Rom 11:36 - Matu Chin New Testament 2006

³⁶ Thaihu boeih he amah lawng a sai, thaihu boeih amah rang oen awm tih amah ham ni. Pathen tengah ayoeyahla ruep-awmna awm hawn seh! Amen.

Matu Bible

³⁶ A cungkuem he amah lamkah tih amah lamloh amah ham a thoeng sak. Thangpomnah tah kumhal duela amah kah ni. Amen.

Rom 11:36 Iomraidhean Croise

Mathai 6:13

Noekdakna aka rai hlang kaimi sawah pha sak ohla, Seitan kut khui kalawng n'deem sak u lah, tila thangthui uh.’

Luka 19:38

“Bawipa miing oen aka law sengpahrang tah Pathen lawng yotheen kam-awmna pe hawn seh! Vaan ah roepna awm selang Pathen tengah ruep-awmna awm hawn seh!” tila paang u.

Luka 2:14

“Vaan asang koek ah Pathen thangpawm u hawn seh, a lungna thlaang thli a awmna dilai dawngah roepna awm hawn seh,” tila a thui u.

Caeltueih 17:28

Thlaang pakhat lawng, ‘Amah dawngah mami n'hing u, amah dawngah n'awm u tih n'tatvuet u.’ tila a thui angla te awm. Namami kah tingtoenglung aka thlaak hue lawngkhaw, ‘Mami khaw ahih kah cadil van ni’ tila a thui angla te awm.

Rom 16:27

Pakhat bueng la aka awm tih cuihna boeih oen aka soep Pathen tah Jesuh Khrih rang oen dungyan toe ruep-awmna awm hawn seh! Amen.

1Korin 11:12

Metihtiah hutaa he tawngpa dawngkah a sai, tetih van angla tawngpa khaw hutaa lawng ni a cuun van; soeprep boeih he a sai tih aka awmsakkung tah Pathen ni.

1Korin 8:6

mami ham tah Pathen pakhat bueng ni a awm, ahih tah soeprep boeih saikung la awm tih ahih hamla mami tah n'hing u; tecoengah Jesuh Khrih Bawipa pakhat bueng te awm, ahih rang oen ah soeprep tah sai la awm tih ahih rang oen mami he n'hing u.

Galati 1:5

Pathen tengah dungyan toela ruep-awmna tah awm hawn seh! Amen.

Ephesa 3:21

Pathen tengah khrihcabu rang oen Khrih Jesuh rang oen ah yoeyahla dungyan toe ruep-awmna awm hawn seh! Amen.

Philipi 4:20

Mami kah Pa oen Pathen tengah ruep-awmna tah dungyan toe awm hawn seh! Amen.

1Timothy 1:17

Dungyan Sengpahrang, aka duek thai nawh oen mik oen huh thai nawh pakhat bueng la aka awm Pathen tengah hinyahna oen ruep-awmna tah ayoeyah la awm hawn seh! Amen.

1Timothy 6:16

Ahih bueng he ni aka duek thai nawh; a-u lawngkhaw a tengah yoeii mare thai nawh aangna khuiah te awm. Ahih te a-u lawngkhaw hu vai nawh; a-u lawngkhaw hu thai manawh. Amah tengah hinyahna oen dungyan ukna aana tah awm hawn seh! Amen.

2Timothy 4:18

Bawipa lawng athe-arana boeih kalawng n'loeih sak tih amah kah vaan Ram ah te adingsuekla n'ceh puei ai. Amah tengah ruep-awmna dungyan toe awm hawn seh! Amen.

Hebrew 13:21

Nangmi lawngah ngaimawngna akung Pathen kah kawngaih te na sai u thai ham thaihu theen na ngoe boeih te m'pe hawn seh; Jesuh Khrih rang oen amah kawngaih te mami kaw khuiah sai hawn seh. Jesuh tengah ruep-awmna tah dungyan toe ayoeyahla awm hawn seh! Amen.

Hebrew 2:10

Thaihu soeprep boeih a sai tih doenkung Pathen lawng amah kah ruep-awmna te a ca thli lawng a paangna hamla Jesuh te patang khangna oen thlaangsoep la a sai te tah tueng tang tang. Metihtiah Jesuh tah thlawnna dang ham aka mawtkung ni.

1Peter 4:11

Thaihu soeprep dawngah Jesuh Khrih rang oen Pathen lawng thangpawmna te a dang thaina ham a-u lawngkhaw awl a thui atah Pathen awlthang te thui seh; A-u lawngkhaw bii a bi atah Pathen lawng a peek tha-awm tharana oen bi seh, ruep-awmna oen huham tharana tah dungyan toela amah tengah awm hawn seh. Amen.

1Peter 5:11

Amah tengah huham tharana tah yoeyahla awm hawn seh! Amen.

2Peter 3:18

Mami kah Bawipa Jesuh Khrih lungvatna oen mingna dawngah roeng hang uh. Amah tengah ruep-awmna tah tahe kalawng ayoeyah awm hawn seh. Amen.

Jude 1:25

Mami kah Bawipa Jesuh Khrih rang oen pakhat bueng la aka awm Pathen, mami thlawnkung sawah acuekca kalawng khawseh, tahe ah khawseh ruep-awmna, tharana oen saithaina aana tah dungyan toela awm hawn seh. Amen.

Olphong 19:1

Tecoengah vaan ah thlaangping kah vupaang awl angla ka yaak tih, “Pathen tah koeh u lah! Thlawnna, ruep-awmna oen tharana tah mami kah Pathen amah koe ni.

Olphong 21:6

Tecoengah ahih lawngah, “Bii ka coeng poen! Kai tah lamhacuek oen hukhueng koek, atongcuekna oen aboetna koek ni. A-u khaw tui aka hall tah hingna tuibaaptui te ayoela ka awkk sak ai.

Olphong 7:10

Ahimi lawng, “Thlawnna tah bawingawlh-coen dawng aka ngawl Pathen oen Tuuca teng kalawng ni a law” tila paang u.

Olphong 7:12

“Amen! Thaangtheenna, ruep-awmna, cuihna, awmngaihkoehna, hinyahna, huham tharana oen tha-awmna tah Pathen kah koeva la dungyan dungyan toe awm hawn seh! Amen!” tila a thui u.