Rom 3:5 - Matu Chin New Testament 2006

⁵ Tede nangmi kah thaihu the saina dawngah Pathen kah thaihu sai a soeng te a tueng sak atah metila a awm ai? Pathen lawng mami te thawlh m' peel tih dan n'tat atah Pathen he soeng nawh n'ti ai aw? (Thlaanghing poekna oen thui atah).

Matu Bible

⁵ Tedae mamih kah boethae loh Pathen kah duengnah a tueng sak atah balae n'thui eh? Kosi aka hong Pathen tah halang pawt nim? Hlang vanbangla ka thui lah eh.

Rom 3:5 Iomraidhean Croise

Rom 12:19

Ka puei thli mevengah khaw luu lo u boel, te lak atah Pathen thinsana lawng sai ngoen seh. Caciim lawngah, “Kai lawng luu ka lo ai, kai lawngah kut ka thung ai, Bawipa lawng ti,” tila a thui.

Rom 2:5

Tede nangmi tah na thin thah u tih thawlh na yut u nawh: tedawngah Pathen kah thinsana oen aka doeng awlcekna Khawhin a pha vengah namami kah dantatna abo tare ham ni na sai khoeng u.

Rom 3:19

Phungawl khuiah aka awm awl soeprep he Phungawl huiah aka awm thlaang boeih sawah hawna ham ni tite tahe ah m'ming u, te tila a awm te tah thlaang boeih lawng peelnangna te a toeng tih dilai pum he Pathen kah awlcekna huiah a phana ham ni.

Rom 3:7

Tede kai kah doengna nawh lawng Pathen kah doengna te aciimla a tueng sak rang oen Pathen te ruep-awmna a peek tare atah metila kai he thawlh peel la ka awm khak ai?

Rom 4:1

Tetih atah mami kah patuer Abraham kawng he metila n'thui lah ai? ahih lawng n'tu nuem a tawng?

Rom 5:8

Tede, thlaangthawlh la n'awm vengah Khrih tah mami ham a duekna oen Pathen lawng mami he metila n'lungna tite a tueng sak poen.

Rom 6:1

Tetih atah metila n'ti u lah ai? Pathen kah lungvatna apuungna tare ham thawlhna te n'sai poepa ai aw?

Rom 6:19

(Nangmi lawng yaakmingna pumsa ben ah na khueh u nawh dawngah yaakming thai koei tihinhang kah awl ka hawna) N'cui veng atah nangmi lawng athe sai hamla aciimcaih nawh oen athe-arana ah na pum te sal la na peek u rapcaat. Tetih van la tahe tah aciimcaih saina hamla na pum te doengna sal la pe u rapcaat loeih.

Rom 7:7

Tetih atah Phungawl amah roe he thawlh n'ti u thai ai aw? Thawlh n'ti thai manawh! Tede thawlhna he aka mingsakkung tah Phungawl ni. Phungawl lawng, “Thlaang kah thaihu naai boel,” tila van thui nawh kawinih thaihu naaina ti he ka ming manawh.

Rom 8:31

Tetih atah he kawngah he n'tu nuem mami lawng n'thui thai ai? Pathen lawng mami he m'pai puei atah a-u lawng mami he n'raalna ai?

Rom 9:30

Tedawngah kaimi lawng ka thui tah Pathen oen roeproei ham aka yawm nawh Gental thlaangphun lawngah oengna rang oen ah Pathen oen roeproei u poen;

1Korin 15:32

Kai lawngah thlaanghing pumsa ngaihna ben oen ah he Efesa khaaw ah “Satluung thli” oen ka khoelh u mai kawinih n'tu ka dang ai? Tede thlaangduek thli he hingna ah a thawh pai atah, “Thangvuen ah n'duek u poen ai, ca u silang tah aw u sih,” tila a thui angla te awm u van sih aw!

1Korin 9:8

Kai lawngah he ang thli he hin roekk kah huhna oen nuehtahna ka thui nawh, metihtiah Phungawl lawngkhaw hetih toeng toeng la ni a thui.

2Korin 6:4

Te tila te sai ohla khawdeng mingna, raina, patang khangna boeih he kawdaw thinsan oen ka ueh u tih soeprep boeih ka saina dawngah Pathen kah tuihyoeihthlaang la ka awmna te ka tueng sak u.

2Korin 7:11

Nangmi kah kawthena te Pathen lawng metila a hawna tite ming u lah: nangmi te tha avan thlue sak poen; na thawlh u nawh tite tueng sak ham metihtlukla na kaw a thluembuek u! Na thin sa u, na lakueng u, nan ngaai tangkiik u poen, doengna te sai ham na ngaih u poen; sai thawlhna te dan peek ham oepsoehla na awm u! He thaihu boeih dawngah he nangmi tah thawlhpalhna awm nawh tite namami lawng na tueng sak u poen.

Galati 2:18

Kai lawng ka phe tangte Phungawl kah alawng-a im te ka sak koep atah Phungawl phekung tah kamah ni tite ka tueng sak.

Galati 3:15

Maya manau hue, khawhin roekk khawsakna dawngkah nuehtahna khat ah ka thui lah ai, lumlai pakhat dawngah thlaang pahih lawng kawvaina awlkam te a sai hih vengah thlaang pakhat lawng te kah awlkamna te phe thai nawh tih tawm athap thai nawh.

Olphong 15:3

Ahimi lawngah Tuuca kah laa oen Pathen kah tuihyoeihthlaang Mosi kah laa te a sak u: “Bawipa Pathen Thara koek, metihtlukla na Lenduet tih na thaihu sai he kawpoek rai la a awm, Thlaangphun boeih kah sengpahrang, nang kah lawngpui tah metihtlukla asoeng tih adoeng!

Olphong 18:20

Vaan nang, te khawpui rawk dawngah awmngaih lah! Pathen kah thlaang thli oen celtuih thli oen ah tawngha thli awmngaih u lah! Nangmi sawah a saina boeih dawngah Pathen lawng ahih te awl a cek poen!