Rom 8:15 - Matu Chin New Testament 2006

¹⁵ Metihtiah Pathen lawng m'peek u Muithla tah nangmi te sal la coengg sak ham oen ah birih ngaihuet sak ham nawh tih; te Muithla lawngtah nangmi te Pathen kah ca-anau la sai ham ni. Te Muithla kah tharana rang oen Pathen te, “A Pa! a Pa!” tila n'khue thai.

Matu Bible

¹⁵ Te dongah rhihnah la koep aka thak sal kah mueihla na dang uh pawt tih cacah kah Mueihla na dang uh. Te nen ni pa te Abba la n'khue uh.

Rom 8:15 Iomraidhean Croise

Mathai 25:25

Tedawngah kan rih tangkiik tih tangka te dilai khuiah ka up. Bueh lah! He he namah koe tangka ni,’ a tina.

Marku 14:36

“A Pa, a Pa! Nang ham tah soeprep boeih he coeng thai. Kai tengkah patang khangna boengloeng he lo hawn lah. Tede kai kah kawngaih angla awm boel seh, namah kah kawngaih angla coengg hawn seh”. tila thangthui.

Luka 11:2

Jesuh lawng ahimi nala te, “Nangmi lawng na thangthui u vengah tila thui uh: ‘A Pa: Na miing ciim tah hinyahna awm hawn seh; na Ram va pai hawn seh.

Luka 22:42

“A Pa, na kawngaih atah he kah patang khangna boengloeng he ka teng kalawng khoe hawn. Tede kai kah kawngaihna boel selang na kaw-ngaih angla sai hawn.” tila thangthui.

Luka 8:28

Ahih lawng Jesuh te a huh vengah angaihhlangla paang tih a khowkung ah te a buekuep pe tih, “Tloeng Khoelh Pathen Capa Jesuh! Kai he metila sai ham na ngaih? Kai he dan n'tat mai boel, reenna kavan bih!” tila te paang.

Luka 8:37

Tecoeng atah te kah peng paang ah aka awm thlaang boeih lawngah te a rih tangkiik u tih ahimi boeih lawng Jesuh nala te atloela cet mai hawn a tina u. Tedawngah Jesuh tah lowng dawngah luui hang tih atloela cet.

Johan 16:8

Ahih te a law veng atah thawlhna kawng, oengna kawng oen Pathen kah awlcekna kawng te ahih lawngah dilai thlaang thli tengah a thui pe ai.

Johan 20:17

Jesuh lawngah, “Kai he n'tu khaklal boel de lah, a Pa tengla ka cet thlan hun, tede ka manau thli tengla cet langtah, ‘ahimi oen kai kah a pa, kai kah Pathen oen ahimi kah Pathen tengla ka cet poen ai ti’ tila thui peh.” a tina.

Caeltueih 16:29

Thong ukbawi lawng haithoei a tawh sak coengah thongim khuila te toklek la kuun phai tih Pawl oen Silas kah a khowkung ah rih oen thuen ruila te buekuep.

Caeltueih 2:37

He awl he thlaang thli lawng a yaak u vengah lakueng u tangkiik tih Piter oen atloe celtuih hue nala te, “‘Maya manau thli, kaimi lawng n'tu ka sai u ai?’ tila a doet u.

Rom 8:16

Mami he Pathen amah kah ca-anau la n'awm tite thui ham Pathen kah Muithla amah roe te mami kah muithla oen tuhkai haih hih.

Rom 8:23

Te tila a suen thaihu bueng lawngah kopaang u nawh, Muithla te lamhacuek Pathen kutdo la aka dang mami pum he loeih sak ham aka ring mami boeih khaw kawdaang ah ng'kopaang u van.

Rom 8:26

Te tila mami tha a yoek dawngah mami bawmcem hamla Muithla tah va law. Mami lawng metila thangthui ham koei ti khaw m'ming u nawh dawngah awl oen thui thai nawh kopaangna oen Muithla lawng mami ham Pathen tengah avan bih.

Rom 9:4

Ahimi tah Pathen thlaangtuek ni: a ca la a khueh tih ahimi tengah a ruep-awmna te a tueng sak. Ahimi tengah awlkamna te a sai tih Phungawl thli te a peek u, ahimi lawng aka soeng bokna te a khueh u, Pathen kah awlkamna te a huh u,

1Korin 2:12

Mami lawng he dilai dawngkah muithla te n'dang u moenih; Pathen lawng mami m'peek boeih te mingna ham Pathen lawng avan tuih Muithla te ni mami lawng n'dang u.

2Korin 11:4

Metihtiah, thlaang pakhat lawng nangmi tengah law tih kaimi lawng ka thui nooek nawh atloe Jesuh te avan thui u vengah nangmi lawng na uemdoeh tih awmngaihla khawdawp na ngaai u. Nangmi lawngah kaimi teng kalawng na dang u Muithla oen awlthang theen oen ah aka vai u nawh muithla oen awlthang te na do u!

Galati 2:4

Khrih Jesuh oen pumkhatla mami awmna rang oen loeihna n'khueh u te ming hamla thlaang khatsut tah aka oeng tangtang van angla sa u tih raalyam angla mami bu khuiah ahuepla va kuun u. Ahimi lawngah mami he saltamnaa la te sai ham a ngaih u.

Galati 5:1

Mami tah n'loeih poen, Khrih lawng n'loeih sak poen! Tedawngah aka loeih thlaang la na awm u van angla acakla pai u langtah namah oen namah te saltamnaa la coengg koep u boel.

Ephesa 1:5

Jesuh Khrih rang oen mami he a ca la sai ham Pathen tah cai oepsoeh poen, te tah amah kah awmngaihna oen a kamthlahna ni.

2Timothy 1:7

Metihtiah Pathen kah peek Muithla lawngah mami he riyawp thlaang la n'sai nawh; ahih kah Muithla lawngtah mami he huham tharana, lungna, mah oen mah kuemsuemna oen ah m'betoet sak dai.

Hebrew 2:15

duekna te a rih u dawngah hingkhui puet ah sal la aka awm thli te a loeih sak.

James 2:19

Nangmi lawngah Pathen pakhat bueng awm ti he na tangna u. Theen ngoen! Raai thli lawngkhaw a tangna u tih rihna oen thuen u.

1Johan 4:18

Lungna dawngah rihsakna awm nawh. Aka soep lungna lawngtah rihna boeih te biit aha-ata sak. Tedawngah rihsakna aka khueh thlaang tah lungna asoepbir te khueh thlan hun. Metihtiah rihna lawngtah dantatna oen bawngyawng haih.