Rom 5:17 - Matu Chin New Testament 2006

¹⁷ Thlaang pakhat kah thawlhna rang oen duekna lawng uk ham akung a tongnan ti he soeng tangtang. Te cakhaw thlaang pakhat Jesuh Khrih kah sai tah metihtlukla a bo ngaai. Pathen kah asoepbir lungvatna aka dang thlaang boeih tah ayoela amah oen roeproei u tih Khrih rang oen a hing khuiah taana oen hing u ai.

Matu Bible

¹⁷ Pakhat kah tholhdalhnah dongah pakhat rhangneh dueknah loh n'khulae. Lungvatnah dongkah baecoihnah neh duengnah kutdoe aka dang rhoek tah Jesuh Khrih pakhat rhangneh hingnah dongah a poeng ni.

Rom 5:17 Iomraidhean Croise

Mathai 25:34

Tecoengah Sengpahrang lawng a bantang ben ah aka awm hue te, ‘Law uh, nangmi a Pa kah yotheenna aka paang hue! Law u lang dilai suen cuek veng kalawng nangmi ham a roek abah sut Vaan ram te paang u lah.

Johan 10:10

Thlaanghuuen lawngtah huuen ham, ngawn ham oen ah phe ham bueng ni a law. Kai tah nangmi lawng hingna te na khueh thaina hamla, asoepbir hingna te na khuehna u thai ham ni ka law.

Rom 5:12

Thawlhna tah thlaang pakhat rang oen he dilai ah law tih ahih kah thawlhna lawng duekna avan khuen. Metihtiah thlaang boeih tah a thawlh dawngah thawlhna phu ah thlaangphun boeih te duekna lawng a khuk.

Rom 5:15

Tede thlaang pahih te vai ahih nawh; metihtiah Pathen kah ayoe peek kutdo tah Adam kah thawlhna oen lo u nawh, te thlaang pakhat kah thawlhna dawng maiah thlaang yahawh duek ti he tah soeng ta-ngak. Tede Pathen kah lungvatna tah, te thlaang kah athe-arana lak ah apueh ngaaila bo tih tetih van toengtoengla thlaang pakhat Jesuh Khrih lungvatna rang oen thlaang yahawh ham aka thoeng Pathen kutdo tah bo tare ai.

Rom 5:20

Phungawl he tah thawlhpalhna a puungna ham ni, tede thawlhna apuungna huen ah Pathen kah lungvatna khaw puung tare.

Rom 6:14

Thawlhna he nangmi kah bawi la awm tlaih boel seh; metihtiah nangmi tah phungawl khuiah na awm u tlaih nawh tih Pathen lungvatna khuiah na awm u poen.

Rom 6:23

Thawlh phu tah duekna ni. Tede Pathen kah ayoe peek kutdo tah mami Bawipa Jesuh Khrih oen pumkhatla awmna dawngah dungyan hingna te ni.

Rom 8:39

dilai sawah aka awm thaihu, dilai dangah aka awm thaihu lawngkhaw mami kah Bawipa Jesuh Khrih rang oen Pathen kah lungna dawng kalawng, a thaihu suen boeih khuikah me ang lawngkhaw m'pek thai roe manawh.

1Korin 15:49

Dilai oen a sai thlaang kah muei asam oen ah mami n'khuk adah u van angla vaan ben thlaang kah muei-asam oen ah te mami n'khuk adah u van ai.

1Korin 4:8

Nangmi lawng na ngoe soeprep boeih te na khueh tang tang u poen aw? Na bawi na len u tangtang aw? Kaimi tah sengpahrang la ka coengg u nawh de nangmi ta sengpahrang la na coengg u poen aw? Nangmi oen haih kaimi khaw sengpahrang la coengg thaina ham nangmi te sengpahrang la na coengg u tangtang ham ka ngaih.

Philipi 3:9

amah oen pumkhatla awmna ham ni. Tahe ah kai lawng Phungawl vaina rang oen thaawnna kamah kah doengna te ka khueh tlaih nawh. Tahe tah Khrih oengna rang oen m'peek doengna, oengna dawngah akung asut Pathen tengkah aka law doengna ni ka khueh poen.

1Timothy 1:14

Mami kah bawipa lawngah amah kah lungvatna te yahawh hlang la ka sawah avan lun tih oengna oen lungvatna te m'peek. Khrih Jesuh oen pumkhat la awmna rang oen ah te ang thli te mami kah koe-ava la awm poen.

2Timothy 2:12

Mami lawng ueh thai mangkhak atah mami khaw amah oen haih ukkung la n'awm ai. Amah te n'hoett atah mami he n'hoett van ai.

James 2:5

Maya manau thli aw, hutung u lah! Pathen lawngah he dilai dawngkah khawdeng thlaang thli he oengna ah kuirang la awm ham, amah aka lungna thlaang thli ham a kam pe vaan ram te pang hamla a tuek.

1Peter 2:9

Tede nangmi tah a tuek thlaangphun, seng-pahrang kah khawsoeih, thlaangphun ciim, Pathen kah thlaangphun la na awm u. Yiinna khui kalawng amah kah aangna khuila nangmi khuekung Pathen lawng kawpoekrai a sai te thui sak ham nangmi te n'tuek u.

Olphong 1:6

ana Pa oen Pathen kah bii te bi thai ham mami he sengpahrang la khawseh Khawsoeih la khaw seh aka saikung Jesuh Khrih tengah ruep-awmna oen huham tharana tah dungyan toe awm yoeyah hawn seh! Amen.

Olphong 20:4

Tecoengah bawingawlhcoen thli te ka huh tih, te bawingawlhcoen dawngah aka ngawl hue tah awlcekna aana a peek te ka huh. Jesuh lawng a phawng awltak oen Pathen awl te a thui u dawngah a ngawn thlaang thli kah muithla boeih khaw ka huh. Ahimi lawngah satluung oen satluung kah kutsaimuei te khaw bok u nawh tih a tal ah khaw, akut dawngah khaw satluung kah miknoekna te khueh u nawh. Ahimi tah hing koep u tih Khrih oen sengpahrang angla kum thongkhat khui a uk u.

Olphong 20:6

He kah thlaangduek thawhna lamhacuek ah aka thuum thli tah awmngaih u tih yotheen aka dawng tangkiik ni. A pabe duekna lawng ahimi sawah n'tu aana tehca khaw khueh tlaih nawh; Ahimi tah Pathen oen Khrih kah khawsoeih la awm u vetih Khrih oen kum thongkhat khuiah ukkung la awm haih poen ai.

Olphong 22:5

Khawyiin awm tlaih nawh tih ahimi lawngah hai-im khaw, khawse khaw ngoe tlaih nawh, metihtiah Bawipa Pathen te ahimi kah aangna la awm vetih ahimi tah sengpahrang angla dungyan dungyan toe ukkung la awm poen ai.

Olphong 3:21

Kai tah taakung la ka awm tih tahe ah a Pa kah a bawingawlhcoen tengah ka ngawlh van angla, taakung la aka awm thli te ka bawingawlhcoen sawah kai oen haih ngawlhna nawl te ka peek ai.