Rom 2:13 - Matu Chin New Testament 2006

¹³ Thlaanghing he Pathen haiah thlaangdoeng la a awmna tah Phungawl te yaakna rang oen nawh tih Phungawl lawng sai a ti te saina rang oen ni.

Matu Bible

¹³ Olkhueng aka yakung rhoek loh Pathen taengah dueng pawt tih, olkhueng aka vai ni a tang eh.

Rom 2:13 Iomraidhean Croise

Luka 18:14

Nangmi tengah kavan thui u, mangmu cawikung lawng Pathen haiah doengna te a huh tih im la meel. Farasi thlaang lawng atah doengna te hu nawh. A-u khaw amah oen amah a pawmsang u atah adangla tla vetih a-u khaw amah oen amah te adangla aka awm tah a pawmsang u ai.

Luka 8:21

Jesuh lawng ahimi boeih nala te, “Pathen awl te a yaak tih aka vai thlaang boeih tah ka manu oen ka manau la awm.” a tina.

Johan 13:17

Tahe tah awltak he na ming u poen, ataktangla aka sai tah metihtlukla a awmngaih ai!

Rom 10:5

Mosi lawngtah Phungawl vaina rang oen Pathen oen ah roepna kawng te a thut: “A-u khaw Phungawl lawng sai a tite aka sai boeih tah hing ai,” ti.

Rom 2:25

Nangmi lawng Phungawl na vai u atah yahhuivuen na reet u te aphu awm tang tang, tede Phungawl te na vai u nawh atah yahhuivuen aka reet nawh oen na lo u.

Rom 3:20

Phungawl vaina rang oen Pathen haiah a-u khat khaw thlaangdoeng la awm nawh. Phungawl kah bii sai tah thlaang lawng thawlhna a sai te ming sak ham mai ni.

Rom 3:23

thlaanghing boeih lawng thawlhna a sai u dawngah Pathen teng kalawng athlathloeila awm u poen.

Rom 3:30

Pathen tah pakhat ni, Judah thlaang khaw a oengna rang oen thlaangdoeng la a khueh tih Gental thlaang khaw a oengna rang oen thlaangdoeng la a khueh.

1Korin 4:4

Ka kawpoek tah ciim acaih ngoen ta, tede te tila ka thui te ka thawlh nawh tila thuingaihna nawh ni. Bawipa khat bueng lawng ni ka sawah awl a cek thai ai.

Galati 2:16

Tede thlaanghing he Jesuh Khrih oengna bueng oen ah Pathen oen roeproeina awm tih Phungawl lawng a kuek te saina oen nawh ni tite mami lawng m'ming u. Mami khaw Phungawl lawng a kuek te saina rang oen nawh tih mami lawng Khrih oengna rang oen Pathen oen ah roeproeina a awmna ham Jesuh Khrih te n'oeng u.

Galati 5:4

Phungawl vaina oen ah Pathen oen roeproei hamla aka yawm thli tah namah oen namah Khrih oen na pek u poen. Nangmi tah Pathen kah lungvatna adau benla ni na awm poen.

James 1:27

Pa Pathen lawngah aciim acaih bokna oen bokna tangtang la a poek tah, khawdeng lungma aka khang cadah harah thli oen huhai tumtee thli cawm acahna oen ah he dilai thawlhna tuiilehkap dawng kalawng mah oen mah kuemsuemna he ni.

1Johan 2:29

Nangmi lawng Khrih tah thlaangdoeng tila na ming u; tedawngah a-u khaw thaihu doeng aka sai tah Pathen kah a ca thli ni tite na ming u ham awm.

1Johan 3:7

Ka ca thli, nangmi te a-u khat lawngkhaw n'thaina boel seh! Khrih tah thlaangdoeng la a awm angla a-u khaw doengna aka sai boeih tah thlaangdoeng van ni.