Rom 13:8 - Matu Chin New Testament 2006

⁸ A-u tengah khaw laiba khueh u boel, nang lawng laiba na khueh tah khat oen khat lung u ham he ni. A-u khaw a thlaangpuei te a lungna atah Phungawl te a vai poen.

Matu Bible

⁸ Khat neh khat te lungnah pawt atah laiba loeng loeng boeh. Hlang tloe aka lungnah long ni olkhueng te a soep sak.

Rom 13:8 Iomraidhean Croise

Mathai 7:12

“Thlaangtloe lawng na sawah thaihu theen sai seh tila na ngaih van angla thlaangtloe tengah sai van lah; He tah Mosi Phungawl oen tawngha thli kah thuituen ngaihna tangtang ni.

Johan 13:34

Tahe ah awlpeek thaai kan peek u: pakhat oen khat te lung u lah. Kai lawng nangmi kan lungna u van angla nangmi khat oen khat na lung u ham awm.

Rom 13:10

Thlaang pakhat te na lungna atah meveng khaw a sawah athe te na sai roe manawh; tedawngah Phungawl boeih asoepla vaina he tah lungna ni.

Rom 13:7

Tedawngah ahimi na peek ham koei te tah pe uh; namah kah pumpakla peek ham koei mangmu oen kaawn-ava phu mangmu te khaw pe u langtah ahimi boeih te mik-hai yahna lang hinyah uh.

Galati 5:14

Metihtiah Phungawl boeih he, “Namah oen namah te na lungna u van angla na imbe lovaai te lungna lah” tila a thui awlpeek pakhat dawngah cui boeih poen.

Kolosa 3:14

Tecoengah he thaihu boeih sawah lungna oen thap uh, metihtiah lungna lawngtah thaihu boeih he asoepcala pakhatla kang a tingtun tih a roep u sak.

1Timothy 1:5

He tila awl kan peek he mengtengna tah athetheen mingna kawpoek ciim oen oengna tangtang oen ah thinkaw ciim dawng kalawng lungna te a thoengna ham thaphawhna ni.

James 2:8

Caciim dawngah aka awm Vaan Ram kah phungawl, “Namah oen namah na lungna u van angla na imbe te lungnah,” a ti te na vai atah thaihu doeng te nangmi lawng na sai.

1Johan 3:10

Pathen kah ca-anau thli oen Seitan kah ca-anau thli a lawhna hih nawh noekna tah he tila ni: a-u khaw asoeng thaihu aka sai nawh boeih, thlaangtloe te aka lungna nawh boeih tah Pathen kah ca-anau thli nawh ni.