Rom 5:1 - Matu Chin New Testament 2006

¹ Tahe ah tah oengna rang oen mami tah Pathen lawng thlaangdoeng la n'khueh u poen tih mami kah Bawipa Jesuh Khrih rang oen Pathen oen ah n'roep u poen.

Matu Bible

¹ Te dongah tangnah neh n'tang uh coeng tih mamih kah Boeipa Jesuh Khrih lamloh Pathen neh rhoepnah n'khueh uh coeng.

Rom 5:1 Iomraidhean Croise

Luka 19:38

“Bawipa miing oen aka law sengpahrang tah Pathen lawng yotheen kam-awmna pe hawn seh! Vaan ah roepna awm selang Pathen tengah ruep-awmna awm hawn seh!” tila paang u.

Luka 19:42

“Tihin ah ngaimawngna hamla n'tu angoe ti bueng mah te na ming u mai kawinih! Tede nang lawng tahe ah na hu thai nawh!

Luka 2:14

“Vaan asang koek ah Pathen thangpawm u hawn seh, a lungna thlaang thli a awmna dilai dawngah roepna awm hawn seh,” tila a thui u.

Johan 14:27

Ngaimawngna kavan ceh taak u, te tah kamah kah ngaimawngna te ni kan peek u. Dilai kah peek te ang te kan pe nawh. Ngaihang lakueng oen khawthe boepla awm u boel; rihsakna khaw khueh u boel.

Johan 16:33

Nangmi lawng kai oen ah tuhkaina rang oen ngaimawngna na khuehna ham he he kavan thui. Dilai lawng nangmi raina m'peek ai. Tecakhaw na thin cak sak uh! Kai lawng dilai ka taa poen!” a tina.

Johan 20:31

Tede Jesuh tah Messiah, Pathen Capa ni tite nangmi lawng na tangna u tih ahih te na oengna rang oen hingna te na khuehna u ham he ang thli he thut la awm.

Johan 5:24

“Awltak kavan thui u: a-u khaw ka awl a yaak tih kai aka tuihkung te a tangna atah dungyan hingna te a khueh. Ahih te awl cek tlaih manawh, metihtiah duekna kalawng hingna ah kuun poen.

Caeltueih 10:36

Thlaang boeih kah Bawipa la aka awm Jesuh Khrih rang oen ngaimawngna Awlthang Theen a thui tih Israel thlaang thli tengah Pathen lawng a peek te na ming u.

Rom 1:17

Pathen lawng thlaanghing he metila thlaangdoeng la a khueh tite Awlthang Theen lawng a tueng sak. “Pathen lawng thlaangdoeng la a khueh thlaang te lawngtah oengna oen hing ai.” tila Caciim lawng a thui angla te doengna tah acuekca veng kalawng aboet toe oengna rang oen ni.

Rom 1:7

Tedawngah Pathen lawng a lungna tih a thlaang la coengg ham a ceel Rom khawpui ah aka awm nangmi boeih tengah he ca he kavan pat. Pathen oen Bawipa Jesuh Khrih kah lungvatna oen ngaimawngna tah nangmi tengah awm hawn seh.

Rom 10:10

Metihtiah mami lawng oengna rang oen Pathen oen ah roeproeina n'huh; kaa oen m'phawng tih thlawnna n'dang u.

Rom 10:15

A thuikung laipai te tuih la a awm nawh atah metila awlthang te a phawng ai? Caciim lawng, “Awlthang Theen van khuenkung laipai thli kah a khow tah theen tangkiik hlang mah aw!” tila a thui angla awm tangtang.

Rom 14:17

Metihtiah Pathen kah Ram tah caak awkk dawng awm nawh tih Ciim Muithla kah peek doengna, ngaimawngna oen awmngaihna dawngah ni a awm.

Rom 15:13

Ciim Muithla tharana oen nangmi kah ngaiuepna te roep poepa ham ngaiuepna kungpui, Pathen lawngah amah te na oengna rang oen awm-ngaihna oen ngaimawngna boeih oen ah nangmi te abetoetla n'toi hawn seh.

Rom 15:33

Mami ngaimawngna kungpui Pathen tah nangmi boeih tengah awm hawn seh. Amen.

Rom 3:22

Jesuh Khrih te oengna rang oen Pathen lawng thlaangdoeng la a khueh. Khrih aka tangna boeih hamla doengna te Pathen lawng a sai dawngah a-u tengah khaw alangna roe awm nawh:

Rom 3:30

Pathen tah pakhat ni, Judah thlaang khaw a oengna rang oen thlaangdoeng la a khueh tih Gental thlaang khaw a oengna rang oen thlaangdoeng la a khueh.

Rom 4:5

Tede biibina ohla a oengna dawngah pangtung tih thlaangthawlh te thlaangthawlh nawh la aka toehkung Pathen te aka tangna tah a oengna te Pathen lawng doengna la a khueh pe.

Rom 5:11

Te bueng nawh tih tahe ah Pathen kah paya laikoei la mami saikung mami kah Bawipa Jesuh Khrih rang oen Pathen kah thaihu sai dawngah n'awmngaih u.

Rom 5:18

Tedawngah thlaang pakhat kah thawlhna dawngah thlaang boeih tah thlaangthawlh la awm, tetih van angla thlaang pakhat kah adoeng saina rang oen thlaang boeih a loeih sak tih ahimi te hingna a peek.

Rom 6:23

Thawlh phu tah duekna ni. Tede Pathen kah ayoe peek kutdo tah mami Bawipa Jesuh Khrih oen pumkhatla awmna dawngah dungyan hingna te ni.

Rom 9:30

Tedawngah kaimi lawng ka thui tah Pathen oen roeproei ham aka yawm nawh Gental thlaangphun lawngah oengna rang oen ah Pathen oen roeproei u poen;

Galati 2:16

Tede thlaanghing he Jesuh Khrih oengna bueng oen ah Pathen oen roeproeina awm tih Phungawl lawng a kuek te saina oen nawh ni tite mami lawng m'ming u. Mami khaw Phungawl lawng a kuek te saina rang oen nawh tih mami lawng Khrih oengna rang oen Pathen oen ah roeproeina a awmna ham Jesuh Khrih te n'oeng u.

Galati 3:25

Tahe tah oengna atue atang te avan pha poen dawngah Phungawl he mami phungtukung la awm tlaih nawh.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Ephesa 2:7

He tila a sai he tah Khrih Jesuh dawngah mami ham a lungna avan tueng sak lungvatna tah atloe boeih lak ah bo ngai tite yoeyahla tueng sak a ngaih dawngah ni.

Philipi 3:9

amah oen pumkhatla awmna ham ni. Tahe ah kai lawng Phungawl vaina rang oen thaawnna kamah kah doengna te ka khueh tlaih nawh. Tahe tah Khrih oengna rang oen m'peek doengna, oengna dawngah akung asut Pathen tengkah aka law doengna ni ka khueh poen.

Kolosa 1:20

Tecoengah Pathen lawng a Capa rang oen khawhipuempa boeih he amah tengla doek koep hamla a ngaih. Pathen lawng a Capa thinglam dawngah a duekna rang oen roeproeina a sai tih vaan oen dilai ah aka awm thaihu boeih te amah tengah a doek koep.

Kolosa 3:15

Khrih kah peek ngaimawngna tah nangmi lawng awltloekna na saina ah nangmi te lawngpui aka tueng sak ham ni; metihtiah he ngaimawngna khuiah awm haih hamla Pathen lawng pum pakhat dawngah nangmi te n'khue u. Tedawngah awmngaih uh.

1Thessalonika 5:23

Ngaimawngna pekung Pathen lawng soeprep ah n'ciim sak u hawn seh, mami kah Bawipa Jesuh Khrih a law vengah nangmi kah pum boeih, na muithla, na hingna, oen pumtaksa te amah lawng kuem selang tah thawlhpalhna boeih kalawng n'loeih sak seh.

2Thessalonika 3:16

Ngaimawngna kungpui Bawipa amah lawngah metuek tue vengah khawseh along a-im phun soeprep oen ah ngaimawngna m'pe hawn seh.

Hebrew 13:20

Tuudoen Bo la aka awm mami kah Bawipa Jesuh lawngah amah kah thawthueng duekna rang oen dungyan la awlkamna te a cak sak poen dawngah Pathen lawng ahih te duekna kalawng a thawh sak poen.