Rom 8:18 - Matu Chin New Testament 2006

¹⁸ Tahe veng mami kah patang palai khangna he hai benkah mami tengah aka thoeng ham koei ruep-awmna oen ah nuehtah koei nawh ni tila ka poek.

Matu Bible

¹⁸ Mamih taengah pumphoe ham aka cai thangpomnah neh tahae tue kah patangnah tah tingtawk pawh tila poek uh.

Rom 8:18 Iomraidhean Croise

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Rom 8:19

Pathen lawng a ca-anau thli tengah a tueng sak ham koei te a thaihu suen boeih lawng ngaiuep tangkiik oen a lamtoen u.

Kolosa 3:4

Nangmi kah hingna tangtang tah Khrih ni, amah a law veng atah nangmi khaw amah oen haih na phumpho u vetih amah kah ruep-awmna te na dang u van ai.

2Thessalonika 2:14

He tila thlawnna dang ham kaimi lawng kavan thui Awlthang Theen oen ah nangmi te Pathen lawng n'khue u; mami Bawipa Jesuh Khrih kah ruep-awmna te dang ham oen paang van ham ni n'khue.

Titus 2:13

Te tila te mami kah bawilen Pathen oen thlawnkung Jesuh Khrih kah ruep-awmna va tueng ngai ai tila n'ngaiuep awmngaihna Khawhin te n'ring u.

Hebrew 11:35

Oengna rang oen ah hutaa thli kah a cakaw thlaang duek thli te hing koep u. Thlaangtloe hue lawngtah atheen ngaai thawh koep hingna te a ngaih u dawngah loeihna te lawh ngaih ohla a thana tih heemtekna oen duek u.

1Peter 1:13

Tedawngah bii bi hamla na thinkaw te roekbah oepsoeh uh. Ahuertuela awm u lang, Jesuh Khrih a tueng vengah na dang ham koei lungvatna kutdo dawngah na ngaiuepna te khueh uh.

1Peter 4:13

Te lak atah Khrih kah patang khangna te na khang u van dawngah awmngaih u lah. Te ah ni ahih kah ruep-awmna a tueng vengah nangmi lawng awmngaihna oen na betoet ai.

1Peter 5:1

Khrihcabu ahaamca thli kai khaw ahaamca pakhat la ka awm van angla nangmi tengah reenna kavan bih u. Kai tah Khrih kah patang khangna te hukung la ka awm tih aka law ham koei ruep-awmna te khaw pang van hamla ka awm dawngah nangmi tengah reenna kavan bih.

1Johan 3:2

Ka lungna ka paya thli, tahe ah mami tah Pathen kah ca-anau la ng'awm u poen, tede hai ben ah mami he n'tu oen n'lawh u ai ti he tah m'ming thlan hun. Tede Khrih a law vengah Khrih amah oen n'lo u ai tila m'ming u, metihtiah ahih tah amah roeroe la te mami lawng n'huh ai.