Rom 3:25 - Matu Chin New Testament 2006

²⁵ Pathen lawng Jesuh Khrih he a thisen rang oen thawlh khawdawp ngaaina saikung la a khueh tih te khawdawp ngaaina tah Jesuh Khrih oengna rang oen ni. Pathen lawng he tila thawlh khawdawp ngaaina a sai he tah a doengna te tueng sak a ngaih dawngah ni. Yan veng atah a kaw daw tih thlaanghing thawlhna te hu nawh angla awm;

Matu Bible

²⁵ Anih te Pathen loh a duengnah mingphanah la a thii dongkah tangnah rhangneh dawthnah la a hmoel.

Rom 3:25 Iomraidhean Croise

Johan 6:47

Awltak tang kavan thui u: ahih te aka tangna tah dungyan hingna a khueh.

Caeltueih 14:16

N'cui veng atah thlaang boeih he amami kah ngaihna angla a ceh sak.

Caeltueih 15:18

Te tila yan veng kalawng he awl aka mingsakkung Bawipa lawng a thui.’ a tina.

Caeltueih 17:30

Pathen amah te thlaanghing lawng a ming nawh vengkah atue atang te n'tu la khaw poek asam nawh, tede tahe atah khaaw tawm ram tawm kah thlaang boeih kah the-arana boeih te mangthawng taak hamla awl a peek poen.

Caeltueih 2:23

Pathen lawngah amah khawkhanna angla Jesuh te nangmi kut ah peek hamla awl a khueng oepsoeh poen; ahih te thinglam dawng na tai u tih thlaangthawlh thli kah kut oen na ngawn u poen.

Caeltueih 3:18

Yan vengah Pathen lawng tawngha boeih tengah, amah kah Messiah lawngah patang a khang ai tila a thui oepsoeh te amah lawng te tila asoep sak.

Caeltueih 4:28

Nang lawngah namah kah huham tharana oen aka awm ham koei na thui sut soeprep boeih te sai hamla ahimi tah tun u.

Rom 2:4

Tihnawhtah Pathen kah alentloe reenna, khawdawp ngaaina, kawdawna thli te tula khaw na sak u nawh aw? Pathen kah lungvatna te thawlh yutna ham lawngpui nuehkung ni tite ataktangla na ming u.

Rom 3:26

tede, tahe tue veng atah amah kah doengna te a tuengna ham thlaanghing thawlhna te a pho sak. He-tila Pathen lawng amah thlaangdoeng la a awmna a tueng sak tih Jesuh aka oeng boeih tah thlaangdoeng la a khueh.

Rom 5:1

Tahe ah tah oengna rang oen mami tah Pathen lawng thlaangdoeng la n'khueh u poen tih mami kah Bawipa Jesuh Khrih rang oen Pathen oen ah n'roep u poen.

Rom 5:11

Te bueng nawh tih tahe ah Pathen kah paya laikoei la mami saikung mami kah Bawipa Jesuh Khrih rang oen Pathen kah thaihu sai dawngah n'awmngaih u.

Rom 5:18

Tedawngah thlaang pakhat kah thawlhna dawngah thlaang boeih tah thlaangthawlh la awm, tetih van angla thlaang pakhat kah adoeng saina rang oen thlaang boeih a loeih sak tih ahimi te hingna a peek.

Rom 5:9

Amah kah thisen oen tahe atah mami he Pathen oen ah n'roep u poen. Ahih rang oen Pathen kah thinsana kalawng metihtlukla n'thlawn tare ai!

1Korin 5:7

Nangmi lawngah aciimthlaula na awmna u ham thawlhna tawlru ruem te hoett uh. Te atah tawlru aka thuum nawh takawi thaaithikla na awm u ai, te tila nangmi na awm tangtang tite ataktangla ka ming. Metihtiah mami kah Kaantaak Poei te oepsoeh la awm poen, mami kah Kaantaak Poei tuuca Khrih te Luciik la thawthueng u poen tih mami kah Kaantaak Poei sai ham oepsoeh la awm poen.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Ephesa 1:7

Metihtiah Khrih kah duekna rang oen mami n'loeih u, te tah mami kah thawlhna boeih khawdawp a ngaai poen tina ni. Pathen lungvatna tah metihtlukla a bo,

Ephesa 2:13

Tede tahe tah Khrih Jesuh oen pumkhatla awmna dawngah athlathloeila aka awm nangmi te Khrih kah duekna rang oen amah teng na pha u poen.

1Timothy 1:15

Khrih Jesuh tah thlaangthawlh thlawn ham dilai la va law ti he tah aka soeng tangtang awl la awm tih lawh koeloe ham koei oen tangna koei ni. Kai tah thlaangthawlh boeih lak ah athe khuet ni;

Hebrew 10:4

Metihtiah vaitaw thi oen me-ee thi lawngah thawlhna he ciing sak thai tangtang nawh.

Hebrew 11:14

Te tila aka thui hue lawngah amami kah ram pakhat a tlap ti te a tueng sak.

Hebrew 11:17

Pathen lawngah Abraham te a noek adak vengah a capa Isak te luciik la aka nawn sak te tah oengna ni. Pathen lawng Abraham tengah ni awl a kam, tede a capa khueh duen pakhat te luciik la nawn ham kamtoen oepsoeh.

Hebrew 11:7

Noah lawng a huh thai nawh hailam ben kah thaihu kawng Pathen lawng ngaithuenna a peek awl te aka yaak sak tah oengna ni. Ahih lawngah Pathen awl te a ngaai tih amah oen a imkhuikaw thlawnna hamla lowng pakhat te a sai. Tedawngah dilai te dan tat la a awm vengah Noah lawngtah oengna rang oen aka law doengna te Pathen tengkah a huh.

Hebrew 9:28

Tetih toengtoeng la thlaang yahawh kah thawlhna aciingna ham Khrih lawngkhaw vaikhat tah luciik la nawn u. Ahih tah apabela law koep ai, te ngoen tah thawlhna ciing sak ham tlaih nawh tih amah aka lamtoen hue te thlawn ham poen ni.

Hebrew 9:5

Te kah Kong sawah te phe aka phuer cherubim kutsaimuei te awm. Te tah Pathen he ah awm tila tuengsakna ni. Te kah cherubim lawng te thawlh khawdawp-ngaaina ahuen sawah phe a phuer. Tede tahe ah te ang thaihu te asoepbirla thuina atue nawh ni.

1Johan 1:10

Mami lawng ka thawlh nawh n'ti u atah Pathen te hoem thui la n'sai u tih amah awl te khaw mami khuiah awm nawh.

1Johan 2:2

Metihtiah, Khrih amah roe he mami kah thawlh khawdawp ngaaina Luciik la awm tih mami kah thawlhna bueng nawh tih thlaang boeih kah thawlhna te khawdawp a ngaai.

1Johan 4:10

Lungna ti he tah he tila ni: mami lawng Pathen n'lungna te nawh ni, tede amah lawng mami he n'lungna tih mami kah thawlhna khawdawp ngaaina ham a Capa avan tuih he ni.

Olphong 1:5

duekna kalawng lamhacuekla aka tho, thincak sausi la aka awm, dilai sengpahrang boeih ukkung la aka awm Jesuh Khrih teng kalawng lungvatna oen ngaimawngna tah nangmi tengah awm hawn seh. Mami n'lungna tih a duekna oen mami he thawlhna kalawng aka loeih sak tih,

Olphong 13:8

Dilai a suen thlan ah miing thut la aka awm tih ngawn la aka awm tuuca kah hingna cabu khuiah a miing aka thuum nawh dilai thlaang boeih lawngah satluung te a bok u ai.

Olphong 20:15

Hingna cabu dawngah a miing a thut nawh thlaang boeih te tah haituilii khuila a voeih u.

Olphong 5:9

Ahimi lawng, “Nang tah cayaawl te lawh ham oen tacik te phe tih thlam hamla na tuueng roe. Metihtiah n'ngawn u tih nang kah Luciik duekna oen thlaangphun soeprep, awlcawm awlcee, ram tawm oen namtawm te Pathen ham na lai poen.