Rom 12:7 - Matu Chin New Testament 2006

⁷ thlaangtloe ham bii bi koei atah bi ham awm; cang puei koei atah cang puei ham awm;

Matu Bible

⁷ Bibi te khaw bibi ah, aka thuituen long khaw tah thuituennah dongah, aka hloep long khaw thaphohnah dongah,

Rom 12:7 Iomraidhean Croise

Mathai 28:19

Tedawngah dilai dawngkah thlaangphun boeih tengah cet u langtah ahimi te ka hubang la van coeng sak uh; Pa, Capa, Ciim Muithla miing ah baptisma pe uh.

Johan 3:2

Yiin at atah ahih te Jesuh tengla cet tih, “Rabbi, nang tah Pathen kah thlaangtuih cangpueikung pakhat ni tila ka ming u. Pathen kah awmpueina nawh atah kawpoek rai na sai he a-u khat lawngkhaw sai thai manawh.” a tina.

Caeltueih 13:1

Antiok khaaw kah khrihcabu khuiah tawngha thli oen cangpueikung thli khatsut tah thoem awm u: Te thli te tah, Barnabas, Simeon (Thlaangmuuem a ti u te), Lucias (Sairin khaw kah), Manaen (ukkungbawi Herod kah thawnpuei) oen ah Sawl, he hue ni.

Caeltueih 20:20

Thlaang rangpui haiah khaw, namami im ah khaw, nangmi kah hoeikhangna koei te khatca khaw thuh phah muehla ka thui tih kan cang puei u te na ming u.

Caeltueih 20:28

Tedawngah namah oen namah te ngaithuen u langtah nangmi lawng na doen hamla Ciim Muithla lawng m'peek tuu thli te doen-acaang u lah. Pathen lawng amah Capa duekna rang oen amah koe la a khueh Pathen Khrihcabu tuudoen la te awm u lah.

Caeltueih 6:1

Teveng tue kalawng a awm raih coeng atah a hubang thli thlaangmi khaw puung tare hang tih Krik awl la aka cal Judah thlaang oen Judah awl la aka cal Judah thlaang thli te awlpuungna awm. Krik awl aka cal Judah thlaang thli lawng khawhin roekk bawmna fann tangka rekrana ah ahimi tengkah huhai tumtee thli tah navan thloeng bet u ti tih caitoek u.

1Korin 12:28

Khrihcabu khuiah he ang thli boeih he Pathen lawng a khueh; lamhacuek ah celtuih he a khueh, pahihna ah tawngha thli a khueh tih a pathumna ah cangpueikung thli te a khueh; tecoengah kawpoek rai aka sai thlaang thli te a khueh tih thlaangtlo hoeih sak thaina aka dang thlaang thli, thlaang aka bawmcemkung thli, thlaang uktemkung thli oen ming nawh awl aka cal thlaang thli lawng a thoei u.

1Korin 12:5

Biibina he lawngpui atloetloela awm, tede Bawipa pakhat kah bii te ni m'bi u.

1Korin 14:26

Maya manau thli ka thuingaihna tah he tila ni. Nangmi lawngah Pathen bok hamla na pum u vengah te pakhat lawngtah laa sak hamla na khueh, pakhat lawngtah cang puei ham na khueh, pakhat lawngtah Pathen tengkah awlphawng thui ham na khueh, pakhat lawngtah ming nawh awl oen awlthang thui ham na khueh tih pakhat lawngtah ming nawh awl thuicaih thaina te na khueh u mai ai. Soeprep boeih te Khrihcabu hoeikhangna ham sai uh.

Galati 6:6

Khrih kah awlthang aka cang thlaang pakhat lawngah thaihu theen a khueh toen boeih te ahih cangpueikung saya te pe lem seh.

Ephesa 4:11

Thlaang he kutdo aka pe khaw amah ni; Ahih lawngah khatsut te celtuih la a khueh; khatsut te tawngha la a khueh; khatsut te awlthang theen thuikung la a khueh; khatsut te pastor oen cangpueikung la khueh.

Kolosa 4:17

Tecoengah, Arkhipas te, “Bawipa kah bii dawngah nang m'peek bii te a coeng toe van bi seh tila van thui pe uh.”

1Timothy 2:7

Tedawngah ni oengna oen awltak kawng awlthang te phawng ham oen ah Gental thlaangphun te cangpueikung celtuih la kai he n'tuih.

1Timothy 3:2

Khrihcabu mawtkung tah thawlhpalhna aka awm nawh tih a yu khat bueng aka khueh thlaang, mah oen mah aka uk u thai thlaang, mah oen mah kuemsuem thai thlaang, adoengla khaw aka sa thlaang, hinyah koei thlaang; kamyin kamlai aka lungna thlaang, thlaangtloe te riingtuuk thaihoen thai thlaang seh.

1Timothy 4:16

Namah oen namah te ngaithuen lang na cang puei te khaw ngaithuen lah. He thaihu boeih he toeng ohla sai, metihtiah nang lawng na sai atah namah oen namah khaw, na awl-thui hutung thlaang thli te khaw pahih bok la na thlawn thai ai.

1Timothy 5:17

Mawtkung angla bii atheenla aka bi ahaamca lawngtah thapang te arepla a dang ham awm, awlpuila phungthuina oen cangpueina aka yawm lawng thapang a dang ngaai ham awm.

2Timothy 2:2

Mingpueikung Sausi boehoeng kah haiah ka thui cangpueina te na yaak poen. Thlaangtloe te patoeng aka cang puei thai van ueppangkoei thlaang tengah te thui peh.

2Timothy 2:24

Bawipa kah tuihyoeihthlaang tah tawhsi u ham awm nawh. Ahih tah thlaang boeih aka reen, kawdaw thlaang, cangpueikung saya theen la awm ham ni,

2Timothy 4:2

Tedawngah awlthang te thui lah, (atue atang alawlh amaih ah khaw, alawlh amaih nawh ah khaw) awlthang te thui ngaikhoek. A yaakming thaina ham thui peh, toel-thaam ham angoe atah siim langtah, thaphawh ham angoe atah thathluena awl thui peh, kawdaw thinsan oen cang puei.