Rom 5:21 - Matu Chin New Testament 2006

²¹ Tedawngah thawlhna lawngtah duekna te a hawna tih a uk, tetih van angla doengna lawngtah Pathen kah lungvatna oen a uk tih mami kah Jesuh Khrih rang oen mami te dungyan hingna benla n'ceh puei u.

Matu Bible

²¹ Te dongah dueknah khuiah tholhnah loh n'khulae vanbangla mamih Boeipa Jesuh Khrih lamkah dungyan hingnah khuiah duengnah kah lungvatnah long khaw n'khulae van coeng.

Rom 5:21 Iomraidhean Croise

Mathai 25:46

Tecoengah ahimi te dungyan patang raina huen ah a tuih vetih thlaangdoeng hue te tah dungyan hingna ah cet u ai,” a tina.

Johan 1:14

Te awl te tah thlaanghing la coengg tih lungvatna oen awltak oen ah betoet, mami tim ah he awm. Mami lawng amah kah ruep-awmna te n'huh u, te ruep-awmna te tah ana Pa kah khuehduen pakhat bueng Capa la a awm te ni.

Johan 10:28

Te thli te dungyan hingna ka peek tih meveng khaw duek u tlaih manawh. A-u lawngkhaw ahimi te van rot u manawh.

Rom 4:13

Pathen lawng Abraham oen a cadil thli tengah dilai he nang kah koeva la awm ai, tila awl a kam vengah Abraham lawngah Phungawl a vai dawngah moenih ta, tede ahih lawng a tangna tih Pathen lawng thlaangdoeng la a pawm dawngah ni.

Rom 5:12

Thawlhna tah thlaang pakhat rang oen he dilai ah law tih ahih kah thawlhna lawng duekna avan khuen. Metihtiah thlaang boeih tah a thawlh dawngah thawlhna phu ah thlaangphun boeih te duekna lawng a khuk.

Rom 5:14

Tede Adam dung veng kalawng Mosi dung toe ah duekna lawng thlaanghing boeih te a uk, Adam lawng Pathen kah awlpeek te vai nawh tih a thawlh angla aka thawlh nawh thlaang thli khaw duekna lawng a uk boeih. Adam tah aka law ham koei thlaang pakhat te huhsakna ni.

Rom 5:17

Thlaang pakhat kah thawlhna rang oen duekna lawng uk ham akung a tongnan ti he soeng tangtang. Te cakhaw thlaang pakhat Jesuh Khrih kah sai tah metihtlukla a bo ngaai. Pathen kah asoepbir lungvatna aka dang thlaang boeih tah ayoela amah oen roeproei u tih Khrih rang oen a hing khuiah taana oen hing u ai.

Rom 6:12

Nangmi lawng na pumsa ngaihna te vai hamla aka duek thai nangmi pum te thawlhna lawng uk tlaih boel seh.

Rom 6:14

Thawlhna he nangmi kah bawi la awm tlaih boel seh; metihtiah nangmi tah phungawl khuiah na awm u tlaih nawh tih Pathen lungvatna khuiah na awm u poen.

Rom 6:16

Thlaang pakhat khat kah awl te ngaai pe ham na pum na peek vengah te a awl na ngaai pe bawi kah sal la na awm tite ataktangla na ming u, tetih angla thawlhna awl te na ngaai u atah thawlhna sal la na awm u tih thawlhna phu tah duekna ni; tetih van toengtoeng la Pathen awl na ngaai u atah, te awlngaaina phu tah nangmi te thlaangdoeng la n'khueh ai.

Rom 6:23

Thawlh phu tah duekna ni. Tede Pathen kah ayoe peek kutdo tah mami Bawipa Jesuh Khrih oen pumkhatla awmna dawngah dungyan hingna te ni.

Rom 8:10

Tede Khrih te nangmi khuiah a awm atah thawlhna dawngah na pum te duek mai cakhaw nangmi tah Pathen oen na roep u poen dawngah nangmi kah muithla tah hing.

Titus 2:11

Metihtiah, Pathen lawng thlaang boeih kah thlawnna hamla a lungvatna te avan tueng sak poen.

Hebrew 4:16

Tedawngah, lungvatna a awmna huen Pathen kah bawingawlh coen tengla cawh u sih. Te huen atah n'ngoe vengah mami bawm ham lungna oen lungvatna te n'dang ai.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

2Peter 1:1

Jesuh Khrih kah tuihyoeihthlaang oen celtuih Simon Piter lawng mami kah Pathen oen Thlawnkung Jesuh Khrih kah doengna rang oen kaimi angla aphu aka tlo oengna aka dang van nangmi tengah:

1Johan 2:25

He tah Khrih amah roe lawng mami peek ham awl a kam dungyan hingna he ni.