Rom 15:14 - Matu Chin New Testament 2006

¹⁴ Maya manau thli: Nangmi tah theenna oen na be u, Cuihhoena na khueh u tih pakhat oen pakhat na cang puei patoeng u thai tite kamah roe lawng atheenla ka ming.

Matu Bible

¹⁴ Te dongah ka manuca rhoek, nangmih ham kai kamah long khaw nangmih te boethennah neh baetawt la na om uh, mingnah boeih na baetawt uh tih khat neh khat na rhalrhing sak thai tila ka ngaitang.

Rom 15:14 Iomraidhean Croise

1Korin 1:5

Metihtiah Khrih oen pumkhatla awmna rang oen ah awlcal thingkaa oen thoemthai cuihna boeih ah khaw soeprep boeih ah na bawireng soeh u poen.

1Korin 12:8

Muithla lawng thlaang pakhat te cuihna oen aka betoet awlthang te a peek tih thlaang pakhat te tah mingna oen abetoet awlthang te Muithla lawng a peek.

1Korin 13:2

Kai lawngah thlaang kawthawhna awl te thui thaina kutdo te ka khueh cakhaw; kai lawngah cuihna boeih ka khueh tih awlhuep boeih te yaakming thaina ka khueh cakhaw, kai lawngah tlaang sawm thoeih sak thaina oengna boeih te ka khueh cakhaw lungna ka khueh nawh atah kai he ahong la ni ka awm.

1Korin 8:1

Kutsaimuei tengah a nawn u caak awkk kawng cathut oen nan doet u te tahe ah kavan thui ai. Ahimi lawngah, “Mami boeih he cuihhoena n'khueh,” tila a thui u te soeng ngoen. Te cakhaw te ang cuihhoena lawngtah thlaang te a oekk athloen sak tih a halang sak, tede lungna lawngtah thlaang te asoem asai tih a roeng sak.

1Korin 8:10

Thuina mai ah athe atheen pekbona thinkaw tha aka yoek thlaang pakhat lawngah nangmi ‘Cuihhoena’ aka khueh hue lawng kutsaimuei bokna tempal khuiah na caak na awkk u te hu kawinih kutsaimuei tengah a nawn u caak awkk te caak ham thapeek angla awm nawh ai aw?

1Korin 8:7

Tede thlaang boeih lawng awltak he ming u nawh. Thlaang khatsut tah tihin toe ah kutsaimuei bokna lawng a ceeng khak poen dawngah te ang caak awkk te a caak u vengah kutsaimuei kah buh, an la te ahimi lawng tahe toe ah a poek mangkhak u hun; ahimi kah athe athetheen mingna thinkaw te a tha yoek sut tih te kah caak awkk lawng ahimi te ciim acaih sak nawh tila a poek u.

2Korin 8:7

Nangmi tah oengna, awlthuina, cuihhoena, thlaangtloe bawm ngaihna thinkaw, kaimi nan lungna thinkaw oen ah te na bawi u tangkiik mai. Tedawngah ni he lungna bii dawngah khaw thinkaw aka tho thlaang la na awm u van ham ka ngaih u.

Ephesa 5:9

Metihtiah te tila khawsakna lawngtah athaih-apai theenna phun soeprep, doengna phun soeprep oen awltak phun soeprep te a thoeng sak.

Philipi 1:11

Pathen thangpawmna ham oen a ruep-awmna a tuengna ham Jesuh Khrih bueng lawngah peek thai la aka awm moeiboe theenna tangtang oen nangmi kah hingna te betoet ai.

Philipi 1:7

Nangmi he kan thintlawhna ni! He tila nangmi tengah thinkaw ka khueh he khueh ham tueng roe ni. Metihtiah kai he nangmi lawng nan lungduetna tih tahe thong ka tlaak vengah khaw, awlthang theen te yalpawla ka pai puei tih acakna ham bii ka bi vengah khaw Pathen kah peek bii dawngah he nangmi boeih khaw na thuum u van.

Kolosa 3:16

Khrih kah awl acungkuem ah aka soep te nangmi kaw khuiah awm seh. Cuihna aka awm boeih oen nangmi khat oen khat tuukkiik u lang toelthaam uh. Saam laa, Koehna laa oen laa ciim te sa uh; Na kaw khuikah awmngaihna laa oen Pathen te koeh uh;

1Thessalonika 5:11

Tedawngah nangmi lawng tahe ah na sai u angla te khat oen khat thaphawh u langtah khat oen khat bawmcem uh.

1Thessalonika 5:14

Maya manau thli, nangmi lawngah thayong thlaang te ngaithuenna pe uh, riyawp thlaang te thincakna pe uh, tha aka yoek thlaang te bawmcem uh, thlaang boeih tengah na kaw daw sak ham kan uen u.

2Thessalonika 1:11

Te kawngah ni nangmi ham kaimi ka thangthui u poepa. Amah lawng nangmi n'khuena oen ating atawkk la na hingna u thai ham kaimi lawng mami kah Pathen tengah ka bih u. Pathen lawng amah kah huham tharana oen ah nangmi lawng na ngaih boeih theenna te van soep sak selangtah oengna oen bii na sai te van tluep sak seh.

2Timothy 1:5

Na nuhaam Loisi oen na nu Yunis lawng a khueh oengna tangtang te ang van te nang lawngkhaw na khueh van tila ka poek, tahe ah khaw na khueh tite ka tangna.

Philemon 1:21

He ca dawngah ka thut angla kavan bih he na sai ngaai ai tila ka tangna tih yahawh ngaai pateng na sai tangtang ai tila ka ming.

Hebrew 5:12

Nangmi he tahe vengah cangpueikung saya la pateng na awm u ham khoek thlai poen de, Pathen kah awl te akungcuek kalawng nangmi cang puei ham thlaangtloe te tahe toe na ngoe u hun. Nangmi lawngah buh tangtang te na caak u thai ham awm poen de tahe toe ah suuktui na awkk u khaak hun.

Hebrew 6:9

Ka paya thli he tila nangmi tengah awl kavan thui de nangmi kawngah ka ngai mawng, nangmi lawng yotheen kam-awmna atheen ngaai thlawnna na khueh u te kaimi lawng ka ming.

2Peter 1:12

Tedawngah nangmi lawng he kawng he na ming u tangte poen tih awltak na dang u dawngah acakla na pengnel u poen de he kawng he kan yaak sak poepa hun ai.

1Johan 2:21

Tedawngah nangmi tengah ca kavan thut he awltak te na ming u nawh dawngah nawh tih, nangmi lawng awltak te na ming u tih awltak dawng kalawng hoem awl va thoeng vai nawh tite nangmi lawngkhaw na ming u van dawngah ni.