Rom 4:17 - Matu Chin New Testament 2006

¹⁷ Caciim lawng, “Nang tah nam tawm thlaangphun kah Pahaam la kan sai poen” tila a thui angla awm. Tedawngah he awlkam he tah Pathen haiah theen tih Abraham lawng a oeng Pathen tah thlaangduek thawhsakkung oen awm nawh te awmsakkung ni.

Matu Bible

¹⁷ Namtom rhoek boeih kah napa la nang kan coelh tila a daek tangtae vanbangla anih loh a tangnah hlan ah aka duek rhoek te aka hing sak tih, aka om pawt te aka om bangla aka khue, Pathen te om lamhma coeng.

Rom 4:17 Iomraidhean Croise

Mathai 3:9

Abraham tah cuunkung patuer ni tila thui mailai oen dantatna kalawng ka loeih ai tila poek hau u boel. Pathen lawng he kah lungto thli he a lawh vetih Abraham cadil la a sai thai ti he kavan thui u.

Johan 5:21

Ana Pa lawng thlaangduek a thawh sak tih hingna a peek angla Capa lawngkhaw amah lawng a ngaih thlaang thli te hingna a peek.

Johan 5:25

Awltak kavan thui u: Pathen Capa awl te thlaangduek thli lawng a yaakna atue te law ai, te kah atue te avan pha poen, te awl aka ya boeih tah hing ai.

Johan 6:63

Hingna pekung tah Pathen Muithla ni; thlaanghing tharana tah a poei ni. Nangmi tengah kavan thui awl lawngah hingna aka pe Pathen Muithla te avan law puei.

Caeltueih 15:18

Te tila yan veng kalawng he awl aka mingsakkung Bawipa lawng a thui.’ a tina.

Rom 3:29

Pathen he Judah thlaang thli bueng kah Pathen la awm aw? Gental thlaang thli kah Pathen la tah awm nawh aw? Gental thlaang thli kah Pathen la khaw awm.

Rom 4:18

Abraham lawng ngaiuep ham n'tu khaw a awm nawh maiah pateng a oeng tih a ngaiuep dawngah “Nam tawm thlaangphun kah Pahaam la coeng,” Caciim lawng, “Na cadil aisi yoeh la yahawh ai,” tila a thui.

Rom 4:2

Thaihu theen saina rang oen Pathen haiah doengna dang kawinih oekthloen ham koei la awm suide, tede Pathen haiah oekthloenna koei n'tu khaw awm nawh.

Rom 8:11

Jesuh te duekna kalawng aka thawh sak Pathen Muithla te nangmi khuiah a awm atah, Khrih te duekna kalawng aka thawh sak Pathen Muithla nangmi khuiah a awm dawngah nangmi kah aka duek ham koei pum te hingna a peek van ai.

Rom 9:11

Tede capa pakhat a tuek te tah amah kah mengtengna te asoepna ham ni; tedawngah Pathen lawng Rebekka te, “Ahaamca lawng anoca kah bii a bi pe ai,” a tina. He awl he tah ahih rawi boeinau te a cuun thlan vengah a thui ni, ahih rawi lawng athe atheen n'tu khat khaw a sai hih thlan ah ni a thui; tedawngah Pathen kah tuekna he tah amah kah khuena dawngah akung asut tih ahih rawi boeinau kah saina dawngah nawh ni.

Rom 9:26

‘Nangmi tah ka thlaang la na awm u nawh' a tina huen roe ah nangmi tah aka hing Pathen kah ca-anau thli ni a tina ai,” tila a thui.

1Korin 1:28

Dilai lawng awlpuila a poek te phe hamla dilai lawng dapsitla a huh thlaang, thlaangnuih pariing la aka awm, thlaang la khaw a toehtham nawh thlaang te Pathen lawngtah a tuek noeng roe ni.

1Korin 15:45

Metihtiah Caciim lawngah, “Lamhacuek tawngpa Adam te thlaanghing la a sai.” ti, tede hukhueng Adam te tah hingna pekung Muithla ni.

1Timothy 6:13

Thaihu boeih hingna pekung Pathen haiah khaw, Pontias Pilat haiah a oengna acakcala aka phawng Jesuh haiah nang he awl kan uen.

Hebrew 11:12

Abraham tah thlaangduek angtoekla awm poen de ahih pakhat dawng kalawng cadil nauha vaan kah aisi yoeh la, tuitunlii keeng kah divinlai yoeh la yahawh.

Hebrew 11:3

Pathen awl lawng huh thai nawh khui kalawng huh thai he a sai tih Pathen kah awl lawng khawhipuempa he a sai tila mami lawng yaakming he tah oengna oen ni.

Hebrew 11:7

Noah lawng a huh thai nawh hailam ben kah thaihu kawng Pathen lawng ngaithuenna a peek awl te aka yaak sak tah oengna ni. Ahih lawngah Pathen awl te a ngaai tih amah oen a imkhuikaw thlawnna hamla lowng pakhat te a sai. Tedawngah dilai te dan tat la a awm vengah Noah lawngtah oengna rang oen aka law doengna te Pathen tengkah a huh.

1Peter 2:10

N'hu veng atah nangmi he Pathen kah thlaang la na awm u nawh de tahe atah nangmi he amah kah thlaang la na awm u poen; anoekbuet atah Pathen kah reenna te na ming u nawh de tahe atah a reenna te na dang u poen.

2Peter 3:8

Tede ka lungna ka paya thli, he thaihu pakhat he hilh u boel! Bawipa huh atah hin at he kum thong khat angla awm tih kum thong khat he hin at angla awm.