Rom 2:29 - Matu Chin New Testament 2006

²⁹ Akhuiben ah Judah thlaang la awm tih thinkaw khuiah yahhuivuen aka reet te ni Judah thlaang tangtang a miingna. Te ngoen tah kut oen thut Phungawl kah bii saina nawh tih Pathen Muithla kah bii bina ni. Te ang thlaang te tah thlaanghing ben kah nawh tih Pathen benkah thangtheenna aka dang thlaang ni.

Matu Bible

²⁹ Tedae a olhuep dongkah Judah hlang ni a ti. Te phoeiah cabu nen pawt tih mueihla ah thinko yahvinrhetnah ni a ti. Anih kah thangthennah tah hlang lamkah pawt tih Pathen taeng lamkah ni.

Rom 2:29 Iomraidhean Croise

Luka 11:39

Tedawngah Bawipa lawng ahih nala te, “Nangmi Farasi thlaang thli lawngtah boengloeng oen beel te adauben tah na silh u, tede akhui ben tah tluung-athangna, athe thaihu oen betoet.

Luka 17:21

A-u lawngkhaw, ‘Bueh lah he ah awm he! tihnawhtah, te ah awm te!’ tila thui thai manawh, metihtiah Pathen Ram tah namami khuiah ni a awm.” a tina.

Johan 12:43

Ahimi lawng Pathen kah koehna lak ah thlaanghing kah koehna te a ngaih ngai u dawngah ni.

Johan 4:23

Tede Pa tah ataktangla a awm van angla aka bok thlaang thli lawngkhaw Pathen kah Muithla tharana oen awltak oen ah a bokna atue te avan pha poen tih he ah he awm poen. Te tila aka bok te ni Pathen lawngah a ngaih.

Johan 5:44

Nangmi lawngtah khat oen khat tengkah koehna awl te na ngaih u, tede Pathen pakhat bueng tengkah koehna dang ham tah na yawm u nawh; tetih atah metila kai he nan tangna u pai ai?

Rom 14:17

Metihtiah Pathen kah Ram tah caak awkk dawng awm nawh tih Ciim Muithla kah peek doengna, ngaimawngna oen awmngaihna dawngah ni a awm.

Rom 2:27

Tedawngah Judah thlaang thli, Phungawl khaw thut tangte la na khueh u tih yahhuivuen khaw na reet u poen de Phungawl te na phe u dawngah Gental thlaang thli tah pumsa ben ah yahhuivuen reet nawh mai cakhaw Phungawl te a vai u dawngah ahimi lawng nangmi te thawlh n'peel u poen ai.

Rom 3:1

Tetih atah Judah thlaang lawng Gental thlaang lak ah a hoeikhangna awm bet aw? Yahhuivuen reetna te pakhat mai khaw aphu awm aw?

Rom 7:6

Tede tahe tah Phungawl kah piinna thong khuiah te n'duek u poen dawngah Phungawl dawng kalawng n'loeih u poen. Tahe atah ca oen a thut phungawl lawngpui ruem ah bii m'bi u tlaih nawh tih Muithla ben kah lawngpui thaai ah ni bii m'bi u poen.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

1Korin 7:19

Metihtiah yahhuivuen reet oen reet nawh te n'tu la khaw coengg nawh; Pathen kah awlpeek vai he ni awlpui la a awm.

2Korin 10:18

Metihtiah Bawipa amah lawng thlaang theen la a pawm te ni a do, amah oen amah aka thangpawm u thlaang te tah do nawh.

2Korin 3:6

awlkam thaai bii he kaimi aka bi sak thai tah Pathen amah ni. Te awlkam thaai te tah ca oen thut la aka awm phungawl nawh tih Muithla te ni. Ca oen a thut phungawl lawngtah duekna te a thoeng sak tih Muithla lawngtah hingna te a peek.

Philipi 3:3

Asoeng akam taktak yahhuivuen aka reet tah ahimi nawh tih mami he ni, metihtiah mami lawngtah amah kah Muithla oen ah Pathen n'bok u tih Khrih Jesuh ah pumkhatla awmna hingna dawngah te n'awmngaih u. Mami lawngtah asaw ahan kah saina dawngah uepna n'khueh u nawh.

1Thessalonika 2:4

Pathen lawng kaimi he n'noemcai tih ueppang koei, tueng-aleng a ti dawngah Awlthang Theen thui ham bii m'peek u tih amah lawng thui sak ham a ngaih angla te ka thui u. Kaimi lawng thlaang kah kawtawngna te ka yawm u nawh tih kaimi kah poekna noekdakkung Pathen kaw te tawng ham ni ka yawm u.

1Peter 3:4

Te lak ah Pathen mik huh ah phutlo koek thlaangtheenna tangtang tah nangmi kah thinkaw khuiah aka awm boe-ngaaina oen kawdawna dawngah ni a awm.