Rom 15:18 - Matu Chin New Testament 2006

¹⁸ Gental thlaangphun te mawt ham oen Pathen awl te a ngaaina u ham awlkaa oen khawseh, saina oen khawseh,

Matu Bible

¹⁸ Olka neh khoboe dongah namtom kah olngainah ham akhaw Khrih loh a thoeng sak pawt te tah kai lamloh pakhat khaw thui hamla ka ngaingaih moenih.

Rom 15:18 Iomraidhean Croise

Mathai 25:16

Tangka thong ngaa aka dang tuihyoeihthlaang lawngtah cet pahoei tih tangka te bii a bina tih apueh thong ngaa a dang.

Marku 16:20

A hubang thli lawng cet u tih peng tawm ah awlthang a thui u, Bawipa tah ahimi tengah bii a bi tih ahimi lawng a thui he soeng tite kawpoekrai saina oen a tueng sak u.

Caeltueih 14:27

Antiok khaaw te a pha hih veng atah khrihcabu kah thlaang thli te thik at la a tun sak hih tih ahih rawi rang oen Pathen lawng a sai thli oen Gental thlaang thli lawng a tangna thai ham lawngpui a awng pe kawng te ahimi tengah a thui pe hih.

Caeltueih 15:12

Barnabas oen Pawl lawng, ahih rawi rang oen Gental thlaangphun tengah Pathen lawng kawpoekrai miknoekna oen kawpoekrai thaihu a sai kawng te a thui hih vengah thlaangping lawng sap a hutung u.

Caeltueih 15:4

Jerusalem te ahimi a pha veng atah khrihcabu oen celtuih thli oen ah ahaamca thli lawng ahimi te a do u tih ahimi rang oen Pathen lawng thaihu a sai boeih te a thui pe u.

Caeltueih 21:19

Pawl lawng ahimi te kut a tuuk tih amah kah biibina rang oen Gental thlaang tim ah Pathen lawng a sai thaihu boeih te biit a thui pe

Caeltueih 26:20

Lamhacuek la Damaskas oen Jerusalem ah, tecoengah Judia ram pum oen Gental thlaang boeih tengah ahimi lawng thawlhna te yut u tih Pathen benla a mang u hamla, ahimi lawng a thawlh yutna te tueng sakna thaihu sai hamla ka phawng pe.

Rom 1:5

Ahih rang oen Pathen lawng celtuih la awmna m'peek tih thlaangphun boeih lawng oengna oen awlngaaina a khueh thaina ham oen ah mawt ham kai he n'tuih.

Rom 16:26

Tede, tahe ah te kah awl tah tawngha thli kah cathut rang oen avan pha sak poen; thlaang boeih lawng awltak te a oeng tih a vai thaina ham dungyan Pathen kah awlpeek rang oen thlaangphun boeih tengah a phawng poen.

Rom 6:17

Tede Pathen te uem u lah! Anoekbuet atah nangmi he thawlhna sal la na awm u de, tahe tah cangpueina dawngah na huh awltak na dang u te na thinkaw lungbui tak oen na vai u poen.

2Korin 11:31

Bawipa Jesuh kah Pa oen Pathen tah yoeyahla a miing thangtheenna awm hawn seh; hoem awl ka thui nawh he amah lawng a ming.

2Korin 12:6

Kai lawng oekthloen ham ka ngaih atah thlaangngau la tah ka awm aih manawh, metihtiah awltak ni ka thui ai. Tede ka oek u manawh, metihtiah ka saina he a huhna oen ah ka awlthui a yaakna lak ah asangla kai he a poek u hamla ka ngaih nawh.

2Korin 3:5

He bii he kaimi lawng ka bi thai tila thui ham koei n'tu khaw awm nawh. Kaimi lawng bi thaina ka khueh he tah Pathen teng kalawng ni a law;

2Korin 6:1

Tedawngah kaimi tah Pathen oen bii aka bi haih la ka awm u dawngah Pathen kah lungvatna aka dang nangmi lawng te lungvatna te apoeila coeng sak u boel tila reenna kavan bih u.

Galati 2:8

Piter te Judah thlaangphun ham celtuih la a sai van angla kai khaw Pathen lawngah amah kah tharana oen Gental thlaangphun ham celtuih la n'sai van.

Kolosa 3:17

Pathen tengah Khrih rang oen awmngaihna na thui u angla soeprep boeih na sai khaw, na thui khaw Bawipa Jesuh miing oen sai uh.

2Thessalonika 2:17

atheen te na sai u tih awltheen te thui poepa ham thincakna oen ah tharana te m'pe hawn seh.

Hebrew 11:8

Pathen lawng Abraham te a khue vengah awl a ngaai tih Pathen lawng kan pe ai a tina awlkam ram la te aka ceh sak tah oengna ni. Ahih lawngah mela ka ceh tite ming ohla amah kah ram te a ceh taak.

Hebrew 5:9

Ahih lawngah thlaangsoep la a awm coengah amah awl aka vai thlaang boeih ham dungyan thlawnna a kungpui la awm tih,

James 1:22

A awl te hutung doek hong mai oen namah oen namah te thai-alat u boel. A awl te ataktangla hawna lah.

1Johan 3:18

Ka ca ka nau thli mami kah lungna he tah awlkaa hong mai ohla bii lawh thawhtatna dawngah aka tueng lungna taktak la a awm ham awm.

Jude 1:9

Vanthlaang ukkung Maikal lawng pateng he tila sai nawh. Mosi rawkk te a-u lawng a lawh ai tila Seitan oen oelhtaih u tih a tawh athaam u vengah awlthe awlkha oen Seitan te Maikal lawng tapvoep ngam nawh, tede “Bawipa lawng nang ng'ho” a tina.