Rom 12:3 - Matu Chin New Testament 2006

³ Pathen kah lungvatna kutdo ka dangna rang oen he awl he nangmi boeih tengah ka thui: Namah oen namah te atuueng aleng lak ah asang la poek u aih boel. Te lak atah Pathen lawng oengna m'peek taring ah namah oen namah te nainawng u lah.

Matu Bible

³ Nangmih ah aka om boeih te kamah taengah m'paek lungvatnah neh ka thui, Poek ham a kuek te poek voelh aih boeh, Pathen loh tangnah cungnueh bangla rhip a tultael te poek hamla muet uh lah.

Rom 12:3 Iomraidhean Croise

Luka 18:11

Farasi thlaang lawngtah amah bueng pai tih, “Aw, Pathen, kai tah ngaihmoekna aka khueh thlaang, hoem thui thlaang, samphaih thlaang, he ang thlaang thli angla ka awm nawh dawngah kan uem tangkiik. He kah mangmu cawikung angla khaw ka awm nawh dawngah kan uem baal

Johan 3:34

Pathen lawng a tuih thlaang te tah Pathen amah Muithla te betoetla a peek dawngah Pathen awl te a thui.

Rom 1:5

Ahih rang oen Pathen lawng celtuih la awmna m'peek tih thlaangphun boeih lawng oengna oen awlngaaina a khueh thaina ham oen ah mawt ham kai he n'tuih.

Rom 11:20

Te ngoen tah soeng tangtang. Ahimi lawng a oeng u nawh dawngah a tloek tangtang, nangmi tah na oeng u dawngah na awmna huen ah te na awm u. Tede he kawngah oekthloen u boel lang rih lat u hawn.

Rom 11:25

Ka maya manau thli, nangmi lawng ka cuih ka hoe heet poen tila na poek u nawh ham nangmi te ming sak ka ngaih awlhuep pakhat awm. Te awlhuep tah he ni. Israel thlaang thli a thin a haam khaklal he aboet toe ham nawh ni, Gental thlaang thli Pathen tengah asoepcala apha thlan khui ham bueng ni.

Rom 12:16

Pakhat oen pakhat roeproei patoeng uh. Oekthloen u boel; tede huhsit koei bii te khaw bi uh. Namah oen namah te thlaangcuih la poek u boel.

1Korin 15:10

Tede Pathen lungvatna rang oen tahe kah ka awm angla he ka awm tih lungvatna m'peek te khaw apoei-oepla ka khueh van nawh. Atloe celtuih hue lak ah kai tah apuehla bii ka bi ngaai, tede kai lawng ka bi ti ham awm nawh tih ka tengkah Pathen lungvatna lawng ni a bi.

1Korin 3:10

Pathen kah peek kutdo te ka hawna tih im sak aka thoem tangkiik angla bii ka bi tih lungdang ka suem, te sawah te thlaangtloe lawng im a sak. Tede metila ka sak u tite a-u khaw ngaithuen rip u seh.

1Korin 7:17

A-u khaw Bawipa lawng kutdo a peek tih Pathen lawng a khue vengkah angla te a awm u ham awm. He tah Khrihcabu boeih ah ka cang puei phung-alam ni.

2Korin 10:13

Te cakhaw kaimi kah oekthloenna lawngtah ari-amawng voel te poeng voelh aih manawh; Pathen lawng kaimi ham bii avan nuenna ari-amawng khuiah ni a awm ai, te kah ari-amawng te tah nangmi tim ah kaimi kah biibina he khaw thuum.

2Korin 12:13

Khrihcabu atloe boeih lak ah metila nangmi te athe-eep la kan sai? Tangka oen nan bawm u ham kavan bih nawh bueng te de lah koen? Te tila thuum van nawh hamla kan sai u dawngah reenna oen khawdawp van ngaai u mai hawn.

2Korin 12:7

Tede kawpoekrai thaihu yahawh hlang ka huh dawngah oekthloenna oen pawmsangna kanghalhna ham aka tlo tangkiik nganbawh te ka pumsa dawngah m'peek, te tlawhna lawngah Seitan kah laipai angla bii a bi tih oekthloenna dawng kalawng kai he bawhna ham oen kanghalhna hamla a hawna.

Galati 6:3

A-u khaw, me tih khaw a ti aih tang nawh maiah amah oen amah te asangluepla aka poek u tah amah oen amah ni athailat u khoeng mai.

Ephesa 3:2

Nangmi kah theenna hamla Pathen lawng a lungvatna oen he bii he bi hamla kai m'peek tite ataktangla nangmi lawng na yaak u poen.

Ephesa 3:4

Kai lawng ca ka thut te na tae u atah Khrih kah awlhuep kai lawng ka ming tite nangmi lawng na yaakming u thai ai.)

Ephesa 4:16

Ahih kah khawl-acuuina oen pum dawngkah atloe boeih te a bawlcawm kang tih ruhcong boeih oen pum te tuhkai u haih tih bawmcem u. Tedawngah pum dawngkah atloe boeih lawng a bi ham koei te a sai u tih pum lawngah lungna oen roeng hang.

Philipi 2:13

metihtiah amah kah mengtengna te vai thai ham oen vai ngaihna thinkaw khueh ham Pathen lawng na kaw khuiah bii a bi poepa.

Kolosa 1:29

He bii ka bi vengah he Khrih kah peek, ka khuiah bii aka bi tha-awm tharana te hawna oen ka tho ka tat tih bii rai he ngah ngah ka bi.

Kolosa 2:13

Yan atah nangmi he phungawl khueh nawh Gental thlaang la na awm u tih namami kah thawlhna dawngah Muithla ben ah na duek u. Tede tahe tah Pathen lawng nangmi te Khrih oen haih ng'hing sak poen. Pathen lawng mami kah thawlhna boeih te khawdawp a ngaai poen.

1Timothy 1:14

Mami kah bawipa lawngah amah kah lungvatna te yahawh hlang la ka sawah avan lun tih oengna oen lungvatna te m'peek. Khrih Jesuh oen pumkhat la awmna rang oen ah te ang thli te mami kah koe-ava la awm poen.

1Timothy 2:15

Tede hutaa lawngah acuep amueih la oengna, lungna oen ciimna dawngah acakla a awm atah camoe cuunna rang oen ah thlawnna a dang ai.

1Timothy 2:9

Hutaa hue lawngkhaw akhoek anoen atheen khoeng la hinaak himbai te a buen anaak u ham ka ngaih; samtoel samveh te khaw alawnha aihla thloeih athlam ohla, sui kaawntheen oen khaw, latha kaawntheen oen khaw, phutlo hi-acuu oen khaw thoekcau u aih boel seh.

Titus 2:12

Te lungvatna lawngtah Pathen tula sak ohla hingna, dilai thaihu ngaihmoekna te hoett ham, mah oen mah kuemsuemna, doengna oen he dilai dawngah Pathen kawngaih la hingna oen awm ham mami te n'thuituen.

Titus 2:2

Tawngpa kum haam hue te amah oen amah kuemsuem uh, asoeng oengna dawngah awm uh, lungna oen uehthaina khueh uh, tila te thuituen.

Titus 2:4

hutaa kum no nunu thli te a vaa a ca thli te a lungna ham,

Titus 2:6

Tetih van la te kum no tawngpa thli te khaw amah oen amah kuemsuem u thai ham thaphawh lah.

James 4:6

Tede Pathen kah peek lungvatna tah a tha ra tare ngaai. Caciim lawngah, “Pathen lawngtah aka oekthloen u thlaang thli te a oel tih boe-ngaai thlaang thli te a reen,” tila a thui angla ni a awm.

1Peter 1:13

Tedawngah bii bi hamla na thinkaw te roekbah oepsoeh uh. Ahuertuela awm u lang, Jesuh Khrih a tueng vengah na dang ham koei lungvatna kutdo dawngah na ngaiuepna te khueh uh.

1Peter 4:11

Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.

1Peter 4:7

Thaihu boeih kah aboetna tah yoeii poen. Tedawngah thangthuina khueh thaina ham ah mah oen mah kuemsuem u langtah a huertuela awm uh.

1Peter 5:5

Te tih van la te nangmi roengthaai kumno hue lawng ahaamca thli kah awl te na ngaai u ham awm. Nangmi boeih lawngah boe-ngaaina himbai te bai u langtah pakhat oen khat bawmcem u lah; metihtiah caciim lawngah, “Pathen lawng aka oekthloen u te tah amah khak tih boe-ngaai thlaang teng atah mik-hai a thlampaan sak,” tila a thui.

1Peter 5:8

Huertue la awm uh, ngaithuen lang awm uh! Nangmi kah raal, Raaibawi Seitan tah ngeh hamla sa aka tlap tih aka kaawk soeh sathueng angla yingyo soeh poen.

3Johan 1:9

Khrihcabu tengah ca atoica kavan thut; tede ahimi kah mawtkung la awm ham aka ngaih Diotrifi lawngtah ka awlthui he n'tu la khaw ngaai manawh.