Rom 12:10 - Matu Chin New Testament 2006

¹⁰ Pakhat oen khat Khrihca maya manau angla lung u the lang thinkaw tak oen ah pakhat oen khat hinyahna te tueng sak uh.

Matu Bible

¹⁰ Pakhat te manuca lungnah neh saelong lamtah, pakhat te hinyahnah neh ngai uh.

Rom 12:10 Iomraidhean Croise

Mathai 20:26

Tede nangmi tah tila na awm u manawh. Nangmi timkah pakhat lawng alenduet la awm a ngaih atah nangmi boeih kah tuihyoeihthlaang la awm seh;

Luka 14:10

Tedawngah nang te thlaang lawng n'khue vengah cet langtah ahemkoek huen ah te ngawl mai hawn, te atah nang te imkung lawng na tengla law vetih, ‘Ka puei, huen theen ngaai dawngah ngawl.’ ti ai. He tila te nang tah atloe kamyin boeih haiah hinyahna na dang ai.

Johan 15:17

Tecoengah he tah kai kah awl peek ni: pakhat oen pakhat lung u lah.” a tina.

Johan 17:21

Ahimi boeih lawng pumkhat la a awmna u ham ka thangthui. A Pa, Nang khuiah kai ka awm tih kai khuiah nang na awm van angla ahimi te mami khuiah awm van lah seh. Kai he nang lawng ni nan tuih tite dilai lawng a tangna ham ahimi he pumkhat la awm sak lah.

Caeltueih 4:32

Oengca thli lawngah thinkaw oen lungbui khat la kang a khueh u. A-u lawngkhaw a khueh thaihu te kamah kah thaihu ni ti u tlaih nawh tih ahimi lawng a khueh thaihu boeih te khat oen khat avanpila ree u.

Rom 13:7

Tedawngah ahimi na peek ham koei te tah pe uh; namah kah pumpakla peek ham koei mangmu oen kaawn-ava phu mangmu te khaw pe u langtah ahimi boeih te mik-hai yahna lang hinyah uh.

Galati 5:13

Maya manau thli, nangmi te loeih sak hamla ni n'khue u. Tede, te loeihna te namami kah pumsa hue-ngaihna a dipna ham hawna u boel. Te lak atah lungna oen ah nangmi khat oen khat bawmcem uh.

Galati 5:22

Tede Muithla lawng a thoeng sak tah lungna, awmngaihna, ngaimawngna, kawdawna, reenna, theenna, uep-awmna,

Galati 5:6

Khrih Jesuh oen mami pumkhatla ng'awm u atah yahhuivuen reet khaw, reet nawh khaw athloeina awm nawh; awlpui tah lungna oen bii aka bi oengna te ni.

Philipi 2:3

Nangmi lawngah mah ham bueng poekna, oekthloen ngaihna mai oen ah thaihu khat khaw sai boel, thlaangtloe he nangmi lak ah theen ngaai tila poek poepa langtah pakhat oen khat boe-ngai uh.

Kolosa 1:4

Metihtiah Khrih Jesuh ah nangmi kah oengna Pathen kah thlaang boeih na lungna u te ka yaak u dawngah ni.

1Thessalonika 4:9

Nangmi lawng aka oeng na paya laikoei thli lungna ham a kawng te capat kavan thut ham ngoe nawh. Nangmi khat oen khat lung u ham Pathen lawng namami te n'cang puei u poen.

2Thessalonika 1:3

Maya manau thli, nangmi hamla Pathen tengah awmngaih ciil ka thui u poepa. Te tila awmngaih ciil thui te aka soeng ni, metihtiah nangmi kah oengna tah roeng hang tangkiik tih nangmi pakhat oen khat na lung u te a roeng hang tare dawngah ni.

Hebrew 13:1

Khrihca maya manau la na awm u van angla pakhat oen khat lung u poe lah.

1Peter 1:22

Tahe ah nangmi lawng awltak te na vaina rang oen nangmi tah na ciim u poen tih oengca na puei na paw thli te lungna taktak oen na lungna u poen, tedawngah nangmi khat oen khat thinkaw tak oen lung u tare lah.

1Peter 2:17

Thlaang boeih te hinyah uh, aka oeng na puei na paw te lungna uh, Pathen te rih u lang sengpahrang sangluel te khaw hinyah uh.

1Peter 5:5

Te tih van la te nangmi roengthaai kumno hue lawng ahaamca thli kah awl te na ngaai u ham awm. Nangmi boeih lawngah boe-ngaaina himbai te bai u langtah pakhat oen khat bawmcem u lah; metihtiah caciim lawngah, “Pathen lawng aka oekthloen u te tah amah khak tih boe-ngaai thlaang teng atah mik-hai a thlampaan sak,” tila a thui.

2Peter 1:7

Pathen hinyahna dawngah te boenhui angla thintlawhna oen thap uh, boenhui angla thintlawhna dawngah lungna oen thap uh.

1Johan 4:11

Ka lungna ka paya thli, he tih aih la mami he Pathen lawng n'lungna atah mami khaw pakhat oen khat lung u van ham awm.

1Johan 4:20

A-u lawngkhaw Pathen ka lungna ti de a maya manau te a thina mangkhak atah hoem aka thui thlaang ni. Amik oen a huh maya manau pateng khaw a lungna nawh maiah ahih lawng a huh thai nawh Pathen te lungna thai manawh.