Rom 3:11 - Matu Chin New Testament 2006

¹¹ thlaangcuih pakhat khaw awm nawh, Pathen aka tlap khat khaw awm nawh.

Matu Bible

¹¹ Aka hmuhming te om pawh, Pathen aka tlap om pawh.

Rom 3:11 Iomraidhean Croise

Mathai 13:19

A-u khaw Vaan ram kawng awlthang a yaak de aka yaakming nawh te tah lawngpui ah aka tla caangti oen lo u. Ahimi thinkaw ah a heh u caangti te Seitan lawng law tih a rot pe.

Rom 1:22

Ahimi lawng te ka cuih ti u, tede ahimi tah cuih u nawh.

Rom 1:28

Pathen kawng cuihna taktak te thlaanghing lawng a thinkaw khuiah khueh ham a ngaih u nawh dawngah aciimcaih nawh thinkaw lungbui khueh ham Pathen lawng a thlahphaam. Tedawngah sai koei nawh athe thaihu a sai u.

Rom 3:10

Caciim lawng tila a thui, “Thlaangdoeng a-u khat khaw awm nawh;

Rom 3:12

Thlaang boeih lawng Pathen te a mangthawng taak; ahimi boeih tah lawngpui a hang u poen; doengna aka sai khat khaw awm nawh, pakhatca khaw awm roe nawh.

Rom 8:7

Tedawngah thlaanghing lawng amami pumsa ngaihna angla a awm a tah Pathen raal la awm; ahimi lawng Pathen kah phungawl te vai nawh, ahimi lawngah vai khaw vai thai roe nawh.

Titus 3:3

Metihtiah n'hu vengah mami khaw ng'ngau u tih awl ngaai nawh lawnghang la ng'awm u. Pumsa ngaihna oen awmtheenna soeprep kah sal la ng'awm u. Mami kah hingna he uett-eena oen thaihu naai ah mami lawng n'hawna; Mami te thlaang tloe lawng n'thina tih ahimi te mami lawng n'thina van.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.