Rom 8:23 - Matu Chin New Testament 2006

²³ Te tila a suen thaihu bueng lawngah kopaang u nawh, Muithla te lamhacuek Pathen kutdo la aka dang mami pum he loeih sak ham aka ring mami boeih khaw kawdaang ah ng'kopaang u van.

Matu Bible

²³ Te bueng pawt tih mamih khaw mueihla thaihcuek te n'khueh uh. Mamih khaw m'mah khuiah tah ng'huei uh tih a cacah la mamih pum kah tlannah te n'lamtawn uh.

Rom 8:23 Iomraidhean Croise

Luka 20:36

Ahimi tah vanthlaang angla awm u vetih duek thai manawh. Ahimi tah duekna kalawng tho koep u poen tih Pathen kah ca-anau la ni a awm u poen.

Luka 21:28

He thaihu thli a thoengna ham atong poen atah pai u langtah na luu te thawh u lah, metihtiah nangmi thlawnna ham tah yoeii poen” a tina.

Rom 5:11

Te bueng nawh tih tahe ah Pathen kah paya laikoei la mami saikung mami kah Bawipa Jesuh Khrih rang oen Pathen kah thaihu sai dawngah n'awmngaih u.

Rom 5:3

Raina n'tawng vengah khaw tha n'thlue sak u, metihtiah raina lawngah uehthaina m'peek tila m'ming u tih,

Rom 5:5

Pathen lawng a lungna te mami thinkaw khuiah Pathen amah kah kutdo Ciim Muithla oen ah avan toi poen dawngah he ngaiuepna lawng mami he kawpoek boet sak nawh.

Rom 7:24

Ngaihang khawbing la ka awm mah aw! Duekna la aka ceh puei he kah ka pum dawng kalawng a-u lawng n'thlawn lah ai?

Rom 8:19

Pathen lawng a ca-anau thli tengah a tueng sak ham koei te a thaihu suen boeih lawng ngaiuep tangkiik oen a lamtoen u.

1Korin 1:7

mami kah Bawipa Jesuh Khrih te na lamtoen u vengah he yotheen kam-awmna pakhatca khaw avoetna na khueh nawh.

2Korin 1:22

amah koe la awmna miknoekna te mami sawah a deng tih mami ham a toen oepsoeh boeih te aamahkhanna ham mami thinkaw ah Ciim Muithla pekung tah Pathen amah ni.

2Korin 7:5

Macidonia ka pha u vengah pateng khaw, ading asuek la ka awm u nawh. Khaw tawm ah raina awm, thlaangtloe hue oen tawhsina awm, ka kaw khuiah thluep ka luekueng.

Galati 5:5

Mami lawngah ngaiuep u tah Pathen lawng mami he amah oen roeproeina avan sai ai, mami kah oengna rang oen ah Pathen Muithla kah tharana oen a sai ai tite n'lamtoen u.

Ephesa 1:14

Muithla he tah Pathen lawng a thlaang thli tengah awl a kam te mami lawng n'dang ngai ai tila aamahkhan la awm tih amah kah thlaang thli tengah loeihna aka soep te Pathen lawng a peek ai tila mami kah ngaitluepna la khaw awm. Mami lawngah amah kah ruep-awmna te thangpawm u lah sih!

Ephesa 4:30

Pathen kah Ciim Muithla te a kaw the sak u boel; Metihtiah Muithla te tah, nangmi te Pathen kah thlaang la na awm u tite miknoekna la awm tih Pathen lawng nangmi loeih sakna Khawhin a pha ai tina kah aamahkhan ni.

Ephesa 5:9

Metihtiah te tila khawsakna lawngtah athaih-apai theenna phun soeprep, doengna phun soeprep oen awltak phun soeprep te a thoeng sak.

2Timothy 4:8

Tahe tah, adoengla aka hing thli a peek taana kutdo lawng te kai he n'ring poen, te kutdo te tah, Bawipa lawngah, te Khawhin ah te m'peek ai, kai bueng he m'pe manawh, amah a lawna te lungna oen a lamtoen thlaang boeih te a peek ai.

Titus 2:13

Te tila te mami kah bawilen Pathen oen thlawnkung Jesuh Khrih kah ruep-awmna va tueng ngai ai tila n'ngaiuep awmngaihna Khawhin te n'ring u.

Hebrew 9:28

Tetih toengtoeng la thlaang yahawh kah thawlhna aciingna ham Khrih lawngkhaw vaikhat tah luciik la nawn u. Ahih tah apabela law koep ai, te ngoen tah thawlhna ciing sak ham tlaih nawh tih amah aka lamtoen hue te thlawn ham poen ni.

1Peter 1:7

He ang raina na tawng u he nangmi kah oengna te ataktang oen ataktang nawh te noekdakna ham ni. Phe thai koei la aka awm sui pateng khaw hai oen ah anoekdak ta; tedawngah sui lak ah aphu aka awm ngaai nangmi kah oengna lawng raina he ueh thai ham ah noekdak la awm. Te dengah ni Jesuh Khrih a tuengna Khawhin ah nangmi lawng thangpawmna, ruep-awmna oen hinyahna te na dang u ai.

1Johan 3:2

Ka lungna ka paya thli, tahe ah mami tah Pathen kah ca-anau la ng'awm u poen, tede hai ben ah mami he n'tu oen n'lawh u ai ti he tah m'ming thlan hun. Tede Khrih a law vengah Khrih amah oen n'lo u ai tila m'ming u, metihtiah ahih tah amah roeroe la te mami lawng n'huh ai.