Rom 16:7 - Matu Chin New Testament 2006

⁷ Andronikas oen Junias te khaw ka toei, ahih rawi tah kai oen thong aka tla haih Judah thlaangphun ni. Ahih rawi te celtuih thli lawngkhaw atheenla a ming u. Kai lak ah lamhala Khrihca la aka awm hih ni.

Matu Bible

⁷ Kai kah huiko neh ka thongtla puei Androniku neh Junia te toidal uh. Amih rhoi tah caeltueih rhoek khuiah mingthang la om rhoi. Amih rhoi tah kai hmaiah Khrih dongla ana om rhoi bal coeng.

Rom 16:7 Iomraidhean Croise

Johan 14:20

Te khawhin te apha atah, kai he a Pa khuiah ka awm tih nangmi khuiah ka awm van angla nangmi khaw ka khuiah na awm te na ming u ai.

Johan 15:2

Ahih lawngah, dawngah athaih aka thaih nawh a beek-athleeng thli te a haih boeih tih athaih aka thaih nawh te khaw athaih ciil te athaihna ham a beek-athleeng thli te a coei pe.

Johan 6:56

A-u khaw ka ngan he a caak tih ka thi he aka aw tah kai dawngah hing tih kai khaw ahih dawngah ka hing.

Rom 16:10

Khrih ah uep-awm Apellis khaw kan toei. Aristobulas imkhuikaw khaw kan toei u.

Rom 16:11

Kamah kah Judah thlaangphun Herodion oen Nasisas imkhuikaw Khrihca maya manau khaw kan toei u.

Rom 16:21

Kai oen biibipuei Timote lawng nangmi te n'toei u; Judah phun ka paya Lucias, Jason oen Sosipater mi khaw kan toei u.

Rom 16:3

Khrih Jesuh kah bii bina dawngah bii bi haih Priscilla oen Akuila te kavan toei.

Rom 16:6

Nangmi ham bii aka yawm Meri khaw ka toei.

Rom 16:8

Bawipa oen pawlneengna ah ka lungna paya theen Ampliatas khaw kan toei.

Rom 16:9

Khrih kah bii dawngah biibipuei Urbanas oen ka lungna paya Stakhis khaw kan toei hih.

Rom 8:1

Tahe tah Khrih Jesuh oen pumkhatla aka awm thli ham tah thawlh awlcekna awm tlaih nawh.

Rom 8:11

Jesuh te duekna kalawng aka thawh sak Pathen Muithla te nangmi khuiah a awm atah, Khrih te duekna kalawng aka thawh sak Pathen Muithla nangmi khuiah a awm dawngah nangmi kah aka duek ham koei pum te hingna a peek van ai.

Rom 9:3

Ahimi hamla atheen koei atah kai lawng Pathen kawsi yawkk tih Khrih oen pek u ham pateng ka ngaih ngaai.

1Korin 1:30

Tede nangmi tah Pathen lawng Khrih Jesuh oen pumkhatla n'awm sak poen tih Pathen lawng Khrih he mami kah cuihna la avan sai poen. Ahih rang oen ah mami tah Pathen oen roeproeina awm poen; mami tah Pathen kah a thlaangciim la n'coengg u tih mami he n'loeih sak poen.

2Korin 11:23

Ahimi te Khrih kah tuihyoeihthlaang aw? tede kai tah ahimi lak ah atheen ngaai tuihyoeihthlaang la ka awm tite thlaangngau angla ka thui! Kai tah bii rai yahawh ngaai ka bi; thong ah ka tla poepa, cungpoelh oen voei yahawh hlang la m'bawh u, alak avai atah duek dalh la ka awm.

2Korin 12:2

N'hu kum thlailii vengah khrihca thlaang pakhat vaan asang koek la a pawmsang hang te ka ming (He tila apawmsang hang te a taktang kai aw, tihnawhtah huhthlaam aw ka huh kai, ka ming nawh - Pathen lawng ni a ming).

2Korin 5:17

A-u khaw Khrih oen a tuhkai u coeng atah, ahih tah thlaang thaai poen ni; a hing ruem tah khum tih athaaila hing poen.

2Korin 5:21

Khrih tah a thawlhna awm nawh, tede amah oen pumkhatla awmna rang oen Pathen kah doengna te mami lawng paang thai van ham mami hamla ahih te Pathen lawng mami kah thawlhna te a paang sak.

Galati 1:22

Tevengah te Judia ram kah khrihcabu thlaang thli lawng kai he pumpakla m'ming u nawh.

Galati 2:2

Pathen lawngah na ceh ham awm tila avan thui dawngah ka cet. Mawtkung thli oen pumpakla ka huh u vengah te Gental thlaangphun thli tengah awlthang theen ka phawngna kawng te ka thui pe. N'hu veng kah bii ka bi te khaw, tahe ah bii ka bi he khaw apoeila coengg sak ham ka ngaih nawh.

Galati 2:6

Tede mawtkung ni tila ka poek thlaang hue lawngah te poekna atheen kai he m'pe u thloei nawh. Mawtkung la ka poek thlaang thli te metila awm u mai cakhaw kai ham tah awlpui mai nawh. Metihtiah Pathen lawngtah thlaang he asaw ahan kah huhna oen awl khueng nawh.

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Galati 6:15

Thlaang pakhat lawng yahhuivuen reet oen reet nawh he awlpui tlaih nawh ni; thlaang thaai la awm he ni awlpui poen.

Ephesa 2:10

Mami Khrih Jesuh ah pumkhatla awmna rang oen ah thaihu theen sai hamla mami he n'sai poen. Mami lawng sai hamla aroek abah oepsoeh thaihu theen saina oen hing hamla mami he n'sai koep poen.

Kolosa 4:10

Kai oen thong ka tla haih Aristarkas lawngkhaw nangmi te n'toei u; tecoengah Barnabas kah nganca Mark lawngkhaw nangmi te n'toei u. (Mark he nangmi tengla a law atah anepla dodan ham kan uenna te na huh u poen)

Philemon 1:23

Jesuh Khrih kawng ah kai oen thong aka tla haih Epafras lawngkhaw nang te n'toei,

1Johan 4:13

A Muithla te mami m'peek poen dawngah mami tah Pathen oen pumkhatla ng'awm u tih amah khaw mami oen pumkhatla awm tite aciimphanla m'ming u.

1Johan 5:20

Pathen Capa tah va law tih Pathen tangtang te mami lawng mingna hamla mami tengah yaakmingna te m'peek poen tite m'ming u. A Capa Jesuh Khrih oen pumkhatla awmna dawngah Pathen taktak oen mami pumkhatla m'awm u. Ahih tah aka soeng Pathen taktak la awm tih dungyan hingna la awm.

Olphong 1:9

Kai tah nangmi kah maya Johan ni. Jesuh kah hubang la ka awm van angla a Ram khuiah aka awm hue kah patang khangna aka ming haih na puei na paw van ni. Pathen kah awl oen awltak, Jesuh lawng a phawng te ka thui dawngah Kai he Patmos tuisanglak ah n'khueh.