Rom 5:10 - Matu Chin New Testament 2006

¹⁰ Mami tah Pathen kah raal la ni n'awm u, tede a Capa duekna rang oen mami he paya laikoei la n'sai poen. Tahe atah Pathen kah paya laikoei la n'awm u poen dawngah Khrih hingna lawng mami he metihtlukla n'thlawn tare ai.

Matu Bible

¹⁰ Rhal la aka om rhoek te a Capa kah dueknah neh Pathen taengah a moeithen atah moeithen tangtae rhoek taoe he a hingnah neh muep n'daem ni.

Rom 5:10 Iomraidhean Croise

Johan 14:19

Kawlkalh a awm coeng atah dilai lawng kai he n'hu tlaih manawh, tede nangmi lawngtah nan huh ai; kai tah ka hing dawngah nangmi khaw na hing u van ai.

Johan 5:26

Ana Pa amah te hingna kungpui la awm, tetih van la a Capa te hingna kungpui la awm ham a sai poen.

Johan 6:40

Metihtiah Capa te a huh tih aka tangna boeih lawngtah dungyan hingna te khueh hamla a Pa lawng a ngaih. Tecoengah aboetna khawhin ah ka thawh vetih ka hing sak ai.” a tina.

Johan 6:57

Aka hing a Pa lawngah kai he n'tuih tih ahih rang oen ah kai khaw ka hing. Tetih van angla a-u khaw kai he aka ca tah kai rang oen ah hing ai.

Rom 11:28

Awlthang Theen a hoett u dawngah Judah hue tah Pathen kah raal la awm u. Te tah nangmi Gental thlaang thli theenna ham ni. Tede Pathen kah tuekna ben atah ahimi tah amami kah patuer thli rang oen Pathen kah paya laikoei la awm u.

Rom 5:11

Te bueng nawh tih tahe ah Pathen kah paya laikoei la mami saikung mami kah Bawipa Jesuh Khrih rang oen Pathen kah thaihu sai dawngah n'awmngaih u.

Rom 5:6

Mami lawng n'tu khaw n'sai thai nawh vengah Pathen lawng atue atang a nuen tih mami thlaangthawlh hamla Khrih Jesuh tah duek.

Rom 8:32

Pathen lawng a Capa khueh duen pateng haih ohla mami ham m'peek! Mami hamla a Capa pekung lawng soeprep boeih he ayoela mami peek muehla awm ai aw?

Rom 8:34

Tedawngah ahimi te a-u lawng thawlh a peel thai ai? Khrih Jesuh lawngkhaw thawlh peel manawh; Ahih tah duek, tede tho koep, Pathen bantang ben ah ngawl tih mami hamla reenna avan bih.

Rom 8:7

Tedawngah thlaanghing lawng amami pumsa ngaihna angla a awm a tah Pathen raal la awm; ahimi lawng Pathen kah phungawl te vai nawh, ahimi lawngah vai khaw vai thai roe nawh.

2Korin 5:20

Tedawngah kaimi lawng Khrih yueng la awl ka thui u; Pathen amah lawng nangmi te n'ceel angtoekla ni kaimi lawng kan ceel u. Nangmi lawngah Pathen kah raal la awmna kalawng a paya la awm u loeih tila kaimi lawng Khrih yueng ah kan ceel u.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Ephesa 2:16

Khrih lawngah thinglam dawng a duekna oen ahimi khat oen khat a raal u the te a phe pe; thinglam oen ah thlaangphun pahih te pumkhat la a sai tih ahimi te Pathen tengla avan law puei koep.

Ephesa 2:3

Ataktang atah mami boeih he ahimi angla ni ng'awm u van tih mami lawng pumsa ngaihna angla khaw n'sak u, mami thinkaw oen pumsa lawng ahue angaih boeih te n'sai u. Mami khaw m'mah kah awm ih angla te thlaangtloe angla Pathen thinsana aka yawkk ham koei ni.

Hebrew 2:17

Tedawngah soeprep boeih ah maya manau angla awm ham roe la angoe tih te tila a awm te tah thlaang boeih kah thawlhna te khawdawp ngaai hamla Pathen bii a bina ah uep-awmna oen reenna aka khueh Khawsoeih Bawi la awm ham ni.

Hebrew 7:25

Tedawngah amah teng kalawng Pathen teng aka law hue te tahe ah khaw, yoeyahla a thlawn thai, metihtiah ahih tah dungyan hing tih ahimi ham Pathen tengah reenna aka bih pe hamla awm.

1Johan 2:1

Ka ca ka nau thli nangmi lawng thawlhna na sai u nawh hamla he ca he kavan thut; tede pakhat khat lawng thawlhna a sai hau atah, Pa, tengah mami yuengla aka bih ham thlaangdoeng Jesuh Khrih n'khueh u.

1Johan 4:10

Lungna ti he tah he tila ni: mami lawng Pathen n'lungna te nawh ni, tede amah lawng mami he n'lungna tih mami kah thawlhna khawdawp ngaaina ham a Capa avan tuih he ni.

Olphong 1:18

Kai tah aka hing ni! Kai tah ka duek, tede tahe ah kai tah dungyan toe yoeyahla ka hing poen. Kai lawng duekna oen thlaangduek khaaw celkhui sawah ukna aana ka khueh.