Rom 15:16 - Matu Chin New Testament 2006

¹⁶ Khrih Jesuh kah tuihyoeihthlaang la awmna te m'peek dawngah ni. Gental thlaangphun lawngah Pathen kah do koei luciik la a awmna ham oen ah Ciim Muithla rang oen Pathen tengah nawn koei thaihu la awmna ham Pathen tengkah, Awlthang Theen ka phawng vengah he khawsoeih angla bii ka bi.

Matu Bible

¹⁶ Pathen kah olthangthen te n'talong daengah ni Mueihla Cim loh a ciim tangtae namtom kah hmueih long khaw uem koi la a om eh.

Rom 15:16 Iomraidhean Croise

Caeltueih 13:2

Ahimi lawngah Pathen a bok u tih buh a yeh u vengah te Ciim Muithla lawngah ahimi nala te, “Kai lawng bii ka hoel ka paai te aka bi hamla ka khue Barnabas oen Sawl te kai ham van thloeng uh” a tina.

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Caeltueih 20:32

Tahe tah nangmi he Pathen kah doencangna oen amah kah lungvatna awlthang khuiah kan peek u poen, te lawngah nangmi te n'roeng sak vetih amah kah thlaang boeih hamla a toen oepsoeh yotheen kam-awmna te m'peek ai.

Caeltueih 22:21

Bawipa lawngah, ‘Cet loeih, athla hlang la aka awm Gental thlaang thli tengla nang he kan tuih ai.’ n'tina” tila a thui pe.

Caeltueih 9:15

Bawipa lawng ahih nala te, “Cet mai hawn, metihtiah kamah kah bii aka bi hamla, Gental thlaang thli, sengpahrang thli oen Israel thlaang thli tengah ka miing aka tueng sak ham ahih te ka tuek poen.

Rom 1:1

Khrih Jesuh kah tuihyoeihthlaang, Pathen lawng Awlthang Theen phawng hamla n'tuek tih n'khue celtuih Kai Pawl lawng ca kavan pat.

Rom 11:13

Tahe tah Gental thlaang thli nangmi tengah awl kavan thui. Gental hue nangmi tengah celtuih la ka awm khui roekk tah bii ka bina dawngah ka thangpawm u ai.

Rom 15:18

Gental thlaangphun te mawt ham oen Pathen awl te a ngaaina u ham awlkaa oen khawseh, saina oen khawseh,

Rom 15:19

kawpoek rai saina oen khawseh, kawpoek rai tharana oen khawseh, Pathen Muithla tharana oen khawseh, Khrih kah a sai bueng te ni raltheenla ka thui ai.

Rom 15:20

Ka kamthlahna poepa tah Khrih kawng a yaakna nawh ahuen amawl ah Awlthang Theen phawng ham he ni, thlaangtloe lawngah imtuung a sut tangte sawah im sak ham nawh ni.

Rom 15:29

Nangmi tengla ka law vengah Khrih kah yotheenna asoepbir oen ka law ai tila ka ming.

Rom 5:5

Pathen lawng a lungna te mami thinkaw khuiah Pathen amah kah kutdo Ciim Muithla oen ah avan toi poen dawngah he ngaiuepna lawng mami he kawpoek boet sak nawh.

1Korin 3:5

Ataktang atah Apollos he a-u? Pawl he ta a-u? Kaimi he tah nangmi lawng Pathen te na tangna u hamla mawtkung Pathen kah thlaang thli mai ni. Kaimi lawngah Bawipa lawng sai hamla m'peek bii te ni ka bi u.

1Korin 4:1

Nangmi lawngah kaimi he Pathen kah awlhuep awltak khoembelkung, Khrih kah tuihyoeih-thlaang la nan poek u ham awm.

1Korin 6:19

Nangmi kah pum te tah namami kaw khuiah aka awm Pathen kah peek Ciim Muithla a awmna tempal bok-im ni tite na ming u nawh aw? Nangmi tah namami kah koe la na awm u nawh tih Pathen kah koe la ni na awm u;

2Korin 11:23

Ahimi te Khrih kah tuihyoeihthlaang aw? tede kai tah ahimi lak ah atheen ngaai tuihyoeihthlaang la ka awm tite thlaangngau angla ka thui! Kai tah bii rai yahawh ngaai ka bi; thong ah ka tla poepa, cungpoelh oen voei yahawh hlang la m'bawh u, alak avai atah duek dalh la ka awm.

2Korin 5:20

Tedawngah kaimi lawng Khrih yueng la awl ka thui u; Pathen amah lawng nangmi te n'ceel angtoekla ni kaimi lawng kan ceel u. Nangmi lawngah Pathen kah raal la awmna kalawng a paya la awm u loeih tila kaimi lawng Khrih yueng ah kan ceel u.

2Korin 8:5

He tila a sai u he kaimi lawng ka ngaiuepna lak ah yahawh khuengdeng! lamhacuek ah amami te Bawipa tengah pe u; tecoengah Pathen kawngaih la kaimi tengah atheenla pe u.

Galati 3:5

Pathen lawng nangmi te Muithla m'peek u tih nangmi tim ah kawpoek rai a sai te, Phungawl lawng a kuek te na sai u dawngah aw, te tihnawhtah awlthang theen te na yaak u tih na tangna u dawngah aw?

Ephesa 2:18

Khrih rang oen ah Judah thlaang khaw, Gental thlaang khaw mami boeih lawngah Muithla pakhat dawng kalawng Pathen haiah m'pha thai u.

Ephesa 2:22

Amah oen pumkhatla awmna rang oen ah nangmi khaw thlaangtloe hue boeih oen a sak haih Pathen lawng amah Muithla oen a awmna im la na coengg u poen.

Ephesa 5:2

Khrih lawng mami he n'lungna tih a hingna te mami ham abaw aka tuui huihthlutna oen Pathen kawhoena luciik la a nawn u van angla nangmi kah hingna te lungna lawng uk seh.

Philipi 2:17

Nangmi lawng oengna oen na nawn thaihu angla Pathen tengah na nawn u luciik dawngah ka hingna thisen he duei mai cakhaw ka awmngaih vetih nangmi boeih oen haih ka awmngaih ai.

Philipi 4:18

Tecoengah nangmi kah thaihu pat boeih tite kavan thut tih akhoek anoen lak ah yahawh ngaaila navan pat u! Nangmi kah kutdo boeih te Epafroditas lawng avan khuen tih tahe atah ka ngoe boeih te ka khueh poen. Te ang thli boeih te Pathen lawng a ngaih tih a do luciik, Pathen tengah nawn la aka awm riimtuui angla awm.

1Thessalonika 2:2

Tesalon khaaw ah nangmi tengla ka law thlan vengah kaimi he Filipi khaaw ah metihtlukla n'thena u tih raina mai awm cakhaw, amah teng kalawng aka law Awlthang Theen te nangmi tengah thui hamla Pathen lawng kaimi he thincakna m'peek u.

1Thessalonika 2:9

Maya manau thli, kaimi lawng thatlawh thaboepla bii ka bi u te na hilh nawh cawini! Pathen tengkah Awlthang Theen nangmi teng ka thui vengah te nangmi kah thalrih la ka awm nawh ham yiin, daai bii ka bi u.

1Thessalonika 5:23

Ngaimawngna pekung Pathen lawng soeprep ah n'ciim sak u hawn seh, mami kah Bawipa Jesuh Khrih a law vengah nangmi kah pum boeih, na muithla, na hingna, oen pumtaksa te amah lawng kuem selang tah thawlhpalhna boeih kalawng n'loeih sak seh.

1Timothy 1:11

Te ang cangpueina te tah kai lawng ka thui ham koei la m'peek awlthang theen dawngah te awm tih, ruep-awm oen theenduet Pathen tengkah Awlthang Theen ni.

1Timothy 2:7

Tedawngah ni oengna oen awltak kawng awlthang te phawng ham oen ah Gental thlaangphun te cangpueikung celtuih la kai he n'tuih.

2Timothy 1:11

Pathen lawng Awlthang Theen phawngkung la kai he celtuih la khaw, cangpueikung la khaw n'khueh poen,

Hebrew 13:16

Nangmi lawng pakhat oen khat bawmcemna oen atheen sai hamla te hilh u boel, metihtiah he ang he tah Pathen te kaw aka hoe sak thawthuengna ni.

1Peter 1:12

Tawngha thli lawng bii a bi u he tah amami kah hoeikhangna ham nawh tih nangmi kah hoeikhangna ham ni tite Pathen lawng a thui pe. Nangmi tengah awlthang aka thui laipai thli oen tawngha thli lawngah a thui oepsoeh a kawng alam te vaan kah avan tuih Ciim Muithla tharana huham oen ah avan phawng poen tih tahe ah nangmi lawng na yaak u poen. He kah thaihu kawng he vanthlaang thli lawng pateng khaw yaakming ham a ngaih u.

1Peter 2:5

Nangmi khaw aka hing lunghiim angla law u langtah, namami roe te muithla ben kah tempal bok-im sakna la sai u lah. Te huen ah te aciim khawsoeih angla bii na bi u vetih Pathen lawng a do ham koei muithla ben kah luciik te Jesuh Khrih rang oen Pathen tengah na nawn u ai.