Rom 13:1 - Matu Chin New Testament 2006

¹ Thlaang boeih lawngah ram ukbawi thli te hinyah uh, metihtiah Pathen kah hatlaakna a awm nawh atah ukkung bawi khaw awm nawh tih tahe vengkah ukkung thli khaw Pathen lawng a khueh ukkung hue ni.

Matu Bible

¹ Hinglu boeih loh saithainah neh a tanglue soah boengai saeh. Pathen lamlong pawt koinih saithainah te om mahpawh. Te rhoek tah Pathen loh a phueng tih a nuen rhoek ni.

Rom 13:1 Iomraidhean Croise

Mathai 6:13

Noekdakna aka rai hlang kaimi sawah pha sak ohla, Seitan kut khui kalawng n'deem sak u lah, tila thangthui uh.’

Johan 19:11

Jesuh lawngah, “Nang lawng ka sawah aana na khueh he Pathen lawng m'peek dawngah ni. Tedawngah na kut dawngah kai aka pekung te a thawlhna bo tare ngai,” a tina.

Caeltueih 2:41

Ahih kah awl thui te thlaang broe lawngah a tangna u tih baptisma a huh u, te kah khawhin ah te ahimi bu khuiah thlaang thong thum yunyan lawngah a tawm a thap u.

Rom 12:21

Nangmi te athe lawng n'taa boel seh; Atheen saina oen athe te taa hamla yawm uh.

Rom 13:2

A-u khaw tahe vengkah ukkung thli aka oel khak tah Pathen kah awlthlaw te aka oelkung ni, a-u khaw te tila aka sai te tah amah sawah awlcekna a thoeng sak ai.

Ephesa 5:21

Nangmi lawng Jesuh Khrih te na hinyah u dawngah nangmi pakhat oen khat awl ngaai u lah.

1Timothy 2:2

Mami lawng ading asuekla awmna ham, Pathen hinyahna oen ngaimawngla khaw sak tih khawboe ramlang theenna oen awm thaina ham ah sengpahrang thli oen saithaina aana aka khueh boeih ham thangthui uh.

Titus 3:1

Na thlaang thli lawng ukkung thli oen aana khuehkung thli kah awl a ngai u tih ahimi te a hinyahna u ham oen thaihu theen sai ben ah oepsoehla a awm poepa ham thui peh.

Jude 1:8

Tetih toengtoengla, tahe kah thlaang thli lawngkhaw mang ka man ti u tih amami pum dawngah thawlhna a sai u; ahimi lawng Pathen kah aana te a hadalhna tih vaan asawsang kah ruep-awm thli te a thuitheet u.

Olphong 1:5

duekna kalawng lamhacuekla aka tho, thincak sausi la aka awm, dilai sengpahrang boeih ukkung la aka awm Jesuh Khrih teng kalawng lungvatna oen ngaimawngna tah nangmi tengah awm hawn seh. Mami n'lungna tih a duekna oen mami he thawlhna kalawng aka loeih sak tih,

Olphong 17:14

Ahimi lawngah Tuuca te a teek u ai, tede tuuca oen amah lawng a khue tih a tuek thlaang thli oen uep-awm hubang thlaang thli lawngah ahimi te a taa ai, metihtiah ahih tah bawi boeih kah Bawipa oen sengpahrang boeih kah Sengpahrang la awm,” tila te a thui.

Olphong 19:16

A himbaidung oen a phai dawngah: “sengpahrang boeih kah Sengpahrang oen bawi boeih kah Bawi,” tila a thut.