawsak phu tah duekna ni. Muithla ngaihna ah khawsak phu tah hingna oen ngaimawngna ni.

Ephesa 2:18

Khrih rang oen ah Judah thlaang khaw, Gental thlaang khaw mami boeih lawngah Muithla pakhat dawng kalawng Pathen haiah m'pha thai u.

1Thessalonika 2:4

Pathen lawng kaimi he n'noemcai tih ueppang koei, tueng-aleng a ti dawngah Awlthang Theen thui ham bii m'peek u tih amah lawng thui sak ham a ngaih angla te ka thui u. Kaimi lawng thlaang kah kawtawngna te ka yawm u nawh tih kaimi kah poekna noekdakkung Pathen kaw te tawng ham ni ka yawm u.

Hebrew 4:13

Pathen haiah thuh phah thai thaihu khat khaw awm nawh; Pathen thaihu sai boeih lawng amah mik huh ah daih u vetih tueng pheng ai. Mami lawng m'mah kah sai boeih te a tengah n'thui ai.

James 5:16

Tedawngah nangmi lawng na thawlhna te pakhat oen khat tengah phawng u lang khat oen khat hamla te thangthui uh, te atah nangmi na hoeih u ai. Thlaangdoeng kah thangthuina tah huham tharana awm.

Olphong 2:23

Ahih kah a hubang hue te khaw ka ngawn boeih vetih tevengah kai tah thlaang boeih kah poekna oen kawngaihna mingkung tila Khrihcabu boeih lawng a ming ai. Nangmi pakhat rip he na saina taring ah kan thung ai.