Rom 6:11 - Matu Chin New Testament 2006

¹¹ Tetih van angla nangmi lawngkhaw thawlhna ah thlaang duek la ka awm u tih Khrih Jesuh rang oen ah Pathen oen pawlneengna khuiah ka hing u poen tila poek uh.

Matu Bible

¹¹ Te dongah nangmih khaw tholh ham tah aka duek la, tedae Pathen ham tah Khrih Jesuh ah aka hing la om ham namamih neh namamih te poek uh.

Rom 6:11 Iomraidhean Croise

Johan 20:31

Tede Jesuh tah Messiah, Pathen Capa ni tite nangmi lawng na tangna u tih ahih te na oengna rang oen hingna te na khuehna u ham he ang thli he thut la awm.

Rom 16:27

Pakhat bueng la aka awm tih cuihna boeih oen aka soep Pathen tah Jesuh Khrih rang oen dungyan toe ruep-awmna awm hawn seh! Amen.

Rom 5:1

Tahe ah tah oengna rang oen mami tah Pathen lawng thlaangdoeng la n'khueh u poen tih mami kah Bawipa Jesuh Khrih rang oen Pathen oen ah n'roep u poen.

Rom 6:10

Te tila Khrih tah a duek poen dawngah thawlhna lawng a sawah huham khueh tlaih nawh; Tahe a hingna he tah Pathen oen pawlneengna ah hing poen.

Rom 6:13

Tecoengah na pumvaang ame ang mai te khaw thaihu the saina ah hawna hamla thawlhna ah pe u tlaih boel. Te lak atah duekna kalawng hingna ah n'thawh sak koep angla doengna sai ham na pum boeih te Pathen te pe u hawn.

Rom 6:2

Te tih moenih! Thawlhna ah n'duek u poen, metila thawlhna dawngah n'awm khuep thai ai?

Rom 6:23

Thawlh phu tah duekna ni. Tede Pathen kah ayoe peek kutdo tah mami Bawipa Jesuh Khrih oen pumkhatla awmna dawngah dungyan hingna te ni.

Rom 7:4

Maya manau thli, nangmi khaw te tila na awm u van. Nangmi tah Khrih kah pum vaang la na awm u poen dawngah Phungawl kah ukna khuiah hingna te na hoett u poen. Mami he Pathen kah biibina ah aphu aka awm la coeng ham tahe atah duekna kalawng aka tho koep Khrih kah thlaang la na awm u poen.

Rom 7:6

Tede tahe tah Phungawl kah piinna thong khuiah te n'duek u poen dawngah Phungawl dawng kalawng n'loeih u poen. Tahe atah ca oen a thut phungawl lawngpui ruem ah bii m'bi u tlaih nawh tih Muithla ben kah lawngpui thaai ah ni bii m'bi u poen.

Rom 8:18

Tahe veng mami kah patang palai khangna he hai benkah mami tengah aka thoeng ham koei ruep-awmna oen ah nuehtah koei nawh ni tila ka poek.

1Korin 6:20

nangmi te aphu oen ni n'lai u. Tedawngah na pum te Pathen kah ruep-awmna ham hawna uh.

Ephesa 2:7

He tila a sai he tah Khrih Jesuh dawngah mami ham a lungna avan tueng sak lungvatna tah atloe boeih lak ah bo ngai tite yoeyahla tueng sak a ngaih dawngah ni.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Philipi 4:7

Te tila na bih atah thlaanghing kah yaakmingna voel ah aka awm Pathen ngaimawngna lawng Khrih Jesuh oen pumkhat la awmna rang oen ah nangmi kah thinkaw oen lungbui te ading-apuek la avan khueh ai.

Kolosa 2:20

Nangmi tah Khrih oen na duek haih u tih khawhipuempa kah muithla boeih ukkung teng kalawng na loeih u poen. Teahtah, n'tu ah he dilai hingna angla na hing khuep u?

Kolosa 3:17

Pathen tengah Khrih rang oen awmngaihna na thui u angla soeprep boeih na sai khaw, na thui khaw Bawipa Jesuh miing oen sai uh.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.

1Peter 2:5

Nangmi khaw aka hing lunghiim angla law u langtah, namami roe te muithla ben kah tempal bok-im sakna la sai u lah. Te huen ah te aciim khawsoeih angla bii na bi u vetih Pathen lawng a do ham koei muithla ben kah luciik te Jesuh Khrih rang oen Pathen tengah na nawn u ai.

1Peter 4:11

Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.