Rom 6:7 - Matu Chin New Testament 2006

⁷ Metihtiah mami n'duek vengah thawlh tharana khui kalawng n'loeih u.

Matu Bible

⁷ Aka duek tangtae tah tholh lamkah n'tang uh coeng.

Rom 6:7 Iomraidhean Croise

Mathai 11:19

Thlaanghing Capa a law vengah ahih lawng a caak a awkk dawngah thlaang boeih lawng, “He thlaang he bueh u lah! caruut awlam thlaang ni, mangmu cawikung hue oen thlaangthawlh hue kah a paya ni” na ti u. Tede Pathen cuihna tah soeng tila a saina oen a tueng sak” a tina.

Rom 6:2

Te tih moenih! Thawlhna ah n'duek u poen, metila thawlhna dawngah n'awm khuep thai ai?

Rom 6:8

Khrih oen mami n'duek haih veng kalawng mami khaw amah oen n'hing haih van ai tila n'tang na.

Rom 7:2

Thuina maiah, vaa aka sa hutaa pakhat he a vaa a hing khui bueng ni yuvaa la awmna phung lawng a piin. A vaa te a duek atah yuvaa la a awmna hih phung kah piinna kalawng loeih poen.

Rom 7:4

Maya manau thli, nangmi khaw te tila na awm u van. Nangmi tah Khrih kah pum vaang la na awm u poen dawngah Phungawl kah ukna khuiah hingna te na hoett u poen. Mami he Pathen kah biibina ah aphu aka awm la coeng ham tahe atah duekna kalawng aka tho koep Khrih kah thlaang la na awm u poen.

Rom 8:1

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

1Peter 4:1

Khrih lawng amah pum dawngah patang a khang poen dawngah nangmi lawngkhaw ahih kah thinkaw a khueh te ang te khueh u van lang na tha thlue sak u lah; metihtiah a-u khaw pumsa dawngah patang aka khang tah thawlhna oen bawl-aneeng u tlaih nawh.