Rom 2:16 - Matu Chin New Testament 2006

¹⁶ Tedawngah Awlthang Theen ka phawng angla awlcekna Hin ah Pathen lawng Jesuh Khrih rang oen thlaanghing boeih kah ahuepla poekna thli te awl a cek ai.

Matu Bible

¹⁶ Jesuh Khrih rhangneh kai kah olthangthen bangla hlang rhoek kah olhuep te Pathen loh lai a tloek khohnin ah tueng ni.

Rom 2:16 Iomraidhean Croise

Mathai 16:27

Thlaanghing Capa tah ana Pa kah ruep-awmna oen amah kah vanthlaang thli oen ah va rum thuk vetih thlaang boeih te bii a bina taring ah kutdo a peek ai.

Luka 8:17

Thuh-elh la aka awm boeih te pho biit vetih muekdah la aka awm boeih te tueng pheng vetih huh thai la awm ai.

Johan 12:48

A-u khaw ka awl he aka do nawh tih kai aka hoett te awl aka cek hamla thlaang awm. Aboetna khawhin vengah ka awl thui lawngah awl a cek ai.

Caeltueih 10:42

Thlaang boeih tengah awlthang theen thui hamla, thlaangduek oen thlaanghing awlcekkung la Pathen lawng ahih te a khueh te aka mingkung sausi la kaimi he awl m'peek u.

Caeltueih 17:31

Metihtiah amah lawng a tuek oepsoeh thlaang pakhat rang oen ah dilai pumpui he doengna oen awlcek hamla atue khawhin a nuen poen. Ahih lawng te thlaang te duekna kalawng a thawh sak rang oen thlaang boeih tengah asoengna te a tueng sak!” tila a thui.

Rom 16:25

Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

Rom 2:5

Tede nangmi tah na thin thah u tih thawlh na yut u nawh: tedawngah Pathen kah thinsana oen aka doeng awlcekna Khawhin a pha vengah namami kah dantatna abo tare ham ni na sai khoeng u.

Rom 3:6

Tetih nawh ni; Pathen he doeng nawh kawinih metila dilai awl a cek thai ai?

1Korin 15:1

Maya manau thli, Nangmi tengah kavan phawng Awlthang Theen, nangmi lawng na do u tih oengna ah acakla na paina u te tahe ah nangmi ming sak koep ham ka ngaih.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

2Korin 5:10

Metihtiah mami boeih he amah lawng awl cek ham Khrih haiah te m'pha boeih ai. Pumtaksa la hing vengah a the khaw, atheen khaw soeprep saina taring ah ating-atawkk la rip n'dang u ai.

Galati 1:11

Maya manau thli, nangmi teng-ah kavan thui awlthang theen he thlaanghing teng kalawng akung tong la awm nawh tite kavan thui u ai.

1Timothy 1:11

Te ang cangpueina te tah kai lawng ka thui ham koei la m'peek awlthang theen dawngah te awm tih, ruep-awm oen theenduet Pathen tengkah Awlthang Theen ni.

2Timothy 2:8

Awlthang theen dawngkah ka thui angla Devid cadil duekna kalawng aka tho koep Jesuh te hilh boel.

2Timothy 4:1

Thlaangduek oen thlaanghing awl aka cek ham koei Khrih Jesuh oen Pathen haiah awl ceetceet kan uen. Metihtiah ahih tah Sengpahrang angla uk ham law koep ai.

2Timothy 4:8

Tahe tah, adoengla aka hing thli a peek taana kutdo lawng te kai he n'ring poen, te kutdo te tah, Bawipa lawngah, te Khawhin ah te m'peek ai, kai bueng he m'pe manawh, amah a lawna te lungna oen a lamtoen thlaang boeih te a peek ai.

Hebrew 9:27

Thlaang boeih he vai at tah duek ai, tecoengah Pathen lawng awl a cek ai.

1Peter 4:5

Tede thlaangduek oen thlaanghing awlcek ham oepsoeh la aka awm Pathen tengah ahimi lawng a hingna oen a saina boeih te a thui u ai.

2Peter 2:9

Tedawngah Bawipa lawngtah amah aka ming thlaang thli te ahimi kah patang khangna kalawng loeih sak ham khaw, thlaangthe thli te Awlcekna Khawhin ah metila dan tat ham ti khaw a ming,