Rom 4:25 - Matu Chin New Testament 2006

²⁵ Mami kah thawlhna phu ah ahih tah duek tih Pathen oen mami roeproeina ham a thawh sak koep.

Matu Bible

²⁵ Amah te mamih kah tholhdalhnah kongah a voeih tih mamih kah tiktamnah ham a thoh coeng.

Rom 4:25 Iomraidhean Croise

Mathai 20:28

Te tila ni Thlaanghing Capa khaw thlaangtloe te bii bi sak ham law nawh tih thlaang kah bii bi ham oen thlaang yahawh te tlang ham oen ah hingna peek ham ni a law,” a tina.

Rom 3:25

Pathen lawng Jesuh Khrih he a thisen rang oen thawlh khawdawp ngaaina saikung la a khueh tih te khawdawp ngaaina tah Jesuh Khrih oengna rang oen ni. Pathen lawng he tila thawlh khawdawp ngaaina a sai he tah a doengna te tueng sak a ngaih dawngah ni. Yan veng atah a kaw daw tih thlaanghing thawlhna te hu nawh angla awm;

Rom 5:18

Tedawngah thlaang pakhat kah thawlhna dawngah thlaang boeih tah thlaangthawlh la awm, tetih van angla thlaang pakhat kah adoeng saina rang oen thlaang boeih a loeih sak tih ahimi te hingna a peek.

Rom 8:3

Thlaanghing pumsa a tha ayoek dawngah Phungawl lawng a sai thai nawh te Pathen lawng a sai. Thlaanghing pumsa ah aka awm thawlhna te a Capa avan tuihna rang oen a phe poen. Thawlhna taa hamla thlaanghing kah thawlhna pumsa angla va law.

1Korin 15:17

Tecoengah Khrih a thawh koep nawh atah nangmi kah oengna te khaw thailatna mailai la awm vetih tahe toe ah mami thawlhna khuiah na ha na taa lii u hun.

2Korin 5:15

Khrih lawngah thlaang boeih hamla a duek he tah thlaanghing lawng a hing khuiah amah ham bueng la hing tlaih ohla ahimi ham duek tih aka tho koep thlaang hamla te hing ham ni.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Galati 1:4

Mami he tahe vengkah atue the khui kalawng loeih sak ham mami kah Pa Pathen kawngaihna te a vai tih mami kah thawlh dawngah Khrih lawng amah oen amah te pe u.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

Galati 3:13

Caciim lawng, “Thing dawngah a tai thlaang te tah Pathen kah tapvoepna huiah awm,” tila a thui angla Khrih tah mami hamla tapvoepna kawsi aka yawkk thaang la va coengg tih Phungawl lawng avan thoeng puei tapvoepna dawng kalawng mami he n'tlang poen.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Titus 2:14

Mami he athe-arana boeih dawng kalawng thlawn ham oen mami he thlaang ciim la sai tih amah bueng kah koe la awm ham oen ah theenna te thinkaw thluembuek oen aka sai ham, amah kah hingna roe te mami hamla a peek.

Hebrew 8:3

Khawsoeih Bawi boeih boeih tah thaihu peek thli oen boiava thawthuengna te Pathen tengah nawn hamla a khueh, tetih van la te mami kah Khawsoeih Bawi lawngkhaw thaihu nawn hamla a khueh van.

Hebrew 9:28

Tetih toengtoeng la thlaang yahawh kah thawlhna aciingna ham Khrih lawngkhaw vaikhat tah luciik la nawn u. Ahih tah apabela law koep ai, te ngoen tah thawlhna ciing sak ham tlaih nawh tih amah aka lamtoen hue te thlawn ham poen ni.

1Peter 1:21

Amah rang oen Pathen te nangmi lawng na oeng u tih, Pathen lawng amah te duekna kalawng a thawh sak tih ruep-awmna te a peek; tedawngah nangmi kah oengna oen ngaiuepna tah Pathen dawngah cak khak.

1Peter 2:24

Mami lawng thawlhna ah duek tih doengna ah hing hamla Khrih amah lawng a pum dawngah mami thawlhna te thinglam dawng a phueih poen. Ahih kah boengha ngaw oen nangmi tah na hoeih u poen.

1Peter 3:18

Metihtiah Khrih tah thlaangthawlh boeih yuengla vai at ah akhoek koeng la duek poen, nangmi te Pathen teng ceh puei ham thlaangthawlh yueng la thlaangdoeng te duek. Ahih te pumsa ben atah duek de, muithla ben atah hing koep tih,

1Johan 2:2

Metihtiah, Khrih amah roe he mami kah thawlh khawdawp ngaaina Luciik la awm tih mami kah thawlhna bueng nawh tih thlaang boeih kah thawlhna te khawdawp a ngaai.

Olphong 1:5

duekna kalawng lamhacuekla aka tho, thincak sausi la aka awm, dilai sengpahrang boeih ukkung la aka awm Jesuh Khrih teng kalawng lungvatna oen ngaimawngna tah nangmi tengah awm hawn seh. Mami n'lungna tih a duekna oen mami he thawlhna kalawng aka loeih sak tih,

Olphong 5:9

Ahimi lawng, “Nang tah cayaawl te lawh ham oen tacik te phe tih thlam hamla na tuueng roe. Metihtiah n'ngawn u tih nang kah Luciik duekna oen thlaangphun soeprep, awlcawm awlcee, ram tawm oen namtawm te Pathen ham na lai poen.

Olphong 7:14

Kai lawng, “Ka ming nawh, Bawipa, Nang lawng ni na ming,” ka tina. Ahih lawngah, “He kah thlaang hue he tah mueirihtamyiin heemtekna kalawng aka loeih thli ni, Ahimi lawng Tuuca thisen oen a himbai te a suk u tih aciim sak u poen.