Rom 8:1 - Matu Chin New Testament 2006

¹ Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Matu Bible

¹ Tahae atah Jesuh Khrih ah aka om rhoek te dantatnah om pawh.

Rom 8:1 Iomraidhean Croise

Johan 14:20

Te khawhin te apha atah, kai he a Pa khuiah ka awm tih nangmi khuiah ka awm van angla nangmi khaw ka khuiah na awm te na ming u ai.

Johan 15:4

Kai dawngah he tuhkai u lang awm poe u lah, kai khaw nangmi oen ka tuhkai u vetih ka awm poe van ai. Misur kah a beek-athleeng lawng amah poek ah thaih thai nawh; misurkung oen poe a tuh u dengah ni a thaih thai. Te tih van angla nangmi khaw kai dawngah poe na tuhkai u nawh atah na thaih u thai manawh.

Johan 5:24

“Awltak kavan thui u: a-u khaw ka awl a yaak tih kai aka tuihkung te a tangna atah dungyan hingna te a khueh. Ahih te awl cek tlaih manawh, metihtiah duekna kalawng hingna ah kuun poen.

Rom 16:3

Khrih Jesuh kah bii bina dawngah bii bi haih Priscilla oen Akuila te kavan toei.

Rom 16:7

Andronikas oen Junias te khaw ka toei, ahih rawi tah kai oen thong aka tla haih Judah thlaangphun ni. Ahih rawi te celtuih thli lawngkhaw atheenla a ming u. Kai lak ah lamhala Khrihca la aka awm hih ni.

Rom 5:1

Tahe ah tah oengna rang oen mami tah Pathen lawng thlaangdoeng la n'khueh u poen tih mami kah Bawipa Jesuh Khrih rang oen Pathen oen ah n'roep u poen.

Rom 5:16

Pathen kah ayoe peek kutdo oen thlaang pakhat kah thawlhna tah lo u nawh. Thlaang pakhat a thawlh coengah awltloekna tah “Na thawlh” ti he ni; tede thawlhna yahawh sawah atingtawkk nawh kutdo aka law tah “Na thawlh nawh!” tila awltloekna he ni.

Rom 7:17

Tedawngah he thaihu aka sai tangtang he kai nawh tih ka khuiah aka awm thawlhna te ni.

Rom 7:20

Kai lawng sai ham ka ngaih nawh te ka sai atah, te aka saikung tah kai tlaih nawh tih ka khuiah aka awm thawlhna lawng ni a sai tite thui ka ngaih.

Rom 8:11

Jesuh te duekna kalawng aka thawh sak Pathen Muithla te nangmi khuiah a awm atah, Khrih te duekna kalawng aka thawh sak Pathen Muithla nangmi khuiah a awm dawngah nangmi kah aka duek ham koei pum te hingna a peek van ai.

Rom 8:14

Pathen Muithla lawng a mawt thlaang thli tah Pathen kah ca-anau la awm.

Rom 8:2

Metihtiah Khrih Jesuh oen pumkhatla hingna ah mami aka ceh puei Muithla kah phungawl lawng duekna oen thawlhna phungawl khui kalawng mami te n'loeih sak poen.

Rom 8:34

Tedawngah ahimi te a-u lawng thawlh a peel thai ai? Khrih Jesuh lawngkhaw thawlh peel manawh; Ahih tah duek, tede tho koep, Pathen bantang ben ah ngawl tih mami hamla reenna avan bih.

Rom 8:39

dilai sawah aka awm thaihu, dilai dangah aka awm thaihu lawngkhaw mami kah Bawipa Jesuh Khrih rang oen Pathen kah lungna dawng kalawng, a thaihu suen boeih khuikah me ang lawngkhaw m'pek thai roe manawh.

Rom 8:4

Pathen lawng he tila a sai he tah thlaanghing pumsa ngaihna angla nawh tih Muithla ngaihna angla aka hing mami pum dawngah Phungawl lawng akuek doengna te asoepna ham ni.

Rom 8:9

Tede nangmi tah thlaanghing pumsa ngaihna ah na awm u nawh, Pathen Muithla nangmi khuiah ataktangla a awm atah Muithla kawngaih angla na awm u. A-u khaw Khrih Muithla aka khueh nawh tah Khrih amah koe la awm nawh.

1Korin 1:30

Tede nangmi tah Pathen lawng Khrih Jesuh oen pumkhatla n'awm sak poen tih Pathen lawng Khrih he mami kah cuihna la avan sai poen. Ahih rang oen ah mami tah Pathen oen roeproeina awm poen; mami tah Pathen kah a thlaangciim la n'coengg u tih mami he n'loeih sak poen.

1Korin 15:22

Metihtiah Adam oen tuhkaina rang oen ah thlaang boeih he duekna lawng a khuk dulh, tetih van angla Khrih oen tuhkaina rang oen thlaang boeih he hingna ah tho koep ai.

2Korin 12:2

N'hu kum thlailii vengah khrihca thlaang pakhat vaan asang koek la a pawmsang hang te ka ming (He tila apawmsang hang te a taktang kai aw, tihnawhtah huhthlaam aw ka huh kai, ka ming nawh - Pathen lawng ni a ming).

2Korin 5:17

A-u khaw Khrih oen a tuhkai u coeng atah, ahih tah thlaang thaai poen ni; a hing ruem tah khum tih athaaila hing poen.

Galati 3:13

Caciim lawng, “Thing dawngah a tai thlaang te tah Pathen kah tapvoepna huiah awm,” tila a thui angla Khrih tah mami hamla tapvoepna kawsi aka yawkk thaang la va coengg tih Phungawl lawng avan thoeng puei tapvoepna dawng kalawng mami he n'tlang poen.

Galati 3:26

Khrih Jesuh ah pumkhatla awmna dawngah nangmi boeih lawng Pathen kah ca-anau la na awm u he tah oengna rang oen ni.

Galati 3:28

Tedawngah Judah oen Gental laklaw ah khaw, saltamnaa oen thlaangcuem laklaw ah khaw, hutaa oen tawngpa laklaw ah khaw pekbona awm tlaih nawh; nangmi boeih tah Khrih Jesuh oen pumkhatla awmna dawngah pakhatla na awm u poen.

Galati 5:16

He tila kavan thui u: Na hingna te Muithla lawngah thuinuet selang tah thlaanghing pumsa kah hue-ngaihna dawngah ngaikhuek thindeeng la awm u boel.

Galati 5:25

Muithla lawngah mami he hingna n'peek poen; ahih lawng mami kah hingna he khaw a mawt ham awm.

Ephesa 1:1

Pathen kawngaihna oen Khrih kah celtuih pakhat la aka awm kai Pawl lawngah, Khrih Jesuh oen pumkhatla awmna dawngah aka hing tih uep-awm la khaw aka sa Efesa khaaw kah Pathen thlaang thli nangmi tengah ca kavan pat u.

Philipi 3:9

amah oen pumkhatla awmna ham ni. Tahe ah kai lawng Phungawl vaina rang oen thaawnna kamah kah doengna te ka khueh tlaih nawh. Tahe tah Khrih oengna rang oen m'peek doengna, oengna dawngah akung asut Pathen tengkah aka law doengna ni ka khueh poen.