Rom 5:8 - Matu Chin New Testament 2006

⁸ Tede, thlaangthawlh la n'awm vengah Khrih tah mami ham a duekna oen Pathen lawng mami he metila n'lungna tite a tueng sak poen.

Matu Bible

⁸ Tedae mamih hlangtholh la n'om uh vaengah mamih ham Khrih a duek te Pathen loh mamih ham a lungnah a tueng sak.

Rom 5:8 Iomraidhean Croise

Johan 15:13

Thlaang lawngah he a paya hamla a lenduet lungna a khueh thai tah ahimi ham hingna a peek te ni.

Johan 3:16

Pathen lawng dilai he a lungna tangkiik dawngah a Capa khat bueng khueh duen te a peek, ahih te aka tangna boeih tah duek manawh, dungyan hingna te a khueh ai.

Rom 3:5

Tede nangmi kah thaihu the saina dawngah Pathen kah thaihu sai a soeng te a tueng sak atah metila a awm ai? Pathen lawng mami te thawlh m' peel tih dan n'tat atah Pathen he soeng nawh n'ti ai aw? (Thlaanghing poekna oen thui atah).

Rom 4:25

Mami kah thawlhna phu ah ahih tah duek tih Pathen oen mami roeproeina ham a thawh sak koep.

Rom 5:20

Phungawl he tah thawlhpalhna a puungna ham ni, tede thawlhna apuungna huen ah Pathen kah lungvatna khaw puung tare.

Rom 5:6

Mami lawng n'tu khaw n'sai thai nawh vengah Pathen lawng atue atang a nuen tih mami thlaangthawlh hamla Khrih Jesuh tah duek.

Rom 5:7

Thlaangdoeng pakhat hamla thlaang pakhat duek ham rai tangkiik. Thlaang theen ham tah aka duek ngam khaw awm mai ai.

Rom 8:32

Pathen lawng a Capa khueh duen pateng haih ohla mami ham m'peek! Mami hamla a Capa pekung lawng soeprep boeih he ayoela mami peek muehla awm ai aw?

Rom 8:39

dilai sawah aka awm thaihu, dilai dangah aka awm thaihu lawngkhaw mami kah Bawipa Jesuh Khrih rang oen Pathen kah lungna dawng kalawng, a thaihu suen boeih khuikah me ang lawngkhaw m'pek thai roe manawh.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

Ephesa 2:7

He tila a sai he tah Khrih Jesuh dawngah mami ham a lungna avan tueng sak lungvatna tah atloe boeih lak ah bo ngai tite yoeyahla tueng sak a ngaih dawngah ni.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

1Timothy 1:16

tede Pathen lawng kai he n'reen tih thlaangthawlh boeih lak ah kai aka the khuet sawah kawdawna a khueh he tah hailam ben ah amah aka oeng tih dungyan hingna aka dang ham koei thlaang boeih kah miknoekna ham ni.

Hebrew 8:3

Khawsoeih Bawi boeih boeih tah thaihu peek thli oen boiava thawthuengna te Pathen tengah nawn hamla a khueh, tetih van la te mami kah Khawsoeih Bawi lawngkhaw thaihu nawn hamla a khueh van.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,

1Johan 3:16

Lungna he me ang nuem tila m'mingna tah he tila ni: Khrih lawng mami hamla a hingna te a peek. Tedawngah mami lawngkhaw maya manau thli hamla hingna he peek van hamla awm!