Rom 8:26 - Matu Chin New Testament 2006

²⁶ Te tila mami tha a yoek dawngah mami bawmcem hamla Muithla tah va law. Mami lawng metila thangthui ham koei ti khaw m'ming u nawh dawngah awl oen thui thai nawh kopaangna oen Muithla lawng mami ham Pathen tengah avan bih.

Matu Bible

²⁶ Te banghui la mamih kah vawtthoeknah dongah mueihla loh m'bom van. Thangthui ham a kuek te m'ming uh moenih. Tedae Mueihla amah loh thuilek pawt hil hueinah neh rhi a khang.

Rom 8:26 Iomraidhean Croise

Mathai 10:20

Na thui ham koei awl te tah nangmi awl nawh ni. Te awl tah Pa Pathen Muithla lawng nangmi dawng kalawng a thui ai.

Mathai 20:22

Jesuh lawng, “Na van bih he na ming hih nawh! Kai lawng ka awkk ham koei patang khangna boengloeng he na awkk thai hih ai aw? tila te rawi boeinau te a doet. A hih rawi lawng, “ka awkk thai hih ai,” a tina.

Luka 22:44

Thin thiip uett ah kawsi dung tangkiik la thangthui tih a sotui te thisen angla dilai ah cip.

Johan 14:16

A Pa tengah ka bih vetih nangmi te dungyan aka awm puei hamla ahih lawngah atloe Bawmkung te nangmi m'peek ai.

Rom 15:1

Mami oengna tha aka ra hue lawngah amami kah thalrih phueih ham tha aka yoek thli te talawng takai ham awm. Mami lawng mah bueng kah ngaikhuekna te sai ham awm nawh.

Rom 7:24

Ngaihang khawbing la ka awm mah aw! Duekna la aka ceh puei he kah ka pum dawng kalawng a-u lawng n'thlawn lah ai?

Rom 8:15

Metihtiah Pathen lawng m'peek u Muithla tah nangmi te sal la coengg sak ham oen ah birih ngaihuet sak ham nawh tih; te Muithla lawngtah nangmi te Pathen kah ca-anau la sai ham ni. Te Muithla kah tharana rang oen Pathen te, “A Pa! a Pa!” tila n'khue thai.

2Korin 5:2

Tahe vengah he vaan kah im te oen ah mami lawng thoekcau u hamla n'ngaih tangkiik dawngah n'kopaang u;

2Korin 5:4

He dilai riim-im ah mami n'awm vengah he thekhana yawkk oen n'kopaang u; te tila kopaang he tah mami kah he dilai n'pum he hoett hamla n'ngaih dawngah nawh ni, tede aka duek thai thaihu he hingna oen thawleng ham vaan benkah pum te khueh hamla n'ngaih u dawngah ni.

Galati 4:6

Amah kah a ca-anau la awmna te a tuengna ham Pathen lawng a Capa kah Muithla te mami kah thinkaw lungbui khuiah avan tuih tih te Muithla lawngah, “Apa, Apa” tila paang.

Ephesa 2:18

Khrih rang oen ah Judah thlaang khaw, Gental thlaang khaw mami boeih lawngah Muithla pakhat dawng kalawng Pathen haiah m'pha thai u.

Ephesa 6:18

He ang boeih he thangthuina oen sai u lang Pathen kah bawmcemna te bih uh. Muithla kah mawtna angla me ang atue atang vengah khaw thangthui uh. Tedawngah ahuertuela awm uh, thathepakla awm u boel; Pathen thlaang boeih ham thangthui yoeyah uh.

Hebrew 4:15

Mami kah Khawsoeih Bawi he mami kah tharana nawh dawngah reenna aka khueh thai nawh khawsoeih aih moenih ta. Mami kah khawsoeih Bawi he mami angla suekna phun soeprep aka tawng van ni, tede thawlhna tehca khaw sai nawh.

Hebrew 5:2

Amah khaw asoepna nawh a phun phun a awm van dawngah cuihhoena aka khueh nawh thlaang thli oen thawlhpalhna aka sai thlaang thli sawah kawdawna a khueh thai.

James 4:3

Nangmi lawng na bih u van de na dang u nawh, metihtiah nangmi lawngah namami kah pumsa awmtheen awmyaalna ah hawna hamla thaihu te na bih u tih nangmi kah poekna thinkaw te atheen nawh dawngah ni na dang u nawh.