Rom 7:9 - Matu Chin New Testament 2006

⁹ Kai kamah roe he n'cui vengah Phungawl ohla khaw ka sak, tede awlpeek te a law vengah tah thawlhna lawng hing tih kai tah ka duek.

Matu Bible

⁹ Kai khaw hnukbuet ah olkhueng muehla ka hing dae olpaek ha pawk neh tholhnah te koe hing.

Rom 7:9 Iomraidhean Croise

Mathai 19:20

Cadawng lawng, “He awlpeek thli he ka vai boeih poen, n'tu sai ham a ngoe hun?” tila a doet.

Luka 15:29

Tede a capa lawng ana pa nala te, “Bueh lah, kum san hlang sal angla nang ham bii ka bi, na awl te ngaai ohla vai khat khaw ka awm nawh. Kai ta n'tu nan peek? Ka paya thli oen awmtheenna poei sai ham me-ee pum at Pateng khaw nan pe nawh!

Luka 18:21

Te thlaang lawngah, “He kah awlpeek boeih he ka camaw veng kalawng ka vai boeih poen.” a tina.

Rom 10:5

Mosi lawngtah Phungawl vaina rang oen Pathen oen ah roepna kawng te a thut: “A-u khaw Phungawl lawng sai a tite aka sai boeih tah hing ai,” ti.

Rom 7:10

Hingna aka pe ham koei awlpeek lawng he duekna avan thoeng puei lat.

Rom 7:11

Thawlhna lawng atue theen a dang tih awlpeek te a hawna vetkat tih n'thai n'latna; te awlpeek oen kai te ng'ngawn.

Rom 7:4

Maya manau thli, nangmi khaw te tila na awm u van. Nangmi tah Khrih kah pum vaang la na awm u poen dawngah Phungawl kah ukna khuiah hingna te na hoett u poen. Mami he Pathen kah biibina ah aphu aka awm la coeng ham tahe atah duekna kalawng aka tho koep Khrih kah thlaang la na awm u poen.

Rom 7:6

Tede tahe tah Phungawl kah piinna thong khuiah te n'duek u poen dawngah Phungawl dawng kalawng n'loeih u poen. Tahe atah ca oen a thut phungawl lawngpui ruem ah bii m'bi u tlaih nawh tih Muithla ben kah lawngpui thaai ah ni bii m'bi u poen.

Rom 7:8

Tede he tila thawlhna lawngtah awlpeek dawngah bii a bi tih ka pumsa dawngah ngaihna soeprep te a bawnghorh, Phungawl a awmna nawh atah thawlhna he aka duek thaihu ni.

Rom 8:7

Tedawngah thlaanghing lawng amami pumsa ngaihna angla a awm a tah Pathen raal la awm; ahimi lawng Pathen kah phungawl te vai nawh, ahimi lawngah vai khaw vai thai roe nawh.

Galati 2:19

Tecakhaw Phungawl ben atah Phungawl amah lawng n'ngawn tih ka duek, te tah Pathen hamla te ka hing thaina ham ni. Amah kah thinglam dawngah Khrih oen kai tah ngawn haih la ka awm poen,

Galati 3:10

Phungawl vaina dawngah aka pangtung u boeih tah tapvoepna huiah awm u. Caciim lawngah, “Phungawl cabu dawngah a thut boeih te a-u lawngkhaw a vai nawh atah Pathen kah tapvoepna huiah awm!” tila a thui.