Rom 6:12 - Matu Chin New Testament 2006

¹² Nangmi lawng na pumsa ngaihna te vai hamla aka duek thai nangmi pum te thawlhna lawng uk tlaih boel seh.

Matu Bible

¹² Te dongah te kah hoehhamnah te ngai ham aka nguelpawh nangmih kah pum ah tholhnah te khulae sak boeh.

Rom 6:12 Iomraidhean Croise

Rom 13:14

Bawipa Jesuh Khrih kah awva te lo uh, na pumsa kah thawlh sai ngaihna oen thawlhna kah kawkhuekna te toeng u loeih.

Rom 2:8

Thlaang khatsut lawngtah amami ham bueng a poek u tih asoeng thaihu te a hoett, thaihu the saina te a vai u; Pathen lawng thinsana oen thinlingna te ahimi sawah a hok pe ai.

Rom 5:21

Tedawngah thawlhna lawngtah duekna te a hawna tih a uk, tetih van angla doengna lawngtah Pathen kah lungvatna oen a uk tih mami kah Jesuh Khrih rang oen mami te dungyan hingna benla n'ceh puei u.

Rom 6:14

Thawlhna he nangmi kah bawi la awm tlaih boel seh; metihtiah nangmi tah phungawl khuiah na awm u tlaih nawh tih Pathen lungvatna khuiah na awm u poen.

Rom 6:16

Thlaang pakhat khat kah awl te ngaai pe ham na pum na peek vengah te a awl na ngaai pe bawi kah sal la na awm tite ataktangla na ming u, tetih angla thawlhna awl te na ngaai u atah thawlhna sal la na awm u tih thawlhna phu tah duekna ni; tetih van toengtoeng la Pathen awl na ngaai u atah, te awlngaaina phu tah nangmi te thlaangdoeng la n'khueh ai.

Rom 8:11

Jesuh te duekna kalawng aka thawh sak Pathen Muithla te nangmi khuiah a awm atah, Khrih te duekna kalawng aka thawh sak Pathen Muithla nangmi khuiah a awm dawngah nangmi kah aka duek ham koei pum te hingna a peek van ai.

Rom 8:13

Nangmi lawng thlaanghing pumsa ngaihna angla na hing u atah na duek u ai; tede nangmi lawng thawlhna na sai thli te Muithla oen na ngawn atah na hing u ai.

2Korin 4:11

Mami kah aka duek thai pum dawngah amah kah hingna te a tueng thaina ham Jesuh hamla mami lawng hingkhui puet ah duek thlipit la n'awm u poepa.

2Korin 5:4

He dilai riim-im ah mami n'awm vengah he thekhana yawkk oen n'kopaang u; te tila kopaang he tah mami kah he dilai n'pum he hoett hamla n'ngaih dawngah nawh ni, tede aka duek thai thaihu he hingna oen thawleng ham vaan benkah pum te khueh hamla n'ngaih u dawngah ni.

Galati 5:16

He tila kavan thui u: Na hingna te Muithla lawngah thuinuet selang tah thlaanghing pumsa kah hue-ngaihna dawngah ngaikhuek thindeeng la awm u boel.

Galati 5:24

Tecoengah Khrih Jesuh kah thlaang la aka awm lawngtah amami kah thlaanghing coenggna dawngkah athe ngaihsoehna oen pumsa hue-ngaihna boeih te thinglam dawngah a ngawn poen.

Ephesa 2:3

Ataktang atah mami boeih he ahimi angla ni ng'awm u van tih mami lawng pumsa ngaihna angla khaw n'sak u, mami thinkaw oen pumsa lawng ahue angaih boeih te n'sai u. Mami khaw m'mah kah awm ih angla te thlaangtloe angla Pathen thinsana aka yawkk ham koei ni.

Ephesa 4:22

Tedawngah pumsa ngaihna lawng thailatna oen phe la aka awm na hing ruem te tah hoett u loeih.

1Thessalonika 4:5

Pathen aka ming nawh thlaang hurthok angla pumsa hue-ngaihna oen hing u boel.

2Timothy 2:22

Roengthaai thawhthuem kah pumsa ngaihna te vai boel langtah thinkaw ciim oen Bawipa a khue tih bawmna aka bih thlaang thli oen ah thik at la doengna, oengna, lungna oen ngaimawngna dang hamla yawm lah.

Titus 2:12

Te lungvatna lawngtah Pathen tula sak ohla hingna, dilai thaihu ngaihmoekna te hoett ham, mah oen mah kuemsuemna, doengna oen he dilai dawngah Pathen kawngaih la hingna oen awm ham mami te n'thuituen.

Titus 3:3

Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

1Peter 1:14

Pathen awl te ngaai uh, nangmi lawng n'tu khaw na ming u nawh vengah namami kawngaih la na hing u angla te hing u tlaih boel.

1Peter 2:11

Ka lungna paya thli, he dilai han ah kamyin kamlai oen thlaangpoeng poedoe angla aka awm nangmi tengah reenna kavan bih! Muithla oen aka raal u poepa pumsa ngaihna lawngah nangmi te n'taa u hau boel seh.

Jude 1:16

He thlaang thli lawng caitoek khuep u tih thlaangtloe te a theet u; amami kah athe kawngaih te a vai u; amami oen amami te pawmsang u tih amami ngaihna dang ham tah thlaangtloe te thluethlue a koeh u.

Jude 1:18

Ahimi lawng avan thui tah “Atue boetna khawhin apha veng atah nangmi nuihbu kamring la aka thui thlaang thli, Pathen te tula sak ohla amami kawngaih aka vai thlaang law ai,” tila a thui te ni.