Rom 2:3 - Matu Chin New Testament 2006

³ Tede ka puei, thlaang lawng thaihu the a sai tih awl na cek vengah nang lawng awl na cek thlaangtloe angla namah khaw na awm van. Pathen kah awlcekna kalawng ka loeih ai tila na poek aw?

Matu Bible

³ He he na thuep dae a? Aw nang hlang tebang khosak neh aka saii tih amih soah lai aka tloek, te nen a Pathen kah laitloeknah te na poenghal eh?

Rom 2:3 Iomraidhean Croise

Mathai 23:33

Nangmi ruul hue, ruul kah cadil hue! Metila hell khui tlaakna kalawng ka loeih u thai ai tila na ngaiuep u?

Mathai 26:53

Kai lawng a Pa tengah bawmna ka bih kawinih raalkapbu paha thlaihih lak ah yahawh ngaai vanthlaang te ka tengla avan tuih pahoei ai ti he na ming nawh aw?

Luka 12:14

Jesuh lawng ahih nala te, “Ka puei, nanghih te awl cek ham oen ah ro pek pe hamla a-u lawng kai he n'khueh?” a tina.

Luka 22:58

Tecoeng a awm bawt ah thlaang pakhat lawng Piter te a huh nooek dawngah, “Nang khaw, ahimi timkah thlaang pakhat van ni” a tina. Tede Piter lawng, “Kai he ahimi timkah thlaang nawh ni” a tina.

Luka 22:60

Tevengah Piter lawng, “Nang lawng na thui akawng alam he ka ming moenih!” a tina. Awl a thui lii vengah aai te khawk pahoei.

Rom 1:32

He tila aka hing thlaang thli tah duek ham awm tila Pathen phungawl lawng a thui te a ming u. Tede he ang thaihu amami kah sai bueng ohla thlaangtloe lawng a sai u te khaw a kawtlaak puei u.

Rom 2:1

Tedawngah ka paya, a-u nang khaw thlaangtloe sawah awl na cek vengah namah oen namah te na thlipdah u thai nawh. Metihtiah thlaangtloe awl na cek vengah ahimi angla nang lawngkhaw thawlhna na sai van dawngah namah oen namah ni awl na cek u.

Rom 2:2

He tila thaihu the aka sai thli Pathen lawng awl a cek vengah asoeng thaihu a sai tite na ming u.

Rom 9:20

Ka paya, nang ta a-u la na awm aih tih Pathen te awl na thung ngam? Dilai am lawng ambawpkung te, “N'tu ah he tila nan sai,” tila doet nawh.

1Thessalonika 5:3

thlaang thli lawngah, “Soeprep boeih tah ding asuek tih ngaimawng ngaitoela awm,” a ti u vengah bawtbet khawlai maiah raina lawng ahimi te a tlaak thil ai! Tattloel hutaa ca-awm tlawhna lawng kawlkalh ah a pha angla te awm vetih a-u thlaang khaw deem manawh.

Hebrew 12:25

Tedawngah nangmi tengah awl thuikung hue kah awl te oelhtaih nawh ham ngaithuen uh. Dilai dawngah awlthang thuikung hue kah awl te hutung ham aka ngaih nawh tah loeih u nawh. Vaan kah awl aka thui te mami lawng mangthawng taak atah metila mami n'loeih pai ai!

Hebrew 2:3

Te atah hetih aihla aka lenduet thlawnna he mami lawng n'tu la n'sak nawh atah metila mami he sa a sueng ai? Bawipa amah lawng he thlawnna he lamhacuekla a phawng tih aka ya boeih lawngah soeng tila mami tengah a tueng sak poen.