Rom 14:8 - Matu Chin New Testament 2006

⁸ Mami lawng hing atah Bawipa ham n'hing u tih, duek ah khaw Bawipa ham ni duek u. Tedawngah mami tah n'duek ah khaw seh, hing ah khaw seh Bawipa kah thlaang ni.

Matu Bible

⁸ N'hing uh atah Boeipa ham n'hing uh tih n'duek uh atah Boeipa ham n'duek uh. Te dongah hing akhaw duek akhaw Boeipa kah hut la n'om uh.

Rom 14:8 Iomraidhean Croise

Luka 20:38

Ahih tah aka hing hue kah Pathen la awm tih aka duek thli kah Pathen nawh ni, ahih dawngah thlaang boeih tah hing.” tila a thui pe.

Johan 21:19

(He tila a thui he tah Piter he me ang duekna oen a duek vetih Pathen ruep-awmna te a tueng sak ai tite thuinuetna ni.) Tecoengah Jesuh lawng, “Ka hu ah baang lah!” a tina.

Caeltueih 13:36

Devid lawng a hing khuiah Pathen kawngaihna te a sai, tecoengah duek tih an patuer thli oen haih a up u de phuel khuiah a rawkk te rong.

Caeltueih 20:24

Tede ka hingna he n'tu la khaw ka ngaai mai nawh; kai ham avan thloem bii oen ah kai lawng sai hamla Bawipa Jesuh lawng m'peek bii te coeng ham bueng ni ka ngaih. Te tah Pathen kah lungvatna kawng Awlthang Theen phawng ham he ni.

Caeltueih 21:13

Tede ahih lawng, “Me tih na ti u, he tila na rah u he ka thin navan hoepp sak u! Jerusalem ah piin ayeen ham bueng oepsoehla ka awm nawh, te ah te Bawipa Jesuh kawngah duek ham pateng khaw oepsoehla ka awm poen.” a tina.

1Korin 15:23

Tede thlaang boeih he amah kah aitleng lawng a pha vengah tho rip ai; lamhacuek ah Khrih he tho poen, tecoengah amah a law vengah amah kah thlaang thli te tho ai.

Philipi 1:20

Ka ngaihna oen ka ngaiuepna tah bii ka bi he meveng khaw tlawlh nawh ham ni, tede me ang atue atang ah khaw, tahe vengah khaw raltheenna oen betoet tih ka duek ka hing ah khaw, Khrih hinyahna hamla ka pum oen ka hingna boeih peek ham he ni.

Philipi 2:17

Nangmi lawng oengna oen na nawn thaihu angla Pathen tengah na nawn u luciik dawngah ka hingna thisen he duei mai cakhaw ka awmngaih vetih nangmi boeih oen haih ka awmngaih ai.

Philipi 2:30

metihtiah nangmi lawng nan peek thai nawh bawmcemna te ahih lawng peek hamla, Khrih kah bii dawngah duek khaw maa ohla duek dalh toela bii a bi.

1Thessalonika 5:10

amah a law vengah mami lawng duek ah khaw-seh, hing ah khaw seh amah oen hing haih ham ahih tah mami ham duek.

Olphong 14:13

Tecoengah vaan kah awl pakhat ka yaak tih, “He he thut lah! tahe kalawng atong vetih Bawipa kah bii te a bi dawngah aka duek tah yotheen aka dawng thlaang ni” tila a thui. Muithla lawngkhaw, “Oeih, soeng tang tang! Bii rai bina kalawng duem u poen ai. Metihtiah a biibi phu tah ahimi oen awm haih poen ai,” tila a thui.