Rom 12:8 - Matu Chin New Testament 2006

⁸ Thlaang te thapeek koei atah tha peek ham awm; khuehtoen thaihu te thlaangtloe rekra koei atah moeihoeihna oen rekra ham awm. Saithaina aana te n'dang atah bii yawm ham awm; thlaangtloe tengah thintlawhna tueng sak ham koei atah reenna oen tueng sak ham awm.

Matu Bible

⁸ aka doedan loh moeihoeihnah neh, aka mawt loh thahluenah neh, aka rhen loh omngaih cangtloeng neh, om saeh.

Rom 12:8 Iomraidhean Croise

Mathai 25:40

Sengpahrang lawng, ‘Atak tang kavan thui u; He kah ka boenhui huhsit koek pakhat tengah na sai u te ka sawah na sai u poen ni,’ a tina ai.

Caeltueih 11:23

Ahih lawng a pha vengah Pathen lawng thlaang thli te metihtlukla yotheen a peek tite a huh vengah awmngaih tangkiik tih thinkaw lungbui tak oen Bawipa tengah thincak la a awmna u ham, uep-awm la a awmna u hamla ahimi te a thaphawh.

Caeltueih 13:12

Ukkung bawi lawng he tila thaihu aka thoeng te a huh vengah a tangna tih Bawipa kawng a cang puei te a kawpoek la rai tangkiik.

Caeltueih 13:15

Mosi Phungawl oen tawngha thli kah cathut te a tae coeng atah sinakok bok-im ukkung thli lawngah ahimi nala te: “Maya manau thli, thlaang yahawh ham thaphawhna awl thui ham a awm atah na thui u ham ka ngaih u de” a tina u.

Caeltueih 15:32

Judas oen Silas khaw tawngha la a awm hih dawngah ahimi tengah thathluena awl oen thapeekna awl asanhlangla a thui pe hih.

Caeltueih 20:2

Ahih lawngah te kah peng te a hiil adawng tih thathluena awl a thui pe, tecoeng atah Akhaia ram la te cet tih te ah te thla thum awm.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

Caeltueih 4:36

Te ah te Caipras tuisanglak kah Levi thlaangphun Josep aka miingna thlaang pakhat awm tih Celtuih hue lawng Barnabas a tina u. (thuingaihna tah, “Thaphawhkung” tina ni.),

Rom 12:13

Khrihca na puei na paw thli kah a voetna ah te dodan u lang na im ah kamyin te pah sak uh.

Rom 13:6

Mangmu na peek u khaw he kawngah ni, metihtiah ukkung thli lawng bii a bi u te Pathen ham ni a bi.

1Korin 12:28

Khrihcabu khuiah he ang thli boeih he Pathen lawng a khueh; lamhacuek ah celtuih he a khueh, pahihna ah tawngha thli a khueh tih a pathumna ah cangpueikung thli te a khueh; tecoengah kawpoek rai aka sai thlaang thli te a khueh tih thlaangtlo hoeih sak thaina aka dang thlaang thli, thlaang aka bawmcemkung thli, thlaang uktemkung thli oen ming nawh awl aka cal thlaang thli lawng a thoei u.

1Korin 14:3

Tede Pathen kah awlthang te aka phawng lawngtah thlaangping tengah bawmcemna awl, thapeekna awl, thloepthloeina awl te a thui.

2Korin 1:12

Kaimi lawng ka thangpawmna u tah he dilai dawng hing vengah awlpuila nangmi oen tuhkaina ah he thlaanghing kah cuihna nawh tih Pathen kah lungvatna huham tharana oen ah Pathen kah peek thinkaw ciimna oen thinkaw doengna oen ah ukna he athe atheen pekbona thinkaw oen m'ming sak he ni.

2Korin 11:3

Evi te ruul lawngah asuek ahalh tih athai alatna angla te nangmi khaw na thinkaw thaw u vetih Khrih na uepna khaklal te na toeng u hau ai tila ka lakueng.

2Korin 8:12

Nangmi lawngah peek ngaihna thinkaw a thawh atah, na khuehtoen nawh thaihu ohla, peek hamla na toen nangmi kah kutdo te Pathen lawng a do ai.

2Korin 9:11

Nangmi lawng moeihoeihla na peek poepa ham ah nangmi te kuirang thlaanglen la n'coeng sak ai. Nangmi kah kutdo peek te kaimi kut dawng kalawng patoeng aka do thlaang thli lawng Pathen te a koeh u ai.

2Korin 9:13

Nangmi lawng he bii he na bina rang oen ah Khrih kah awlthang theen te acakla na phoeih u tih na pai u thai dawngah khawseh, nangmi lawng thlaangtloe thli oen ahimi te moeihoeihna oen na peek u dawngah khawseh, thlaang yahawh lawngah Pathen te a koeh u poen ai.

2Korin 9:7

Thlaang boeih lawng amah kaw khuiah a nuen angla te pe seh, haihna thinkaw oen khaw pe boel seh, peek cingcing ham a ti dawngah khaw pe boel seh; metihtiah Pathen lawngtah awmngaihla aka pe te ni a lungna.

Ephesa 6:5

Nangmi sal thli, namami kah thlaanghing bawi thli te birih haitawk oen a awl ngaai pe uh; Nangmi lawng Khrih kah bii aka bi angla thinkaw tak oen a bii te bi pe uh.

Kolosa 3:22

Sal thli aw, soeprep boeih ah dilai hankah na manghai bawi hue kah awl te ngaai pe uh. Nangmi lawng ahimi kah kawtlaakna te na ngaih dawngah a mik-huh bueng ah a awl te ngaai mai ohla Bawipa hinyahna oen ah na thinkaw tangtang oen a awl ngaai pe uh.

1Thessalonika 2:3

Nangmi tengah kaimi lawng reenna kavan bih u he asoeng nawh oen kawpoek ciimna nawh oen nawh tih, a-u khaw thailatna ham te ka ngaih u nawh dawngah ni.

1Thessalonika 2:8

Kaimi lawngah nangmi te kan lungduetna dawngah Pathen tengkah Awlthang Theen bueng ohla kamami kah hingna pateng khaw peek hamla te oepsoehla ka awm u. Nangmi te kan lungduetna tangkiik u mai!

1Timothy 4:13

Kai ka law thlantoe tah rangpui tengah Caciim teena, phungthuina oen cangpueina te yawm langtah atue na khueh boeih te hawna lah.

1Timothy 5:17

Mawtkung angla bii atheenla aka bi ahaamca lawngtah thapang te arepla a dang ham awm, awlpuila phungthuina oen cangpueina aka yawm lawng thapang a dang ngaai ham awm.

1Timothy 6:18

Ahimi lawngah atheen thaihu sai ham, bii theen te bina oen kuirang la awmna u ham, moeihoeihla thlaangtloe a do adan thaina u ham van thui peh.

Hebrew 10:25

Thik at la huhtun pumna sai nooek te thlaangtloe hue lawngah a hoett u angla mami lawngtah hoett boel sih. Te lak atah, nangmi lawng Bawipa Khawhin tah yoeii tare poen tila na ming u dawngah khat oen khat thaphawh u sih.

Hebrew 13:17

Nangmi aka mawtkung thli kah awl te ngaai u lang ahimi kah awl thui te vai uh. Ahimi lawngah amami kah biibina kawng te Pathen tengah thui ham koei la a awm dawngah duemdawng ohla nangmi kah hingna te a doen a cang u. Nangmi lawng a awl na ngaai pe u atah ahimi lawngah awmngaih kawhoe la bii te a bi u ai; a awl te na ngaai pe u nawh atah ahimi lawng kawthe ruila bii te a bi u vetih nangmi ham hoeikhangna awm manawh.

Hebrew 13:22

Maya manau thli, thathluena awl ka thui he na vai u hamla kan ceel u. He capat kavan thut he san aih nawh.

Hebrew 13:24

Nangmi kah mawtkung boeih oen Pathen kah thlaang boeih te kaimi kah toeina awl he van thui peh. Itali ram kah maya manau hue lawngkhaw nangmi te n'toei u.

Hebrew 13:7

Nangmi tengah Pathen awl aka thui lamhacuek mawtkung thli te hilh u boel. Ahimi kah hingna oen a duekna te poek u langtah ahimi kah oengna te oett u lah.