Rom 3:22 - Matu Chin New Testament 2006

²² Jesuh Khrih te oengna rang oen Pathen lawng thlaangdoeng la a khueh. Khrih aka tangna boeih hamla doengna te Pathen lawng a sai dawngah a-u tengah khaw alangna roe awm nawh:

Matu Bible

²² Pathen kah duengnah tah Jesuh Khrih kah tangnah lamloh aka tangnah rhoek boeih taengah hlihloehnah a om moenih.

Rom 3:22 Iomraidhean Croise

Luka 15:22

Tede ana pa lawng a tuihyoeihthlaang thli te a khue tih, ‘Angki theen koek te aloela van khuen u lang buen sak uh. Kutcabuen te buen sak u langtah khawmuek te khaw muek sak uh.

Caeltueih 11:12

Uelh re tlaih ohla ahimi oen ceh haih pahoei ham Muithla lawng avan thui. He kah ka puei oengca paruk hue khaw Joppa kalawng Sisaria la kai oen haih ka law u tih kaimi boeih he Kornilias im la ka cet u.

Caeltueih 15:9

Ahih lawngah mami oen ahimi laklaw ah pekbona sai nawh; ahimi lawng a tangna u dawngah ahimi kah thawlhna te khawdawp a ngaai pe.

Caeltueih 3:16

Ahih kah a miing huham tharana lawng he kah khowkheem thlaang he tharana te a peek. Nangmi lawng na huh tih na ming u he tah ahih kah a miing oengna rang oen ni sai la a awm; nangmi boeih lawng na huh u angla Jesuh oengna lawng ni ahih he a sa ading sak.

Rom 1:17

Pathen lawng thlaanghing he metila thlaangdoeng la a khueh tite Awlthang Theen lawng a tueng sak. “Pathen lawng thlaangdoeng la a khueh thlaang te lawngtah oengna oen hing ai.” tila Caciim lawng a thui angla te doengna tah acuekca veng kalawng aboet toe oengna rang oen ni.

Rom 10:12

Metihtiah Judah oen Gental thlaangphun pekthlena a awm tlaih nawh dawngah thlaang boeih thuum poen; Pathen tah thlaang boeih kah Bawipa la awm tih amah te aka khue boeih tah yotheen kawthawina yahawh hlang a lun thil.

Rom 10:4

Jesuh Khrih lawng Phungawl te aboet sak poen dawngah a-u khaw aka tangna thlaang boeih tah Pathen oen roeproeina a dang poen.

Rom 2:1

Tedawngah ka paya, a-u nang khaw thlaangtloe sawah awl na cek vengah namah oen namah te na thlipdah u thai nawh. Metihtiah thlaangtloe awl na cek vengah ahimi angla nang lawngkhaw thawlhna na sai van dawngah namah oen namah ni awl na cek u.

Rom 3:30

Pathen tah pakhat ni, Judah thlaang khaw a oengna rang oen thlaangdoeng la a khueh tih Gental thlaang khaw a oengna rang oen thlaangdoeng la a khueh.

Rom 4:16

Tedawngah te kah awlkamna tah oengna dawngah akung asut tih Abraham cadil boeih tengah Pathen kah ayoe peek kutdo la awm, phungawl aka vai hue ham bueng nawh tih Abraham angla aka oeng thli boeih khaw awm van. Metihtiah Abraham tah Muithla ben ah mami boeih kah Pahaam la a awm dawngah ni.

Rom 8:1

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Rom 9:30

Tedawngah kaimi lawng ka thui tah Pathen oen roeproei ham aka yawm nawh Gental thlaangphun lawngah oengna rang oen ah Pathen oen roeproei u poen;

1Korin 12:13

Tetih van angla mami boeih he tah Judah oen Gental thlaang khaw, sal oen thlaangcuem khaw, Muithla pakhat lawng pum pakhat dawngah baptisma m'peek tih awkk koeila Muithla pakhat te ni mami m'peek u.

1Korin 4:7

Nangmi te thlaangtloe lak ah asangluelh la a-u lawng n'sai? Na khueh soeprep boeih he Pathen peek nawh aw? Na khueh na toen u te ayoe peek kutdo nawh angla metila na oekthloen u thai?

Galati 2:16

Tede thlaanghing he Jesuh Khrih oengna bueng oen ah Pathen oen roeproeina awm tih Phungawl lawng a kuek te saina oen nawh ni tite mami lawng m'ming u. Mami khaw Phungawl lawng a kuek te saina rang oen nawh tih mami lawng Khrih oengna rang oen Pathen oen ah roeproeina a awmna ham Jesuh Khrih te n'oeng u.

Galati 2:20

tedawngah aka hing he tah kai tlaih nawh tih ka khuiah aka hing tah Khrih poen ni. Tahe kah hingna he tah kai n'lungna tih hingna pekung Pathen Capa oengna rang oen ka hing.

Galati 3:22

Tede Caciim lawngah, ‘dilai pumpui he thawlh tharana huiah awm; tedawngah Jesuh Khrih oengna dawngah akung asut awlkam kutdo te aka oeng thlaang tengah a peek’ tila a thui.

Galati 3:28

Tedawngah Judah oen Gental laklaw ah khaw, saltamnaa oen thlaangcuem laklaw ah khaw, hutaa oen tawngpa laklaw ah khaw pekbona awm tlaih nawh; nangmi boeih tah Khrih Jesuh oen pumkhatla awmna dawngah pakhatla na awm u poen.

Ephesa 3:12

Khrih oen pumkhatla awmna dawngah mami lawng oengna oen ah Pathen tengla uepna oen tong-aa ohla n'cet u.

Philipi 3:9

amah oen pumkhatla awmna ham ni. Tahe ah kai lawng Phungawl vaina rang oen thaawnna kamah kah doengna te ka khueh tlaih nawh. Tahe tah Khrih oengna rang oen m'peek doengna, oengna dawngah akung asut Pathen tengkah aka law doengna ni ka khueh poen.

Kolosa 3:11

Te tila mingna dawng atah Gental oen Judah, yahhuivuen reet oen reet nawh, thlaangngau paathuu, n'tu khaw aka ming nawh thlaang, sal oen thlaangcuem tila ahimi laklaw ah pekbona awm tlaih nawh; Khrih tah soeprep tih soeprep dawngah Khrih tah awm.

James 2:23

Tedawngah caciim lawng, “Abraham lawng Pathen te a tangna tih te a oengna rang oen ah Pathen lawng ahih te thlaangdoeng la a do,” tila a thui te soep tangtang.