Rom 12:12 - Matu Chin New Testament 2006

¹² Na ngaiuepna na khuehna dawng teah na tha thlue sak uh; raina na tawng u vengah thinsan kawdaw oen awm u lang thangthui yoeyah uh.

Matu Bible

¹² Ngaiuepnah neh omngaih uh. Phacip phabaem te ueh uh. Thangthuinah te khuituk uh.

Rom 12:12 Iomraidhean Croise

Mathai 5:12

“Awmngaih u langtah na kaw hoe sak uh, nangmi ham vaan ah kutdo abohlang awm, he tila ni nangmi na awm thlan vengkah tawngha thli khaw aheem atek u roe poen.

Luka 10:20

Tede raaithe thli lawng nangmi awl te a ngaai u dawngah awmngaih u boel; vaan ah nangmi kah miing a thut u dawngah te awmngaih uh.” a tina.

Luka 21:19

Acakla pai lah, tetih atah namah oen namah te na thlawn u ai.

Luka 8:15

Lai theen dawngah aka tla caangti thuingaihna tah: awlthang theen te a yaak tih thinkaw khuiah hinyahna, doengna oen a khoem tih a vui athaih toela uehna oen aka awm thlaang thli te thuingaihna ni,” a tina.

Caeltueih 1:14

Ahimi tah Jesuh kah a manu Meri oen khaw, hutaa thli oen khaw, Jesuh kah a manu thli oen khaw huh u poepa tih thangthui u.

Caeltueih 12:5

Tedawngah ni Piter te thong ah a thlaak, tede khrihcabu khuikah thlaang thli lawng ahih hamla te Pathen tengah thinkaw thluembuek tang oen thangthui u.

Caeltueih 2:42

Ahimi lawngah celtuih hue tengah cangna, khat oen khat pawlneengna, beroep lopaang buh veelna, thangthuina ah amami kah atue te a hawna u.

Caeltueih 6:4

Kaimi ngoen tah thangthuina oen Pathen awl thui biibina dawngah atue boeih he ka hawna u ai.” a tina u.

Rom 15:13

Ciim Muithla tharana oen nangmi kah ngaiuepna te roep poepa ham ngaiuepna kungpui, Pathen lawngah amah te na oengna rang oen awm-ngaihna oen ngaimawngna boeih oen ah nangmi te abetoetla n'toi hawn seh.

Rom 15:4

Caciim dawngah a thut soeprep boeih tah mami he cangpueina ham oen toelthaamna ham ni. Te tila a thut te tah, Caciim lawng mami m'peek uehthaina oen thincakna rang oen ah mami lawng ngaiuepna te khueh ham ni.

Rom 2:7

Thlaang khatsut lawng thaihu theen te a sai u tih ruep-awmna, hinyahna oen dungyan hingna te a tlap u; ahimi te Pathen lawng dungyan hingna te a peek ai.

Rom 8:25

Tede mik huh nawh te n'ngaiuep u atah mami lawng kawdaw oen n'ring u.

1Korin 13:13

Awlpui thaihu pathum awm: te tah oengna, ngaiuepna oen lungna he ni, he thli boeih khuiah lungna he abokoek ni.

2Korin 12:8

He kawngah he Bawipa tengah voeithum ka thangthui tih tlawhna he avan lawh hamla ka bih.

Philipi 3:1

Maya manau thli, awlcuina ah thui ka ngaih tah Bawipa oen pumkhat la awmna dawngah awmngaih u lah. Acuek ah kavan thut tangte te thut koep he n'tu la ka poei sak mai nawh, he tila kavan thut koep he tah nangmi na deemna ham ni.

Philipi 4:4

Bawipa oen pumkhatla na awm u dawngah awmngaih poepa u lah. Koep ka thui; awmngaih u lah!

Kolosa 1:11

Soeprep boeih te thinsan kawdaw oen na ueh thaina ham Pathen ruep-awmna huham dawng kalawng aka law tharana boeih oen n'cak sak u seh.

Kolosa 1:27

Pathen kah mengtengna tah thlaang boeih hamla a khueh pe lenna oen ruep-awm tangkiik awlhuep te a thlaang boeih tengah phawng hamla ni. Te awlhuep tah nangmi khuiah aka awm Khrih te ni, thuingaihna tah Pathen kah ruep-awmna te nangmi lawng na khueh u van ai tina ni.

Kolosa 4:12

Khrih Jesuh kah tuihyoeihthlaang, namami kah paya laikoei Epafras lawng n'toei u. Ahih lawngah thinkaw tak oen nangmi ham thangthui poepa tih nangmi acakla na paina u ham, Khrihca thlaangsoep la na awmna u ham oen ah na oengna te aciimphanla na mingna u ham, Pathen kawngaih te asoepla na vaina u hamla a bih poepa.

Kolosa 4:2

Thangthuina dawngah tlungmu u lang, na thangthui u vengah huertuela awm uh. Pathen tengah awmngaih ciil thui uh.

1Thessalonika 1:3

Metihtiah, nangmi lawng na oengna te biibina dawngah na tuengsakna, namami kah lungna lawngah bii ruh m'bi sakna, mami Bawipa Jesuh Khrih ah aka cak ngaiuepna na khueh u te Pa Pathen haiah ka hilh u nawh.

1Thessalonika 5:8

Tede mami tah khawthaih thlaang ni, huertuela awm u sih. Mami lawng oengna oen lungna te kahkawng rangphaw la daan u silang tah mami kah ngaiuep thlawnna te thiilumuek la muek u sih.

2Thessalonika 1:4

Tedawngah nangmi kawng te Pathen kah khrihcabu thli tengah kamami roe lawng ka thangpawmna u. Nangmi lawng heemtekna oen patangraina na khang tangkiik u de na ueh thai u tih na oeng u dawngah kaimi lawng ka thangpawmna u.

2Thessalonika 3:5

Nangmi lawng Pathen kah lungna te khawseh, Khrih kah peek uehthaina te khawseh yaakming tare ham ah Bawipa lawng nangmi te m'mawt hawn seh.

1Timothy 6:11

Tede nang tah Pathen kah thlaang la na awm dawngah he thaihu thli boeih he rel-aram hawn. Doengna, Pathen hinyahna, oengna, lungna, uehthaina oen kawdawna te khueh hamla yawm lah.

2Timothy 3:10

Tede nang lawngtah kai kah cangpueina, khawboe ramlang oen ka hingna dawngah ka mengtengna te na vai poen. Nang lawngtah ka oengna, kawdawna, lungna, uehthaina,

Titus 2:13

Te tila te mami kah bawilen Pathen oen thlawnkung Jesuh Khrih kah ruep-awmna va tueng ngai ai tila n'ngaiuep awmngaihna Khawhin te n'ring u.

Titus 3:7

a lungvatna rang oen Pathen oen mami roeproei ham oen ah mami kah ngaiuep dungyan hingna te khueh thaina ham ni.

Hebrew 10:32

N'hu vengah thaihu metila a awm tite poek u lah. Pathen kah aangna nangmi teng avan pha pek vengah te raina phun soeprep na tawng u de, te raina lawng nangmi te n'taa nawh.

Hebrew 10:36

Pathen kah kawngaih te na sai thaina ham oen ah amah awlkam thaihu te na dangna u ham thinsan kawdaw oen awm uh.

Hebrew 12:1

Tedawngah he yoeh aih la sausi yahawh lawng mami he n'yaawl khoep poen dawngah mami cehna lawngpui ah kanghalhkung thaihu soeprep boeih oen mami pum ah aka bat mangkhak thawlhna boeih te dul u silang tah mami haiah avan khueh lansak benla te loehlang u silang heng u sih.

Hebrew 3:6

Tede Khrih tah Pathen im khuiah ukkung uep-awm a Capa la awm. Mami lawng ngaiuepna dawngah thincakna n'khueh tih uepvoetna a awm nawh atah mami tah amah kah im ni.

Hebrew 5:7

Jesuh lawng dilai dawng a hing veng-ah duekna kalawng amah aka thlawn-thaikung Pathen tengah rung-arap tih mikphi haapcang ruila thangthuina oen a bih. Ahih tah boe a ngaai tih pum a peek dawngah a thangthuina te Pathen lawng a yaak.

Hebrew 6:12

Thayong thlaang la na awm u ham ka ngaih nawh, tede oengna, reenna a khueh tih Pathen lawng a kam pe te aka dang thlaang thli angla ni awm sak ham ka ngaih u.

Hebrew 6:15

Abraham lawng kawdaw thinsan oen a ring tih Pathen lawng awl a kam te a dang.

James 5:7

Tedawngah maya manau thli, Bawi-pa a law thlantoe thinsan kawdaw oen awm uh. Lotoen thlaang pakhat lawngah a lo khuikah caangthaih yuun hamla meveng toe kawdaw oen a lamtoen puet tite poek u lah. Ahih lawngah rawtui a law cuek veng kalawng khawcui boet toe kawdaw thinsan oen a lamtoen.

1Peter 4:13

Te lak atah Khrih kah patang khangna te na khang u van dawngah awmngaih u lah. Te ah ni ahih kah ruep-awmna a tueng vengah nangmi lawng awmngaihna oen na betoet ai.

1Peter 4:7

Thaihu boeih kah aboetna tah yoeii poen. Tedawngah thangthuina khueh thaina ham ah mah oen mah kuemsuem u langtah a huertuela awm uh.

2Peter 1:6

na mingna dawngah te mah oen mah kuemsuemna oen thap uh; mah oen mah kuemsuemna dawngah uehna oen thap uh, uehna dawngah Pathen hinyahna oen thap uh;

Olphong 13:10

A-u khaw sal la khuen ham aka awm te tah a khuen ngaikhoek ai; a-u khaw samsen oen ngawn hamla aka awm te tah a ngawn ngaikhoek ai. He vengah Pathen kah thlaang thli lawng ueh thaina khueh tih uep-awm la awm ham angoe.