Rom 16:25 - Matu Chin New Testament 2006

²⁵ Pathen te thangtheen sak u sih! Awlthang Theen dawngkah angla, kai lawng ka phawng Jesuh Khrih kawng oen yan veng san broela a thuh a elh awltak awlhuep avan phawng te oen ah Pathen lawng nangmi te na oengna dawngah acakla m'pai sak thai ai.

Matu Bible

²⁵ Olhuep kah pumphoenah bangla khosuen tue ah kam ana khuem.

Rom 16:25 Iomraidhean Croise

Mathai 13:17

Atak tang kavan thui u, nangmi lawng na huh u he tawngha hue oen Pathen kah thlaang hue lawng huh ham a ngaih u tangkiik de hu u thai nawh; nangmi lawng na yaak te yaak ham a ngaih de ya u nawh,” a tina.

Mathai 13:35

He tila a thui he tah Tawngha lawng, “Ahimi tengah awl ka thui vengah thuidoetna ka hawna ai; Dilai a suen cuek kalawng ming nooek nawh awlhuep te ka thui ai,” tila a thui te a soepna ham ni.

Mathai 20:7

Ahimi lawng, “Kaimi he a-u lawngkhaw bii m'bi sak u nawh dawngah ni,” a tina u. Dumkhuehkung lawng, “Theen, nangmi khaw misur dum la cet u lang bii bi uh,” a tina.

Caeltueih 20:32

Tahe tah nangmi he Pathen kah doencangna oen amah kah lungvatna awlthang khuiah kan peek u poen, te lawngah nangmi te n'roeng sak vetih amah kah thlaang boeih hamla a toen oepsoeh yotheen kam-awmna te m'peek ai.

Caeltueih 9:20

Ahih lawng sinakok bok-im boeih ah te cet tih Jesuh tah Pathen Capa ni tite a thui.

Rom 11:25

Ka maya manau thli, nangmi lawng ka cuih ka hoe heet poen tila na poek u nawh ham nangmi te ming sak ka ngaih awlhuep pakhat awm. Te awlhuep tah he ni. Israel thlaang thli a thin a haam khaklal he aboet toe ham nawh ni, Gental thlaang thli Pathen tengah asoepcala apha thlan khui ham bueng ni.

Rom 14:4

Nang ta a-u la na awm aih tih thlaangtloe kah tuihyoeihthlaang te awl na cek thai? Te tuihyoeihthlaang lawng a bi thai, bi thai nawh tila awl-khuengkung tah amah kah Bawipa te ni. Ahih lawng a bi thai ai, metihtiah Bawipa lawng a bi sak thai ai.

Rom 16:24

Mami Bawipa Jesuh Khrih kah lungvatna tah nangmi boeih sawah awm hawn seh. Amen.

Rom 2:16

Tedawngah Awlthang Theen ka phawng angla awlcekna Hin ah Pathen lawng Jesuh Khrih rang oen thlaanghing boeih kah ahuepla poekna thli te awl a cek ai.

1Korin 1:23

Kaimi lawngah thinglam dawngkah a ngawn u Khrih te ka phawng u tih te awlthang te Judah thlaang thli ham tah tlimna lungto la awm tih Gental thlaang thli ham tah awlpoei la awm;

1Korin 2:7

Kai lawng ka phawng cuihna te tah Pathen kah cuihna awlhuep thlaanghing tengah pho sak ohla thuh khak la aka awm tih dilai a suen thlan veng kalawng mami kah ruep-awmna ham avan khueh tangte cuihna te ni.

1Korin 4:1

Nangmi lawngah kaimi he Pathen kah awlhuep awltak khoembelkung, Khrih kah tuihyoeih-thlaang la nan poek u ham awm.

2Korin 4:3

Kaimi lawng ka phawng u awlthang theen he thuh la a awm atah aka auh lii thlaang thli ham ni thuh la a awm ai.

2Korin 4:5

Kaimi lawng kamami kawng he ka thui u nawh; kaimi lawng Jesuh Khrih tah Bawipa ni tila ka thui u tih Khrih hamla kaimi he nangmi kah tuihyoeihthlaang la ka awm u.

Galati 2:2

Pathen lawngah na ceh ham awm tila avan thui dawngah ka cet. Mawtkung thli oen pumpakla ka huh u vengah te Gental thlaangphun thli tengah awlthang theen ka phawngna kawng te ka thui pe. N'hu veng kah bii ka bi te khaw, tahe ah bii ka bi he khaw apoeila coengg sak ham ka ngaih nawh.

Ephesa 1:9

Pathen lawng a cuihna boeih oen a ming athaina oen ah a kamthlahna te a sai tih Khrih rang oen soep sak ham a ngaih ahuep khawkhanna te mami m'ming sak poen.

Ephesa 3:11

Pathen lawng amah kah dungyan kamthlahna angla a sai tih mami kah Bawipa Khrih Jesuh rang oen a coeng poen.

Ephesa 3:9

Pathen lawng ahuepla khaw akhan te metila ataktangla a thoeng hang tite thlaang boeih ming sak ham biitungpui te kai m'peek. Thaihu soeprep Suenkung Pathen lawng n'hu veng atah amah kah awlhuep te a thuh a elh,

Ephesa 6:19

Kai khaw awl thui hamla oepsoehla ka awm vengah ka thui ham koei awl te Pathen lawng m'peekna ham khaw, raltheenna oen ka thuina ham khaw, awlthang theen kah awlhuep te tueng sak thaina ham ah kai ham khaw thangthui uh.

Kolosa 2:2

He tila ka bi he nangmi lawng raltheenna oen na betoet u vetih lungna dawngah pakhat oen khat beroep u ham, aka soeng yaakmingna lawng a thoeng sak ngaitluep ngaimawngna aka soep te na khuehna u thai ham ka ngaih dawngah ni. He tila nangmi lawngah Pathen kah awlhuep te na ming u thai ai, te awlhuep tah Khrih amah he ni.

Kolosa 4:3

Te tila na thangthui u vengah Khrih awlhuep phawngthaina ham, Pathen tengkah atue theen ka dang thaina u hamla kaimi ham khaw thangthui u van. Tahe thong ah ka tlaak he khaw awlhuep ka phawng dawngah ni.

1Thessalonika 3:13

He tila nangmi te amah lawng tha avan ra sak vetih Bawipa Jesuh amah kah thlaang boeih oen a law vengah nangmi tah Pa Pathen haiah thlaangsoep thlaangciim la na awm u ai.

2Thessalonika 2:14

He tila thlawnna dang ham kaimi lawng kavan thui Awlthang Theen oen ah nangmi te Pathen lawng n'khue u; mami Bawipa Jesuh Khrih kah ruep-awmna te dang ham oen paang van ham ni n'khue.

2Thessalonika 3:3

Tede Bawipa tah uep-awm thlaang la a awm dawngah nangmi te tha avan ra sak vetih Thlaang The Pui kah kut khui kalawng n'phungtu ai.

2Timothy 1:9

Pathen lawng mami he amah thlaang la awm ham n'thlawn tih n'khue u, te tah mami kah saina dawngah nawh tih, a lungvatna tah atue a tong thlan veng kalawng Khrih Jesuh rang oen m'peek poen,

2Timothy 2:8

Awlthang theen dawngkah ka thui angla Devid cadil duekna kalawng aka tho koep Jesuh te hilh boel.

Titus 1:2

Mami kah bokna tah dungyan hingna ngaiuepna dawngah kung a sut. Hoem awl aka thui nawh, Pathen lawng dilai a suen thlan veng kalawng he hingna he mami peek ham awl a kam poen tih;

Hebrew 7:25

Tedawngah amah teng kalawng Pathen teng aka law hue te tahe ah khaw, yoeyahla a thlawn thai, metihtiah ahih tah dungyan hing tih ahimi ham Pathen tengah reenna aka bih pe hamla awm.

1Peter 1:20

Ahih te tah dilai suen thlan vengah Pathen lawng a tuek poen tih he kah atue khawhin aboetna tue vengah nangmi ham avan tueng sak.

1Peter 5:10

Tede nangmi lawng atue soetca ah patang na khang u kawlkalh coeng atah lungvatna boeih kah Pathen, Khrih ah pumkhat la awmna rang oen amah kah dungyan ruep-awmna te paang van hamla nangmi khuekung Pathen amah lawng nangmi te thlaangdoeng la n'khueh vetih acakla pai thaina oen tha-awm tharana te m'peek ai.

Olphong 10:7

Pathen lawng amah kah tuihyoeih tawngha hue tengah a thuisut angla Vanthlaang pasarih lawng pengsara a tum vengah a kamthlahna awlhuep te soep badai” tila a thui.