Rom 6:16 - Matu Chin New Testament 2006

¹⁶ Thlaang pakhat khat kah awl te ngaai pe ham na pum na peek vengah te a awl na ngaai pe bawi kah sal la na awm tite ataktangla na ming u, tetih angla thawlhna awl te na ngaai u atah thawlhna sal la na awm u tih thawlhna phu tah duekna ni; tetih van toengtoeng la Pathen awl na ngaai u atah, te awlngaaina phu tah nangmi te thlaangdoeng la n'khueh ai.

Matu Bible

¹⁶ Khat khat taengah olngainah ham sal la namamih na pae uh tih ol na ngai pa uh te tah a sal la na om uh, dueknah la aka pha sak tholhnah kah sal pawt atah duengnah la aka pha sak olngainah kah sal la na om uh te na ming uh moenih a?

Rom 6:16 Iomraidhean Croise

Mathai 20:4

Tevengah ahimi te, “Nangmi khaw misur dum la cet u langtah bii bi uh, na thapang te ating atawkk la kan pe ai,” a tina.

Mathai 6:24

“A-u lawngkhaw bawi pahih kah bii te bi thai manawh. Pakhat te a thina vetih pakhat te a lungna ai. Pakhat te a hinyah vetih pakhat te a huhsit ai. Pathen oen tangka kah bii te pahih bokla na bi thai manawh.

Johan 8:34

Jesuh lawng ahimi nala te, “Awltak kavan thui u: a-u khaw thawlhna aka sai boeih tah thawlhna sal la awm.

Rom 11:2

Pathen lawng acuekca kalawng a tuek tangte a thlaang thli te hoett sut nawh. Caciim dawngkah awl, Elijah lawngah Israelca thli sawah a kaw a lawna nawh Pathen tengah a thui te nangmi lawng na ming u:

Rom 12:1

Tedawngah maya manau thli, Pathen lawng mami he n'reen tangkiik dawngah amah bii bina ah amah kah kawtlaak la aka hing luciik angla na pum te Pathen tengah nawn uh tila nangmi te kan ceel u. He tah aka soeng bokna tih nangmi lawng na peek ham koei bokna te ni.

Rom 6:17

Tede Pathen te uem u lah! Anoekbuet atah nangmi he thawlhna sal la na awm u de, tahe tah cangpueina dawngah na huh awltak na dang u te na thinkaw lungbui tak oen na vai u poen.

1Korin 3:16

Nangmi tah Pathen tempal bok-im la na awm u tih Pathen Muithla nangmi kaw khuiah a awm te ataktang la na ming u!

1Korin 5:6

Nangmi lawngah na oekthloen u ham awm roe nawh! Nangmi lawngah, “Tawlru yoehca lawng ta-ekk hawl at te a rawi sak.” a ti awl te na ming u.

1Korin 6:2

Pathen thlaang thli lawngah dilai he awl a cek ai tite na ming u nawh aw? Te tila te dilai he awl cek hamla na awm u maiah lumca laaica mai te awl na tloek thai u nawh aw?

1Korin 6:3

Mami lawng vanthlaang thli te awl cek ham awm tite na ming u nawh aw? Tedawngah he dilai hing khuikah thaihu tah awlcek tare ham awm ta!

1Korin 6:9

Pathen Ram te thlaangthe lawngtah paang manawh tite ataktangla na ming u ta. Namami oen namami te thailat u khoeng boel: Thlaanghalh paadak thli, kutsaimuei aka bok thlaang thli, samphaih thlaang thli, hutaa puei oen tawngpa puei oen ah aka thawlh thlaang thli,

1Korin 9:13

Tempal bok-im khuiah bii aka bi lawng Tempal bok-im kah caak awkk te a dang u van tih bokna-thaang dawngah luciik buulna aka nawn thlaang lawngkhaw luciik sa te thoem a bawn van tite na ming u.

1Korin 9:24

Loehlang heengna poei ah thlaang yahawh lawngah loeh u de pakhat lawng ni kutdo a dang tite na ming u. Tedawngah kutdo huh hamla heeng u lah.

2Peter 2:19

Ahimi lawng te thlaang thli te loeihna a dang ai tila awl akam pe u de, amami pateng rawkna moeiboe kah sal la awm u, thlaang he ahih aka taa thaihu kah sal la awm.