Rom 5:9 - Matu Chin New Testament 2006

⁹ Amah kah thisen oen tahe atah mami he Pathen oen ah n'roep u poen. Ahih rang oen Pathen kah thinsana kalawng metihtlukla n'thlawn tare ai!

Matu Bible

⁹ Te dongah kosi lamkah amah loh a thii neh n'khang tih tahae muep n'tang uh lat coeng.

Rom 5:9 Iomraidhean Croise

Johan 5:24

“Awltak kavan thui u: a-u khaw ka awl a yaak tih kai aka tuihkung te a tangna atah dungyan hingna te a khueh. Ahih te awl cek tlaih manawh, metihtiah duekna kalawng hingna ah kuun poen.

Rom 1:18

Pathen kah thinsana lawngtah thlaanghing boeih kah athe-arana oen thawlhna boeih te a oel tih vaan kalawng va tueng poen. Te athe-arana lawng awltak te yaakming thai nawh ham a kang khoep.

Rom 5:1

Tahe ah tah oengna rang oen mami tah Pathen lawng thlaangdoeng la n'khueh u poen tih mami kah Bawipa Jesuh Khrih rang oen Pathen oen ah n'roep u poen.

Rom 5:10

Mami tah Pathen kah raal la ni n'awm u, tede a Capa duekna rang oen mami he paya laikoei la n'sai poen. Tahe atah Pathen kah paya laikoei la n'awm u poen dawngah Khrih hingna lawng mami he metihtlukla n'thlawn tare ai.

Rom 8:1

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Rom 8:30

Tedawngah Pathen lawng athloekla a thloeng thlaang thli te a khue; te tila a khue thlaang thli te amah oen a roep u sak tih a ruep-awmna te khaw a paang sak.

Ephesa 2:13

Tede tahe tah Khrih Jesuh oen pumkhatla awmna dawngah athlathloeila aka awm nangmi te Khrih kah duekna rang oen amah teng na pha u poen.

Ephesa 2:3

Ataktang atah mami boeih he ahimi angla ni ng'awm u van tih mami lawng pumsa ngaihna angla khaw n'sak u, mami thinkaw oen pumsa lawng ahue angaih boeih te n'sai u. Mami khaw m'mah kah awm ih angla te thlaangtloe angla Pathen thinsana aka yawkk ham koei ni.

1Thessalonika 1:10

Vaan kalawng aka law ham a Capa na lamtoen u te khaw ahimi boeih lawng a thui u. A Capa Jesuh tah duekna kalawng a thawh sak tih aka law ham koei Pathen thinsana kalawng mami loeihsakkung ni.

Hebrew 9:14

He tila ciimna te a awm tangtang atah, Khrih thisen lawngtah metihtlukla he lak ah aciim acaih sak ngaai ai! Dungyan Muithla rang oen ah aka soep luciik la amah oen amah te Pathen tengah nawn u poen. Aka hing Pathen kah bii te mami lawng bi thaina ham hoeikhangna aka awm nawh phung-alam vaina rang oen ciim acaih nawh athe atheen mingna thinkaw te a thisen oen a ciim sak ai.

Hebrew 9:22

Ataktang atah Phungawl lawng a kuek angla thaihu cungkuem he thisen oen ciim tih thisen bueng oen ni thawlh khawdawp ngaaina a awm.

1Johan 1:7

Tede ahih tah aangna la a awm angla mami lawng aangna ah ng'awm u atah pakhat oen pakhat pawlneengna mami lawng n'khueh u tih a Capa Jesuh thisen oen soeprep thawlhna kalawng mami n'silh poen.