Rom 2:1 - Matu Chin New Testament 2006

¹ Tedawngah ka paya, a-u nang khaw thlaangtloe sawah awl na cek vengah namah oen namah te na thlipdah u thai nawh. Metihtiah thlaangtloe awl na cek vengah ahimi angla nang lawngkhaw thawlhna na sai van dawngah namah oen namah ni awl na cek u.

Matu Bible

¹ Hlang boeih lai aka tloek aw basa tloel la na om coeng, hlang tloe te me nen lae lai na tloek. Amah te tla kho na boe tih lai aka tloek tah namah na boe coeng.

Rom 2:1 Iomraidhean Croise

Luka 12:14

Jesuh lawng ahih nala te, “Ka puei, nanghih te awl cek ham oen ah ro pek pe hamla a-u lawng kai he n'khueh?” a tina.

Luka 19:22

Ahih nala te, ‘Nang thlaangthe tuihyoeihthlaang! Na awlthui te namah awlcekna ham ka hawna ai! Kai he amangkhak thlaang, kamah kah thaihu nawh khaw ka lawh tih caangti ka tuh nawh te khaw ka ah te na ming ta.

Luka 6:37

“Thlaangtloe te awl cek boel, tetih atah Pathen lawng nangmi te awl n'cek van manawh; thlaangtloe te sal-aphaam boel, tetih atah Pathen lawng nangmi te n'sal-aphaam van manawh; thlaangtloe sawah khawdawp ngaai u lah, tetih atah Pathen lawng na sawah khawdawp a ngaai van ai.

Rom 14:22

He kawng tah namah lawng na tangna angla te awm selang tah Pathen oen namah laklaw kah tuhkaina la khueh hawn. A-u khaw soeng a ti angla pakhat khat te a sai tih thinkaw a ciim atah yotheen aka dawng ni!

Rom 2:2

He tila thaihu the aka sai thli Pathen lawng awl a cek vengah asoeng thaihu a sai tite na ming u.

Rom 2:3

Tede ka puei, thlaang lawng thaihu the a sai tih awl na cek vengah nang lawng awl na cek thlaangtloe angla namah khaw na awm van. Pathen kah awlcekna kalawng ka loeih ai tila na poek aw?

Rom 3:9

Tetih atah mami Judah thlaang ta Gental thlaang lak ah bet atheenna n'tu aka awm? Atheen tloe moenih! Aciimphanla ka tueng sak tangte angla Judah thlaang oen Gental thlaang khaw avan at la thawlhna tharana huiah boeih awm u.

Rom 9:20

Ka paya, nang ta a-u la na awm aih tih Pathen te awl na thung ngam? Dilai am lawng ambawpkung te, “N'tu ah he tila nan sai,” tila doet nawh.

1Korin 4:5

Tedawngah atue a pha thlan ah nangmi lawng a-u khaw awl cek u boel. Hukhueng awlcekna tah Bawipa a law vengah ni a awm hun ai; ahih lawngtah thlaanghing thinkaw ah ahuepla a poek thli te a pho sak vetih yiinna khuikah awlhuep thli te aangna dawngah a tueng sak ai. Teveng atah thlaang boeih lawng amah kah a taring ah Pathen kah koehna te a dang ai.

1Korin 7:16

Khrihca la aka awm hutaa nang, ka vaa he ka thlawn thai manawh tite metila na thui thai? Khrihca la aka awm tawngpa nang ka yu he ka thlawn thai tlaih manawh tite metila na thui thai?

James 2:20

Nangmi thlaangngau hue! Saina aka awm nawh oengna he apoei ni tite kavan tueng sak ham aw na ngaih u?

James 4:11

Maya manau thli, nangmi pakhat oen khat thuitheet u boel. A-u khaw khrihca maya manau te a thuitheet tih awl aka cek tah Phungawl te a thuitheet tih awl a cek poen ni. Nang lawngah Phungawl te awl na cek atah, nang tah Phungawl te aka vai thlaang pakhat la na awm tlaih nawh tih awlcekkung la ni na awm poen.